പേരാമ്പ്രയിൽ സി.പി.എം ഓഫീസിന് തീയിട്ടു; പിന്നിൽ കോൺഗ്രസെന്ന്

പേരാമ്പ്ര: വാല്യക്കോട് സി.പി.എം ബ്രാഞ്ച് ഓഫീസിന് തീയിട്ടു. ഓഫീസിലെ ഫര്‍ണിച്ചറുകളും ഫയലുകളും കത്തിനശിച്ചു. ഇന്നലെ രാത്രി 12.30 ന് ശേഷമാണ് സംഭവം.

ഇതുവഴി പോകുന്നയാളാണ് ഓഫീസില്‍ തീ പടരുന്നത് കണ്ടത്. തുടര്‍ന്ന് പൊലീസിനെ വിവരമറിയിക്കുകയായിരുന്നു. പേരാമ്പ്ര ഫയര്‍ഫോഴ്സെത്തിയാണ് തീയണച്ചത്. സംഭവത്തെ കുറിച്ച് പൊലീസ് അന്വേഷണം ആരംഭിച്ചു. സംഭവത്തിന് പിന്നില്‍ കോണ്‍ഗ്രസാണെന്ന് സി.പി.(എം ആരോപിച്ചു. ഇതി​നിടെ, കഴിഞ്ഞ ദിവസങ്ങളായി പേരാമ്പ്ര മേഖലയിൽ സി.പി.എം-യു.ഡി.എഫ് സംഘർഷാന്തരീക്ഷം നിലനിൽക്കുകയാണ്.