പേരാമ്പ്ര കെ.എസ്.ഇ.ബി ഓഫിസ്; കാഷ് കൗണ്ടറിൽ ഉപഭോക്താക്കൾക്ക് ദുരിതം

പേ​രാ​മ്പ്ര: ഓ​ഫി​സി​ന​ക​ത്ത് മി​ക​ച്ച സൗ​ക​ര്യ​ങ്ങ​ളു​ള്ള​പ്പോ​ൾ പേ​രാ​മ്പ്ര കെ.​എ​സ്.​ഇ.​ബി സെ​ക്ഷ​നി​ൽ പു​റ​ത്തെ കാ​ഷ് കൗ​ണ്ട​ർ ഉ​പ​ഭോ​ക്തൃ​സൗ​ഹൃ​ദ​മാ​യി​ല്ല. ര​ണ്ട് കൗ​ണ്ട​റു​ക​ളി​ൽ ഒ​ന്ന് ഒ​ഴി​വാ​ക്കി​യി​രി​ക്കു​ക​യാ​ണ്. അ​ലൂ​മി​നി​യം ഷീ​റ്റി​ട്ട മേ​ൽ​ക്കൂ​ര​ക്ക് താ​ഴെ ചൂ​ടു​സ​ഹി​ച്ചാ​ണ് പ​ണ​മ​ട​ക്കാ​ൻ വ​രി​നി​ൽ​ക്കേ​ണ്ട​ത്.

പ്രാ​യാ​ധി​ക്യ​മു​ള്ള​വ​ർ​ക്കോ അം​ഗ​പ​രി​മി​ത​ർ​ക്കോ ഇ​രി​പ്പി​ട​മി​ല്ല. ഈ ​കൂ​ര​ക്ക് ചു​വ​ട്ടി​ൽ പ​ത്തു​പേ​ർ​ക്ക് നി​ൽ​ക്കാ​നു​ള്ള സൗ​ക​ര്യ​മേ​യു​ള്ളൂ. പോ​രാ​ത്ത​തി​ന് വാ​ഹ​ന പാ​ർ​ക്കി​ങ്ങും ഇ​വി​ടെ​യാ​ണ്. തു​ട​ർ​ന്ന് വ​രു​ന്ന​വ​ർ വാ​ഹ​ന പാ​ർ​ക്കി​ങ്ങി​നും യാ​ഡി​നും ഉ​പ​യോ​ഗി​ക്കു​ന്ന മു​റ്റ​ത്ത് നി​ൽ​ക്ക​ണം. തൊ​ട്ട​ടു​ത്താ​ണ് പേ​രാ​മ്പ്ര സ​ബ് സ്റ്റേ​ഷ​നി​ലെ കൂ​റ്റ​ൻ ട്രാ​ൻ​ഫോ​ർ​മ​റു​ക​ൾ സ്ഥാ​പി​ച്ചി​രി​ക്കു​ന്ന​ത്. അ​തി​സു​ര​ക്ഷ​യി​ൽ സ്ഥാ​പി​ക്കേ​ണ്ട ട്രാ​ൻ​സ്ഫോ​ർ​മ​ർ നി​ൽ​ക്കു​ന്ന​ത് പൊ​തു​ജ​ന​ങ്ങ​ൾ പെ​രു​മാ​റു​ന്ന സ്ഥ​ല​ത്താ​ണ്. ഒ​രു ക​മ്പി​വേ​ലി മാ​ത്ര​മാ​ണ് കാ​ഷ് കൗ​ണ്ട​റി​നും ട്രാ​ൻ​സ്ഫോ​ർ​മ​റി​നും ഇ​ട​യി​ലു​ള്ള​ത്. മി​ന്ന​ൽ സ​മ​യ​ത്ത് ആ​ളു​ക​ൾ​ക്ക് ഇ​വി​ടെ നി​ൽ​ക്കാ​ൻ ഭ​യ​മാ​ണ്.