Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightPerambrachevron_rightതൊഴുത്ത് തകർന്ന്...

തൊഴുത്ത് തകർന്ന് സ്ലാബിനുള്ളിൽ കുടുങ്ങിയ പശുവിനെയും കുട്ടിയെയും രക്ഷിച്ചു

text_fields
bookmark_border
തൊഴുത്ത് തകർന്ന് സ്ലാബിനുള്ളിൽ കുടുങ്ങിയ പശുവിനെയും കുട്ടിയെയും രക്ഷിച്ചു
cancel

പേരാമ്പ്ര: കനത്ത മഴയിൽ കോൺക്രീറ്റ് തൊഴുത്ത് തകർന്ന് സ്ലാബിനുള്ളിൽ കുടുങ്ങിയ പശുവിനെയും കുട്ടിയെയും പേരാമ്പ്ര ഫയർഫോഴ്‌സ് രക്ഷപ്പെടുത്തി.

ഞായറാഴ്ച പുലർച്ച 4.45ഓടെ മുളിയങ്ങലിലെ ദാവരിച്ച്കണ്ടി ബീരാൻകുട്ടിയുടെ വീട്ടിലെ തൊഴുത്താണ് തകർന്നത്.

ഹൈഡ്രോളിക് ജാക്കി ഉപയോഗിച്ച് ഉയർത്തിയശേഷം ഡെമോളിഷിങ് ഹാമർ ഉപയോഗിച്ച് സ്ലാബ് പൊട്ടിച്ച്​ വളരെ ശ്രമകരമായാണ് പശുവിനെ രക്ഷപ്പെടുത്തിയത്.

സ്ലാബി​െൻറ പകുതി ഭാഗം വരെ പൊളിച്ച ശേഷമാണ് രണ്ടാമത്തെ പശുവിനെ രക്ഷപ്പെടുത്താൻ കഴിഞ്ഞത്. പശുവി​െൻറ ഒരു കൊമ്പ് ഒടിഞ്ഞതൊഴിച്ചാൽ മറ്റു കാര്യമായ പരിക്കുകളില്ല.

സീനിയർ ഫയർ ആൻഡ്​ റെസ്ക്യൂ ഓഫിസർ പി. വിനോദി​െൻറ നേതൃത്വത്തിൽ നടത്തിയ രക്ഷാപ്രവർത്തനത്തിൽ ഫയർ ആൻഡ്​ റെസ്ക്യൂ ഓഫിസർമാരായ എം.പി. സിജു, കെ. സുനിൽ, ഐ. ബിനീഷ് കുമാർ, പി.കെ. രാകേഷ്, കെ.പി. ബിജു, എൻ.കെ. സ്വപ്‌നേഷ്, ഐ.ബി. രാഗിൻ കുമാർ, എൻ.പി. അനൂപ്, കെ.പി. സന്ദീപ് ദാസ്, ഹോംഗാർഡ് പി.സി. അനീഷ്കുമാർ എന്നിവർ പങ്കെടുത്തു.

Show Full Article
TAGS:cow rescued perambra 
News Summary - shelter collapsed; cow and kid rescued
Next Story