വീട് മഴയിൽ തകർന്നു

പേരാമ്പ്ര: കായണ്ണ ഗ്രാമപഞ്ചായത്ത് ഒന്നാം വാർഡിലെ കക്കാടുമ്മൽ അഷ്റഫിന്റെ വീട് മഴയിൽ തകർന്നു. ഓടുമേഞ്ഞ വീടിന്റെ മേൽക്കൂര നിലംപൊത്തി. ചുമരിനും വിള്ളലേറ്റു. അഷ്റഫും ഭാര്യ ഫെമിനയും വീട്ടിലുണ്ടായിരുന്നെങ്കിലും പരിക്കേൽക്കാതെ രക്ഷപ്പെട്ടു. മൂന്നു ലക്ഷത്തോളം രൂപയുടെ നഷ്ടമുള്ളതായി ഉടമ പറഞ്ഞു. വില്ലേജ്, പഞ്ചായത്ത് അധികൃതർ സ്ഥലം സന്ദർശിച്ചു.