കരുതൽമേഖല: കൂരാച്ചുണ്ടിൽ ഇന്ന് റാലി

പേരാമ്പ്ര: കരുതൽമേഖല സർവേ റിപ്പോർട്ടിനെതിരെ പ്രശ്നബാധിത മേഖലകളിലെ ജനങ്ങളുടെ പ്രതിഷേധ പരിപാടി തിങ്കളാഴ്ച കൂരാച്ചുണ്ടിൽ നടക്കും.

ഉച്ച രണ്ടിന് ജനജാഗ്രത യാത്ര കേരള കർഷക അതിജീവന സംയുക്ത സമിതി ഭാരവാഹികളായ ബോണി ജേക്കബ്, ജോൺസൺ തോമസ് പൂകമല എന്നിവരുടെ നേതൃത്വത്തിൽ ചക്കിട്ടപാറ പഞ്ചായത്തിലെ പൂഴിത്തോടുനിന്നും, കൂരാച്ചുണ്ട് പഞ്ചായത്തിലെ കക്കയത്തുനിന്ന് സുമിൻ എസ്. നെടുങ്ങാടൻ, കുര്യൻ ചെമ്പനാനി എന്നിവരുടെ നേതൃത്വത്തിലും ആരംഭിക്കും. വൈകീട്ട് അഞ്ചിന് മഹാറാലിയോടെ കൂരാച്ചുണ്ടിൽ സംഗമിക്കും.

പൊതുസമ്മേളനം താമരശേരി ബിഷപ് മാർ റെമിജിയോസ് ഇഞ്ചനാനിയിൽ ഉദ്ഘാടനം ചെയ്യും. വിവിധ കർഷക നേതാക്കൾ സംസാരിക്കും.