മാവോവാദി ഭീഷണിക്കെതിരെ സി.പി.എം പന്തംകൊളുത്തി പ്രതിഷേധിച്ചു

പേരാമ്പ്ര: ചക്കിട്ടപാറയിൽ ഇല്ലാത്ത ഖനനത്തിന്‍റെ പേരിൽ നാട്ടിലെ ജനങ്ങളെ ഭിന്നിപ്പിക്കാനും ഭീതിയിലാഴ്ത്തി ചൂഷണം ചെയ്യാനുമാണ്​ മാവോവാദികളുടെ ശ്രമമെന്ന്​ സി.പി.എം. പഞ്ചായത്തിലെ മാവോവാദി ഭീകരവാദത്തിനെതിരെ സി.പി.എമ്മിന്‍റെ ആഭിമുഖ്യത്തിൽ ചക്കിട്ടപാറയിൽ ജനകീയ പ്രതിഷേധ ജ്വാല സംഘടിപ്പിച്ചു.

മുതുകാട് ലോക്കൽ കമ്മിറ്റിക്ക്​ കീഴിൽ പൂഴിത്തോട്, ചെമ്പനോട്​, മുതുകാട് മേഖലകളിലെ 206 കേന്ദ്രങ്ങളിലായി മൂവായിരത്തിൽപരം പേർ പങ്കെടുത്തു.

പാർട്ടി നേതാക്കളായ എൻ.പി. ബാബു, എം. കുഞ്ഞമ്മദ്, കെ. സുനിൽ, പി.സി. സുരാജൻ, സി.കെ. ശശി, കെ.കെ. ബിന്ദു എന്നിവർ ഉദ്ഘാടനം ചെയ്തു.