പെട്രോൾ ഇനി കുപ്പിയിൽ കിട്ടില്ല; വഴിയിൽ കുടുങ്ങുന്ന യാത്രക്കാർക്ക് ദുരിതം

പ​യ്യോ​ളി: പ​മ്പു​ക​ളി​ൽ​നി​ന്ന് കു​പ്പി​യി​ൽ പെ​ട്രോ​ൾ ന​ൽ​ക​രു​തെ​ന്ന നി​യ​മം വീ​ണ്ടും ക​ർ​ശ​ന​മാ​ക്കി​യ​ത്, ഇ​ന്ധ​നം തീ​ർ​ന്ന് വ​ഴി​യി​ൽ കു​ടു​ങ്ങു​ന്ന യാ​ത്ര​ക്കാ​ർ​ക്ക് ദു​രി​ത​മാ​വു​ന്നു. എ​ല​ത്തൂ​രി​ലു​ണ്ടാ​യ ട്രെ​യി​ൻ തീ​വെ​പ്പ് സം​ഭ​വ​ത്തെ തു​ട​ർ​ന്ന് പെ​ട്രോ​ളി​യം ആ​ൻ​ഡ് എ​ക്സ് പ്ലോ​സി​വ് സേ​ഫ്റ്റി ഓ​ർ​ഗ​നൈ​സേ​ഷ​ന്റെ (പെ​സോ) 2002ലെ ​നി​യ​മം വീ​ണ്ടും ക​ർ​ശ​ന​മാ​യി ന​ട​പ്പാ​ക്കാ​നു​ള്ള സ​ർ​ക്കാ​റി​ന്റെ തീ​രു​മാ​ന​മാ​ണ് യാ​ത്ര​ക്കാ​രെ പെ​രു​വ​ഴി​യി​ലാ​ക്കു​ന്ന​ത്.

പ്ര​ധാ​ന​മാ​യും ഇ​രു​ച​ക്ര വാ​ഹ​ന​യാ​ത്ര​ക്കാ​രാ​ണ് പെ​ട്രോ​ൾ തീ​ർ​ന്ന് വ​ഴി​യി​ൽ കു​ടു​ങ്ങു​ന്ന​ത്. ഇ​തു സം​ബ​ന്ധി​ച്ച് പ​മ്പി​ലെ ജീ​വ​ന​ക്കാ​രും കു​പ്പി​യു​മാ​യി പെ​ട്രോ​ൾ വാ​ങ്ങാ​ൻ എ​ത്തു​ന്ന​വ​രും ത​മ്മി​ൽ വാ​ക്കു​ത​ർ​ക്കം പ​തി​വാ​യി​രി​ക്കു​ക​യാ​ണ്. പെ​ട്രോ​ൾ തീ​ർ​ന്നാ​ൽ കി​ലോ​മീ​റ്റ​റു​ക​ൾ അ​ക​ലെ​യു​ള്ള പ​മ്പു​ക​ളി​ലേ​ക്ക് വാ​ഹ​ന​ങ്ങ​ൾ നേ​രി​ട്ടെ​ത്തി​ക്കു​ക​യെ​ന്ന​ത് ഏ​റെ അ​പ്രാ​യോ​ഗി​ക​മാ​ണെ​ന്നാ​ണ് യാ​ത്ര​ക്കാ​ർ പ​രാ​തി​പ്പെ​ടു​ന്ന​ത്.

അ​തേ​സ​മ​യം നി​യ​മ​വി​രു​ദ്ധ​മാ​യി പെ​ട്രോ​ൾ ന​ൽ​കു​ന്ന​ത് ത​ങ്ങ​ളു​ടെ ലൈ​സ​ൻ​സ് വ​രെ റ​ദ്ദാ​ക്കി​യേ​ക്കു​മെ​ന്ന​തി​നാ​ലാ​ണ് പ​മ്പു​ട​മ​ക​ൾ പെ​ട്രോ​ൾ ന​ൽ​കാ​ത്ത​ത്. എ​ല​ത്തൂ​രി​ലു​ണ്ടാ​യ ട്രെ​യി​ൻ തീ​വെ​പ്പ് സം​ഭ​വ​ത്തി​ൽ പ്ര​തി കു​പ്പി​യി​ൽ വാ​ങ്ങി​യ പെ​ട്രോ​ൾ ഉ​പ​യോ​ഗി​ച്ചാ​ണ് യാ​ത്ര​ക്കാ​രെ ആ​ക്ര​മി​ച്ച് തീ​വെ​ച്ച​ത്. ഇ​തി​നു​ശേ​ഷ​മാ​ണ് ക​ഴി​ഞ്ഞാ​ഴ്ച സ​ർ​ക്കാ​ർ നി​യ​മം ക​ർ​ശ​ന​മാ​ക്കി​യ​ത്.