കായണ്ണയില്‍ ലീഗ് പ്രവർത്തകരുടെ വീടുകള്‍ക്കുനേരെ സ്​ഫോടകവസ്തു എറിഞ്ഞു

പേരാമ്പ്ര: കോഴിക്കോട് കായണ്ണയില്‍ രണ്ട് മുസ്​ലിംലീഗ് പ്രവര്‍ത്തകരുടെ വീടുകള്‍ക്കു നേരെ ചൊവ്വാഴ്ച അർധരാത്രി സ്ഫോടകവസ്തു എറിഞ്ഞു. കായണ്ണ ശാഖ മുസ്​ലിം ലീഗ് പ്രസിഡൻറ്​ പള്ളിത്താഴ കുഞ്ഞിമുഹമ്മദ്, ലീഗ് പ്രവര്‍ത്തകന്‍ കുരുടിച്ചിക്കണ്ടി മുഹമ്മദ് എന്നിവരുടെ വീടുകള്‍ക്കു നേരെയാണ് അക്രമം നടന്നത്.

വീടി​െൻറ വരാന്തയിലുണ്ടായിരുന്ന ഫര്‍ണിച്ചറുകള്‍ തകര്‍ന്നു. പേരാമ്പ്ര പൊലീസ്​ സബ്​ ഇന്‍സ്പെക്ടര്‍ പ്രദീപി​െൻറ നേതൃത്വത്തിലുള്ള പൊലീസ് സംഭവ സ്ഥലത്തെത്തി പരിശോധന നടത്തി.

സാമൂഹിക വിരുദ്ധരാണ് സംഭവത്തിനു പിന്നിലെന്നാണ്​ സംശയം.