റോഡ്​ പ്രവൃത്തി സ​മ​യ​ബ​ന്ധി​ത​മാ​യി പൂർത്തിയാക്കിയില്ല, കരാറുകാരനെ ഒഴിവാക്കി

കോ​ഴി​ക്കോ​ട്​: റോ​ഡ് പ്ര​വൃ​ത്തി സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​ത്ത​തി​ന് ക​രാ​റു​കാ​ര​നെ ഒ​ഴി​വാ​ക്കി. കാ​സ​ർ​കോ​ട്​ എം.​ഡി ക​ൺ​സ്ട്ര​ക്​​ഷ​നെ​തി​രെ​യാ​ണ് പൊ​തു​മ​രാ​മ​ത്ത് വ​കു​പ്പി​െൻറ ന​ട​പ​ടി. പേ​രാ​മ്പ്ര -താ​ന്നി​ക്ക​ണ്ടി - ച​ക്കി​ട്ട​പാ​റ റോ​ഡ് പ്ര​വൃ​ത്തി​യി​ലെ അ​ലം​ഭാ​വ​ത്തെ തു​ട​ർ​ന്നാ​ണ് ന​ട​പ​ടി. 2020 മേ​യ് 29നാ​ണ്​ പ്ര​വൃ​ത്തി തു​ട​ങ്ങി​യ​ത്. ഒ​മ്പ​ത്​ മാ​സം കൊ​ണ്ട് പ്ര​വൃ​ത്തി പൂ​ർ​ത്തീ​ക​രി​ക്കാ​നാ​യി​രു​ന്നു ക​രാ​ർ. 10 കോ​ടി രൂ​പ പ​ദ്ധ​തി​ക്കാ​യി അ​നു​വ​ദി​ക്കു​ക​യും ചെ​യ്തു. എ​ന്നാ​ൽ, പ്ര​വൃ​ത്തി ഇ​ഴ​ഞ്ഞു​നീ​ങ്ങു​ക​യാ​ണ് ചെ​യ്ത​ത്.

ക​രാ​ർ പ്ര​കാ​രം ഫെ​ബ്രു​വ​രി​യി​ലാ​ണ് പ്ര​വൃ​ത്തി പൂ​ർ​ത്തീ​ക​രി​ക്കേ​ണ്ടി​യി​രു​ന്ന​ത്. പൊ​തു​മ​രാ​മ​ത്ത് വ​കു​പ്പ് നി​ര​ന്ത​രം ആ​വ​ശ്യ​പ്പെ​ട്ടി​ട്ടും ക​രാ​റു​കാ​ര​ൻ പ്ര​വൃ​ത്തി ന​ട​ത്താ​ൻ ത​യാ​റാ​യി​ല്ല. ഇ​തു​മൂ​ലം ജ​ന​ങ്ങ​ൾ ബു​ദ്ധി​മു​ട്ട​നു​ഭ​വി​ക്കു​ന്ന കാ​ര്യം ജ​ന​പ്ര​തി​നി​ധി​ക​ൾ ചൂ​ണ്ടി​ക്കാ​ട്ടു​ക​യും ചെ​യ്തു. പ്ര​വൃ​ത്തി പൂ​ർ​ത്തി​യാ​യി​ല്ലെ​ന്ന പ​രാ​തി ഉ​യ​ർ​ന്ന​തി​നെ തു​ട​ർ​ന്ന് മ​ന്ത്രി പി.​എ. മു​ഹ​മ്മ​ദ്​ റി​യാ​സ്​ സ്ഥ​ലം സ​ന്ദ​ർ​ശി​ച്ചു. സ​മ​യ​ബ​ന്ധി​ത​മാ​യി പ​ണി പൂ​ർ​ത്തീ​ക​രി​ക്കാ​ൻ ക​രാ​റു​കാ​ർ​ക്ക് മ​ന്ത്രി നി​ർ​ദേ​ശം ന​ൽ​കി. എ​ന്നി​ട്ടും പു​രോ​ഗ​തി ഉ​ണ്ടാ​യി​ല്ല. 16 മാ​സം കൊ​ണ്ട് 10 ശ​ത​മാ​ന​ത്തി​ൽ താ​ഴെ മാ​ത്ര​മാ​ണ് പ്ര​വൃ​ത്തി പൂ​ർ​ത്തീ​ക​രി​ച്ച​ത്. ഇ​തേ തു​ട​ർ​ന്നാ​ണ് ക​ടു​ത്ത ന​ട​പ​ടി​ക​ളി​ലേ​ക്ക് നീ​ങ്ങി​യ​ത്. കോ​ഴി​ക്കോ​ട് ദേ​ശീ​യ​പാ​ത​യി​ൽ പ്ര​വൃ​ത്തി​യി​ൽ അ​ലം​ഭാ​വം കാ​ണി​ച്ച ക​രാ​റു​കാ​ര​നി​ൽ​നി​ന്ന്​ പി​ഴ ഈ​ടാ​ക്കാ​ൻ ക​ഴി​ഞ്ഞ​ദി​വ​സം തീ​രു​മാ​നി​ച്ചി​രു​ന്നു.

