കോ​വി​ഡ് ബാ​ധി​ച്ച​വ​രു​ടെ വീ​ടു​ക​ളി​ലെ ആ​ടു​മാ​ടു​ക​ൾ​ക്ക് തീ​റ്റ​യൊ​രു​ക്കി സു​ഹൃ​ത്തു​ക്ക​ൾ; ഈ കരുതലിന്​ നൂറുമാർക്ക്

പ​യ്യോ​ളി: കോ​വി​ഡ് കാ​ല​ത്ത് പ്ര​തി​രോ​ധ-​സ​ന്ന​ദ്ധ​പ്ര​വ​ർ​ത്ത​ന​ങ്ങ​ളി​ൽ നാ​ട് മു​ഴു​കു​മ്പോ​ൾ സു​ഹൃ​ത്തു​ക്ക​ളു​ടെ വേ​റി​ട്ട ക​രു​ത​ൽ നാ​ടി​ന് മാ​തൃ​ക​യാ​വു​ന്നു. കോ​വി​ഡ് ബാ​ധി​ത​രാ​യ​വ​രു​ടെ വീ​ടു​ക​ളി​ലെ ആ​ടു​മാ​ടു​ക​ൾ​ക്ക് തീ​റ്റ​യൊ​രു​ക്കി കാ​രു​ണ്യം ചൊ​രി​യു​ക​യാ​ണ് അ​യ​നി​ക്കാ​ട് മ​ഠ​ത്തി​ൽ​മു​ക്കി​ൽ ഹ​രി​രാ​ജും സു​ഹൃ​ത്ത് മാ​യി​നാ​രി സി​ദ്ധാ​ർ​ഥും.

കോ​വി​ഡ് ബാ​ധി​ച്ച വീ​ടു​ക​ളി​ലു​ള്ള​വ​ർ​ക്ക് പു​റ​ത്തി​റ​ങ്ങാ​ൻ പ​റ്റാ​ത്ത നി​സ്സ​ഹാ​യ​വ​സ്ഥ​യി​ൽ അ​വി​ട​ത്തെ ആ​ടു​ക​ൾ​ക്കും പ​ശു​ക്ക​ൾ​ക്കും തീ​റ്റ ന​ൽ​കു​ന്ന​തി​ൽ എ​റെ ആ​ത്മ​സം​തൃ​പ്തി ന​ൽ​കു​ന്നു​വെ​ന്ന് ഇ​രു​വ​രും സാ​ക്ഷ്യ​പ്പെ​ടു​ത്തു​ന്നു.

പ്ര​ദേ​ശ​ത്തെ വീ​ടു​ക​ളി​ൽ​നി​ന്നും പ്ലാ​വി​ല​ക​ൾ ഏ​റെ പ​ണി​പ്പെ​ട്ടാ​ണ് അ​തി​രാ​വി​ലെ മു​ത​ൽ ഹ​രി​രാ​ജും സി​ദ്ധാ​ർ​ഥും ശേ​ഖ​രി​ച്ച് ന​ൽ​കു​ന്ന​ത്. തു​ട​ർ​ന്ന് ബൈ​ക്കി​ലൂ​ടെ സ​ഞ്ച​രി​ച്ചാ​ണ് തീ​റ്റ​യും വെ​ള്ള​വും ന​ൽ​കി നാ​ട്ടി​ലെ നാ​ൽ​ക്കാ​ലി​ക​ൾ​ക്കാ​യു​ള്ള സേ​വ​ന​ങ്ങ​ളി​ൽ ഇ​രു​വ​രും മു​ഴു​കു​ന്ന​ത്. നാ​ട്ടി​ലെ മ​റ്റ് രാ​ഷ്​​ട്രീ​യ​സ​മൂ​ഹ സ​ന്ന​ദ്ധ പ്ര​വ​ർ​ത്ത​ന​ങ്ങ​ളി​ലും ഹ​രി​രാ​ജ് സ​ജീ​വ​മാ​ണ്. പ​യ്യോ​ളി ന​ഗ​ര​സ​ഭ​യി​ലെ 11ാം ഡി​വി​ഷ​നി​ൽ​നി​ന്ന് ക​ഴി​ഞ്ഞ ത​വ​ണ ഹ​രി​രാ​ജ് മ​ത്സ​രി​ച്ചെ​ങ്കി​ലും വി​ജ​യി​ക്കാ​നാ​യി​ല്ല. നി​ർ​മാ​ണ തൊ​ഴി​ലാ​ളി​യാ​ണ്​ ഹ​രി​രാ​ജ്.