കടുവാപ്പേടിയിൽ ച​ക്കി​ട്ട​പാ​റ; ഉറപ്പിക്കാതെ വനപാലകർ

പേ​രാ​മ്പ്ര: ച​ക്കി​ട്ട​പാ​റ ഗ്രാ​മ പ​ഞ്ചാ​യ​ത്ത് വാ​ർ​ഡ് ഏ​ഴി​ൽ മൂ​ന്നി​ട​ങ്ങ​ളി​ലാ​യി ക​ടു​വ​യെ ക​ണ്ടെ​ന്ന് നാ​ട്ടു​കാ​ർ. എന്നാൽ ദി​വ​സം മു​ഴു​വ​ൻ ന​ട​ത്തി​യ തി​ര​ച്ചി​ലി​നൊ​ടു​വി​ലും ക​ടു​വ​യു​ടെ സൂ​ച​ന ല​ഭി​ച്ചി​ല്ലെ​ന്നാ​ണ് പെ​രു​വ​ണ്ണാ​മൂ​ഴി ഫോ​റ​സ്റ്റ് റേ​ഞ്ചി​ലെ വ​ന​പാ​ല​ക​ർ പ​റ​യു​ന്ന​ത്. ബു​ധ​നാ​ഴ്ച പു​ല​ര്‍ച്ചെ പെ​രു​വ​ണ്ണാ​മൂ​ഴി വ​ട്ട​ക്ക​യം ഭാ​ഗ​ത്ത് ക​ടു​വ​യെ ക​ണ്ടെ​ന്ന് ആ​ദ്യം പ​റ​ഞ്ഞ​ത് റ​ബ​ര്‍ ടാ​പ്പി​ങ്ങി​ന് പോ​വു​ക​യാ​യി​രു​ന്ന ദ​മ്പ​തി​ക​ളാ​ണ്.

ഇ​വ​ർ ന​ൽ​കി​യ വി​വ​ര​ത്തെ തു​ട​ർ​ന്ന് വ​ന​പാ​ല​ക​രും പൊ​ലീ​സും നാ​ട്ടു​കാ​രും തി​ര​ച്ചി​ൽ ന​ട​ത്തി​യെ​ങ്കി​ലും ഒ​ന്നും ക​ണ്ടെ​ത്താ​ൻ ക​ഴി​ഞ്ഞി​ല്ല. എ​ന്നാ​ൽ വൈ​കീ​ട്ട് ഏ​ഴോ​ടെ പെ​രു​വ​ണ്ണാ​മൂ​ഴി ഇ​ള​ങ്കോ​ട് മേ​ഖ​ല​യി​ല്‍ പൈ​ക​യി​ല്‍ ഷാ​ന്റി​യു​ടെ വീ​ട്ടു​മു​റ്റ​ത്ത് ക​ടു​വ​യെ ക​ണ്ട​താ​യി പ​റ​യു​ന്നു. പ​രു​ത്തി​പാ​റ വി​നീ​തി​ന്റെ കൃ​ഷി​യി​ട​ത്തി​ലും രാ​ത്രി ഒ​മ്പ​തോ​ടെ ക​ടു​വ​യെ ക​ണ്ട​താ​യി ജോ​ലി​ക്കാ​ര്‍ പ​റ​ഞ്ഞു. എ​ന്നാ​ൽ വ്യാ​ഴാ​ഴ്ച​യും തി​ര​ച്ചി​ൽ ന​ട​ത്തി​യി​ട്ടും ക​ടു​വ​യു​ടെ ഒ​രു സൂ​ച​ന​യും ല​ഭി​ച്ചി​ല്ല. വ​നം വ​കു​പ്പു​ദ്യോ​ഗ​സ്ഥ​ർ ശ​ക്ത​മാ​യ നി​രീ​ക്ഷ​ണ​വും പ​രി​ശോ​ധ​ന​യും പ​ട്രോ​ളി​ങ്ങും ന​ട​ത്തു​ന്നു​ണ്ടെ​ന്നു റേ​ഞ്ച​ർ കെ.​വി. ബി​ജു പ​റ​ഞ്ഞു.