താനിക്കണ്ടി റോഡ് കരാറുകാർക്ക് പാഠമാകുമോ?

പേ​രാ​മ്പ്ര: ക​രാ​ർ ഏ​റ്റെ​ടു​ത്തു​ക​ഴി​ഞ്ഞാ​ൽ തോ​ന്നി​യ​പോ​ലെ പ്ര​വൃ​ത്തി ന​ട​ത്താ​മെ​ന്നാ​യി​രു​ന്നു മി​ക്ക ക​രാ​റു​കാ​രു​ടേ​യും ധാ​ര​ണ. എ​ന്നാ​ൽ, പ്ര​വൃ​ത്തി സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​ത്ത പേ​രാ​മ്പ്ര - പൈ​തോ​ത്ത് റോ​ഡി​െൻറ ക​രാ​റു​കാ​ര​നെ​തി​രെ പൊ​തു​മ​രാ​മ​ത്ത് വ​കു​പ്പ് ന​ട​പ​ടി സ്വീ​ക​രി​ച്ച​തോ​ടെ പു​തി​യ മാ​റ്റം വ​രു​മെ​ന്ന ധാ​ര​ണ​യി​ലാ​ണ് നാ​ട്ടു​കാ​ർ.

കാ​സ​ർ​കോ​ട് ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന എം.​ഡി ക​ൺ​സ്ട്ര​ക്​​ഷ​ൻ ക​മ്പ​നി​ക്കെ​തി​രെ​യാ​ണ് പൊ​തു​മ​രാ​മ​ത്ത് വ​കു​പ്പ് ന​ട​പ​ടി എ​ടു​ത്തി​രി​ക്കു​ന്ന​ത്.10 കോ​ടി ചെ​ല​വി​ൽ ഈ ​റോ​ഡി​െൻറ ന​വീ​ക​ര​ണ പ്ര​വൃ​ത്തി ഏ​റ്റെ​ടു​ത്ത ക​രാ​റു​കാ​ര​ൻ ഒ​ന്ന​ര​വ​ർ​ഷം ക​ഴി​ഞ്ഞി​ട്ടും കാ​ര്യ​മാ​യി ഒ​ന്നും ന​ട​ത്താ​ത്ത​താ​ണ് മാ​റ്റാ​ൻ കാ​ര​ണം. ക​ഴി​ഞ്ഞ വ​ർ​ഷം മേ​യി​ൽ റോ​ഡി​െൻറ പ്ര​വൃ​ത്തി ഉ​ദ്ഘാ​ട​നം ന​ട​ത്തി​യെ​ങ്കി​ലും ചി​ല​യി​ട​ങ്ങ​ളി​ൽ ഓ​വു​ചാ​ലി​െൻറ​യും ചി​ല ക​ലു​ങ്കു​ക​ളു​ടെ ഭാ​ഗി​ക പ്ര​വൃ​ത്തി​യും മാ​ത്ര​മാ​ണ് ചെ​യ്ത​ത്.

സ​മാ​ന​രീ​തി​യി​ൽ ര​ണ്ട് റോ​ഡു​ക​ളു​ടെ നി​ർ​മാ​ണം കൂ​ടി പേ​രാ​മ്പ്ര മേ​ഖ​ല​യി​ൽ ന​ട​ക്കു​ന്നു​ണ്ട്. പേ​രാ​മ്പ്ര - ചെ​മ്പ്ര റോ​ഡി​െൻറ ന​വീ​ക​ര​ണ​വും ച​ങ്ങ​രോ​ത്ത് ഗ്രാ​മ​പ​ഞ്ചാ​യ​ത്തി​ലെ വ​ട​ക്കു​മ്പാ​ട് - വ​ഞ്ചി​പ്പാ​റ- ഗോ​പു​ര​ത്തി​ലി​ടം റോ​ഡി​െൻറ ന​വീ​ക​ര​ണ​വു​മാ​ണ് മ​ന്ദ​ഗ​തി​യി​ൽ നീ​ങ്ങു​ന്ന​ത്. ഈ ​ര​ണ്ട് റോ​ഡു​ക​ളും ഏ​റ്റെ​ടു​ത്തി​രി​ക്കു​ന്ന​ത് കാ​സ​ർ​കോ​ട് സ്വ​ദേ​ശി​ക​ളാ​യ കോ​ൺ​ട്രാ​ക്​​ട​ർ​മാ​ർ ത​ന്നെ​യാ​ണ്. ഒ​രേ ക​മ്പ​നി​ക്ക് കീ​ഴി​ലാ​ണ്​ ഇ​വ​യെ​ല്ലാം പ്ര​വ​ർ​ത്തി​ക്കു​ന്ന​തെ​ങ്കി​ലും വ്യ​ത്യ​സ്ത ആ​ളു​ക​ളു​ടെ പേ​രി​ലാ​ണ് ക​രാ​ർ ഏ​റ്റെ​ടു​ത്തി​രി​ക്കു​ന്ന​ത്.

