ദേശീയപാത വികസനം: നിർമാണ പ്രവൃത്തി വീടുകൾക്ക് സുരക്ഷ ഭീഷണി

പ​യ്യോ​ളി: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി മ​ണ്ണെ​ടു​ത്ത് റോ​ഡി​ന് ഉ​യ​രം കു​റ​ച്ച​പ്പോ​ൾ വീ​ടു​ക​ൾ​ക്ക് വ​ൻ സു​ര​ക്ഷാ​ഭീ​ഷ​ണി​യാ​വു​ന്ന​തി​ൽ ആ​ശ​ങ്ക. ഇ​രി​ങ്ങ​ലി​നും മൂ​രാ​ടി​നും ഇ​ട​യി​ലു​ള്ള മ​ങ്ങൂ​ൽ​പാ​റ ഉ​ന്ത​ത്തി​ലു​ള്ള മൂ​ന്നു വീ​ടു​ക​ൾ​ക്കാ​ണ് മ​ണ്ണെ​ടു​പ്പു​മൂ​ലം വ​ൻ​ഭീ​ഷ​ണി​യാ​യി​രി​ക്കു​ന്ന​ത്. വ​ട​ക​ര ഭാ​ഗ​ത്തു​നി​ന്നും മ​ങ്ങൂ​ൽ​പ്പാ​റ​യി​ലേ​ക്ക് ഉ​യ​ര​ത്തി​ലാ​ണ് നി​ല​വി​ലെ റോ​ഡു​ള്ള​ത്.

വി​ക​സ​ന​ത്തി​ന്റെ ഭാ​ഗ​മാ​യി ഇ​രു​ഭാ​ഗ​ത്തു​മ​ട​ക്കം നാ​ൽ​പ​ത്തി​യ​ഞ്ച് മീ​റ്റ​ർ വീ​തി​യി​ലും ആ​നു​പാ​തി​ക​മാ​യ ആ​ഴ​ത്തി​ലും മ​ണ്ണ് നീ​ക്കി നി​ർ​ദി​ഷ്ട പാ​ത​യു​ടെ ഉ​യ​രം കു​റ​ച്ച​താ​ണ് വീ​ടു​ക​ൾ​ക്ക് ദു​രി​ത​മാ​യി മാ​റി​യി​രി​ക്കു​ന്ന​ത്.

നി​ല​വി​ലെ റോ​ഡി​ൽ​നി​ന്ന് ത​ന്നെ ഉ​യ​ര​ത്തി​ലു​ള്ള സു​രേ​ഷ് ബാ​ബു​വി​ന്റെ വീ​ട് മ​ണ്ണ് നീ​ക്കം ചെ​യ്ത​പ്പോ​ൾ ഏ​താ​ണ്ട് മു​പ്പ​ത​ടി ഉ​യ​ര​ത്തി​ലാ​യി മാ​റി. മാ​ത്ര​മ​ല്ല വീ​ടി‍െൻറ മു​റ്റ​വും മ​ണ്ണെ​ടു​ത്ത ഭാ​ഗ​വും ത​മ്മി​ൽ ക​ഷ്ടി​ച്ച് മൂ​ന്ന് മീ​റ്റ​റി​ന്റെ വ്യ​ത്യാ​സം മാ​ത്ര​മേ​യു​ള്ളൂ. കൂ​ടാ​തെ വീ​ട്ടി​ലേ​ക്കു​ള്ള വ​ഴി പൂ​ർ​ണ​മാ​യും ത​ട​സ്സ​പ്പെ​ട്ട നി​ല​യി​ലാ​ണു​ള്ള​ത്.

ജീ​വ​ൻ പ​ണ​യം വെ​ച്ചാ​ണ് വീ​ട്ടി​ലേ​ക്ക് മ​ൺ​തി​ട്ട​യു​ടെ മു​ക​ളി​ലൂ​ടെ ക​യ​റു​ന്ന​ത്. പാ​ത വി​ക​സ​ന​ത്തി​നാ​യി പ​ത്ത​ര സെൻറ് ഭൂ​മി വി​ട്ടു​ന​ൽ​കി​യി​ട്ടും ബാ​ക്കി വ​രു​ന്ന ആ​റ് സെൻറി​ലാ​ണ് വീ​ട് സ്ഥി​തി ചെ​യ്യു​ന്ന​ത്.

വീ​ടി​ന്റെ അ​വ​സ്ഥ സം​ബ​ന്ധി​ച്ച് ജി​ല്ല ക​ല​ക്ട​ർ​ക്കും ദേ​ശീ​യ​പാ​ത അ​ധി​കൃ​ത​ർ​ക്കും പ​രാ​തി ന​ൽ​കി​യെ​ങ്കി​ലും ഫ​ല​മു​ണ്ടാ​യി​ട്ടി​ല്ല. പ്രാ​യ​മാ​യ അ​മ്മ​യോ​ട​പ്പം സു​രേ​ഷ് ബാ​ബു​വി​ന്റെ കു​ടും​ബം ഇ​തോ​ടെ ദു​രി​ത​ത്തി​ലാ​യി. സ​മീ​പ​ത്തെ എ​ട​ത്തി​ൽ ബാ​ബു​വി​ന്റെ വീ​ടി​നും ഇ​ദ്ദേ​ഹ​ത്തി​ന്റെ സ​ഹോ​ദ​ര​നും നാ​ട​ക ക​ലാ​കാ​ര​നു​മാ​യ സ​ജി മൂ​രാ​ടി​ന്റെ കു​ടു​ബ​വീ​ടി​നും പാ​ത നി​ർ​മാ​ണം ഭീ​ഷ​ണി​യാ​യി. ഇ​വ​രു​ടെ വീ​ട്ടി​ലേ​ക്കു​ള്ള റോ​ഡും വ​ഴി​യും പൂ​ർ​ണ​മാ​യി എ​ടു​ത്തു​മാ​റ്റി​യ നി​ല​യി​ലാ​ണ്. നി​ർ​മാ​ണ പ്ര​വൃ​ത്തി​യു​ടെ ഉ​പ​ക​രാ​റു​കാ​രാ​യ വാ​ഗ​ഡ് ഇ​ൻ​ഫ്രാ​​​പ്രോ​ജ​ക്​​റ്റ്​​സ് ​പ്രൈ​വ​റ്റ് ലി​മി​റ്റ​ഡി​ന്റെ നേ​തൃ​ത്വ​ത്തി​ലാ​ണ് മ​ണ്ണ് മാ​ന്തി​യ​ന്ത്ര​ങ്ങ​ൾ ഉ​പ​യോ​ഗി​ച്ച് പ്ര​വൃ​ത്തി​ക​ൾ ന​ട​ത്തു​ന്ന​ത്.