പെ​രു​മ്പാ​റ​ക്കു​ളം കു​ടി​വെ​ള്ള പ​ദ്ധ​തി ഏ​ങ്ങു​മെ​ത്തി​യി​ല്ല

ബാ​ലു​ശ്ശേ​രി: വ​ട്ടോ​ളി​ബ​സാ​ർ പെ​രു​മ്പാ​റ​ക്കു​ളം കു​ടി​വെ​ള്ള​പ​ദ്ധ​തി പാ​തി​വ​ഴി​യി​ൽ. പ​ന​ങ്ങാ​ട് പ​ഞ്ചാ​യ​ത്തി​ലെ 12ാം വാ​ർ​ഡി​ൽ​പെ​ട്ട ഒ​ട്ടേ​റെ കു​ടും​ബ​ങ്ങ​ൾ​ക്ക് ഉ​പ​കാ​ര​പ്ര​ദ​മാ​കേ​ണ്ട പെ​രു​മ്പാ​റ​ക്കു​ളം കു​ടി​വെ​ള്ള പ​ദ്ധ​തി​ക്കാ​വ​ശ്യ​മാ​യ പ​മ്പ് ഹൗ​സും ടാ​ങ്കും ജ​ല​വി​ത​ര​ണ സം​വി​ധാ​ന​വും പൂ​ർ​ത്തി​യാ​യി​ട്ടു​ണ്ട്. എ​ന്നാ​ൽ, പ​മ്പ് ഹൗ​സി​ലേ​ക്കു​ള്ള വൈ​ദ്യു​തി ക​ണ​ക്ഷ​ൻ ല​ഭി​ച്ചി​ട്ടി​ല്ലെ​ന്ന കാ​ര​ണ​ത്താ​ൽ കു​ടി​വെ​ള്ള വി​ത​ര​ണം ന​ട​ത്താ​ൻ പ​റ്റാ​ത്ത അ​വ​സ്ഥ​യി​ൽ​ത​ന്നെ​യാ​ണ്.

ഈ ​വ​ർ​ഷം ജ​നു​വ​രി അ​വ​സാ​ന​ത്തോ​ടെ പ​ദ്ധ​തി യാ​ഥാ​ർ​ഥ്യ​മാ​കു​മെ​ന്നാ​ണ് അ​ധി​കൃ​ത​ർ ന​ൽ​കി​യ ഉ​റ​പ്പ്. ഫെ​ബ്രു​വ​രി ക​ഴി​ഞ്ഞി​ട്ടും പ​ദ്ധ​തി പൂ​ർ​ത്തീ​ക​രി​ക്കാ​ൻ സാ​ധി​ച്ചി​ട്ടി​ല്ല. സം​സ്ഥാ​ന പാ​ത​ക്ക​രി​കി​ലാ​യി മൃ​ഗാ​ശു​പ​ത്രി​ക്ക് സ​മീ​പം റ​വ​ന്യൂ വ​കു​പ്പി​ന്റെ കീ​ഴി​ലു​ണ്ടാ​യി​രു​ന്ന 22.6 സെ​ന്റ് സ്ഥ​ല​ത്ത് ജീ​ർ​ണാ​വ​സ്ഥ​യി​ലാ​യി​രു​ന്ന പെ​രു​മ്പാ​റ കു​ളം പ​ന​ങ്ങാ​ട് പ​ഞ്ചാ​യ​ത്ത് ജ​ന​കീ​യാ​സൂ​ത്ര​ണ പ​ദ്ധ​തി​യി​ൽ ന​വീ​ക​രി​ച്ചെ​ടു​ത്ത​താ​ണ്. പി​ന്നീ​ട് അ​മൃ​ത​സ​രോ​വ​ർ പ​ദ്ധ​തി​യി​ലു​ൾ​പ്പെ​ടു​ത്തി ജി​ല്ല പ​ഞ്ചാ​യ​ത്ത് 13.39 ല​ക്ഷം രൂ​പ ചെ​ല​വ​ഴി​ച്ച് പെ​രു​മ്പാ​റ​ക്കു​ളം മോ​ടി​പി​ടി​പ്പി​ച്ച് ന​വീ​ക​രി​ക്കു​ക​യു​ണ്ടാ​യി.

കു​ള​ത്തോ​ട​നു​ബ​ന്ധി​ച്ചു ഒ​ഴി​ഞ്ഞു​കി​ട​ക്കു​ന്ന സ്ഥ​ലം പ്ര​യോ​ജ​ന​പ്പെ​ടു​ത്തി വ​യോ​ജ​ന പാ​ർ​ക്ക് നി​ർ​മി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​രു​ന്നു. ഇ​തും ന​ട​ന്നി​ട്ടി​ല്ല. വ​ട്ടോ​ളി​ബ​സാ​റി​ലെ മൃ​ഗാ​ശു​പ​ത്രി​ക്ക് സ​മീ​പം ന​വീ​ക​രി​ച്ച പെ​രു​മ്പാ​റ​ക്കു​ള​ത്തി​ൽ കു​ടി​വെ​ള്ള വി​ത​ര​ണ​ത്തി​നാ​യി പൈ​പ്പ് ലൈ​ൻ സ്ഥാ​പി​ച്ച നി​ല​യി​ൽ