ഈ ​മൂ​ന്ന് റോ​ഡു​ക​ളു​ടെ നി​ർ​മാ​ണം ക​രാ​റു​കാ​രു​ടെ അ​ലം​ഭാ​വം മൂ​ലം പ​ണി ന​ട​ക്കാ​ത്ത​തി​നെ തു​ട​ർ​ന്ന് പൊ​തു​മ​രാ​മ​ത്ത് വ​കു​പ്പ് മ​ന്ത്രി അ​ഡ്വ. പി.​എ. മു​ഹ​മ്മ​ദ് റി​യാ​സ് നേ​രി​ട്ട് ഇ​ട​പെ​ട്ട് ജി​ല്ല ക​ല​ക്​​ട​ർ ക​രാ​റു​കാ​രെ വി​ളി​ച്ചു​വ​രു​ത്തി പ്ര​വൃ​ത്തി പു​ന​രാ​രം​ഭി​ക്കാ​ൻ നി​ർ​ദേ​ശി​ക്കു​ക​യാ​യി​രു​ന്നു. ഇ​തി​നെ തു​ട​ർ​ന്ന് മൂ​ന്ന് റോ​ഡു​ക​ളു​ടെ​യും പ്ര​വൃ​ത്തി ആ​രം​ഭി​ച്ചെ​ങ്കി​ലും വീ​ണ്ടും നി​ല​ച്ചി​രി​ക്കു​ക​യാ​ണ്.അ​ല്ലെ​ങ്കി​ൽ, നാ​മ​മാ​ത്ര​മാ​യ തൊ​ഴി​ലാ​ളി​ക​ളെ ഉ​പ​യോ​ഗി​ച്ച് ഇ​ഴ​ഞ്ഞു​നീ​ങ്ങു​ക​യാ​ണ്. ജൂ​ലൈ​യി​ൽ മ​ന്ത്രി നേ​രി​ട്ടെ​ത്തി റോ​ഡു​ക​ളു​ടെ ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ നേ​രി​ട്ട് വി​ല​യി​രു​ത്തു​ക​യും വേ​ഗ​ത്തി​ൽ പൂ​ർ​ത്തീ​ക​രി​ക്കാ​തെ അ​ലം​ഭാ​വം കാ​ണി​ച്ചാ​ൽ ക​രാ​ർ ഒ​ഴി​വാ​ക്കു​മെ​ന്ന് മു​ന്ന​റി​യി​പ്പ് ന​ൽ​കു​ക​യും ചെ​യ്​​ത​താ​ണ്. എ​ന്നി​ട്ടും ക​രാ​റു​കാ​ർ മ​ന്ത്രി​യു​ടെ വാ​ക്കി​നോ ഉ​ദ്യോ​ഗ​സ്ഥ​രു​ടെ നി​ർ​ദേ​ശ​ങ്ങ​ൾ​ക്കോ വി​ല​ക​ൽ​പി​ക്കാ​തെ പ്ര​വൃ​ത്തി ന​ട​ത്താ​ത്ത​താ​ണ് ന​ട​പ​ടി​ക്ക് കാ​ര​ണം.

മ​റ്റ് റോ​ഡു​ക​ളു​ടെ​യും ക​രാ​റു​കാ​രെ മാ​റ്റി പു​തി​യ ക​രാ​ർ ന​ൽ​കു​മെ​ന്ന ആ​ശ്വാ​സ​ത്തി​ലാ​ണ് ഇ​വ​യു​ടെ ഗു​ണ​ഭോ​ക്താ​ക്ക​ൾ. ഈ ​റോ​ഡ് അ​ടു​ത്ത ദി​വ​സം ത​ന്നെ മ​റ്റൊ​രു ക​രാ​റു​കാ​ര​ന് കൈ​മാ​റി പ്ര​വൃ​ത്തി പു​ന​രാ​രം​ഭി​ക്കു​മെ​ന്ന് പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​ർ അ​റി​യി​ച്ചു.