വ്യാപാരികളെ കുടിയൊഴിപ്പിക്കൽ നീക്കം വീണ്ടും തടഞ്ഞു

പ​യ്യോ​ളി: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി പ​യ്യോ​ളി ടൗ​ണി​ൽ കു​ടി​യൊ​ഴി​പ്പി​ക്ക​പ്പെ​ടു​ന്ന വ്യാ​പാ​രി​ക​ൾ​ക്ക് ഇ​നി​യും ന​ഷ്ട​പ​രി​ഹാ​രം ല​ഭി​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​വു​ന്നു.

സ്ഥ​ല​മേ​റ്റെ​ടു​പ്പ് ഉ​ദ്യോ​ഗ​സ്ഥ​ർ വ്യാ​പാ​ര​സ്ഥാ​പ​ന​ങ്ങ​ൾ ഒ​ഴി​യാ​ൻ വേ​ണ്ടി തി​ങ്ക​ളാ​ഴ്ച​യും ടൗ​ണി​ലെ​ത്തി​യെ​ങ്കി​ലും വ്യാ​പാ​രി​ക​ളു​ടെ ചെ​റു​ത്തു​നി​ൽ​പി​ൽ ര​ണ്ടാം വ​ട്ട​വും തി​രി​ച്ചു​പോ​യി. ക​ഴി​ഞ്ഞ ബു​ധ​നാ​ഴ്ച ഉ​ദ്യോ​ഗ​സ്ഥ​ർ ടൗ​ണി​ലെ ക​ട​ക​ളി​ൽ ക​യ​റി അ​ഞ്ചു ദി​വ​സ​ത്തി​ന​കം ഒ​ഴി​യ​ണ​മെ​ന്ന് മു​ന്ന​റി​യി​പ്പ് ന​ൽ​കി​യി​രു​ന്നു. കൃ

​ത്യം ആ​റാം ദി​വ​സ​മാ​യ തി​ങ്ക​ളാ​ഴ്ച രാ​വി​ലെ പ​തി​നൊ​ന്നോ​ടെ എ​ൽ.​എ എ​ൻ.​എ​ച്ച്. വി​ഭാ​ഗം ഡെ​പ്യൂ​ട്ടി ക​ല​ക്ട​ർ പി.​എ​സ്. ലാ​ൽ​ച​ന്ദി​ന്റെ നേ​തൃ​ത്വ​ത്തി​ൽ ദേ​ശീ​യ​പാ​ത എ​ൽ.​എ വി​ഭാ​ഗം ത​ഹ​സി​ൽ​ദാ​ർ സി. ​ശ്രീ​കു​മാ​റും ജൂ​നി​യ​ർ സൂ​പ്ര​ണ്ട് കെ. ​അ​നി​ൽ​കു​മാ​റും റ​വ​ന്യൂ ഉ​ദ്യോ​ഗ​സ്ഥ​രും ഉ​ൾ​പ്പെ​ട്ട സം​ഘം വ്യാ​പാ​രി​ക​ളെ കു​ടി​യൊ​ഴി​പ്പി​ക്കാ​നാ​യി എ​ത്തു​ക​യാ​യി​രു​ന്നു.

ദേ​ശീ​യ​പാ​ത​യി​ൽ മു​ൻ​സി​ഫ് മ​ജി​സ്ട്രേ​റ്റ് കോ​ട​തി​ക്ക് എ​തി​ർ​വ​ശ​മു​ള്ള വ്യാ​പാ​ര​സ്ഥാ​പ​ന​ങ്ങ​ളി​ൽ ഉ​ദ്യോ​ഗ​സ്ഥ​ർ എ​ത്തി​യ​പ്പോ​ൾ വ്യാ​പാ​രി നേ​താ​ക്ക​ൾ ഉ​ൾ​പ്പെ​ടെ​യു​ള്ള സം​ഘം ത​ട​ഞ്ഞു.

ഏ​റെ​നേ​രം ഉ​ദ്യോ​ഗ​സ്ഥ​രും വ്യാ​പാ​രി​ക​ളും ത​മ്മി​ൽ ത​ർ​ക്ക​ത്തി​ലേ​ർ​പ്പെ​ട്ടു. വ്യാ​പാ​രി​ക​ൾ​ക്ക് രേ​ഖാ​മൂ​ലം നോ​ട്ടീ​സ് കൊ​ടു​ക്കാ​നോ ന​ഷ്ട​പ​രി​ഹാ​ര​ത്തു​ക എ​ത്ര​യെ​ന്നോ സം​ബ​ന്ധി​ച്ച് കൃ​ത്യ​മാ​യ ഉ​റ​പ്പു​ന​ൽ​കാ​നോ ഉ​ദ്യോ​ഗ​സ്ഥ​ർ ത​യാ​റാ​യി​രു​ന്നി​ല്ല. അ​തേ​സ​മ​യം, ഒ​ഴി​പ്പി​ക്ക​ൽ ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന് ഡെ​പ്യൂ​ട്ടി ക​ല​ക്ട​ർ വ്യ​ക്ത​മാ​ക്കി.

ന​ഷ്ട​പ​രി​ഹാ​രം ല​ഭി​ക്കാ​തെ വ്യാ​പാ​ര​സ്ഥാ​പ​ന​ങ്ങ​ൾ ഒ​രു വി​ധേ​ന​യും ഒ​ഴി​യി​ല്ലെ​ന്നും അ​ധി​കൃ​ത​ർ ക​ടു​ത്ത ന​ട​പ​ടി​യി​ലേ​ക്ക് നീ​ങ്ങി​യാ​ൽ ഏ​തു സാ​ഹ​ച​ര്യ​ത്തെ​യും നേ​രി​ടാ​ൻ ത​ങ്ങ​ൾ ഒ​രു​ക്ക​മാ​ണെ​ന്നും വ്യാ​പാ​രി നേ​താ​ക്ക​ൾ പ​റ​ഞ്ഞു. കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ജി​ല്ല സെ​ക്ര​ട്ട​റി കെ.​ടി. വി​നോ​ദ​ന്‍, യൂ​നി​റ്റ് പ്ര​സി​ഡ​ന്‍റ് കെ.​പി. റാ​ണാ​പ്ര​താ​പ്, യൂ​ത്ത് വി​ങ് സം​സ്ഥാ​ന ക​മ്മി​റ്റി അം​ഗം എ.​സി. സു​നൈ​ദ്, മ​ണ്ഡ​ലം സെ​ക്ര​ട്ട​റി എം. ​ഫൈ​സ​ല്‍, യൂ​നി​റ്റ് സെ​ക്ര​ട്ട​റി റി​ഗേ​ഷ് റോ​യ​ല്‍, യൂ​നി​റ്റ് ട്ര​ഷ​റ​ര്‍ വീ​രേ​ന്ദ്ര​ന്‍, യൂ​ത്ത് വി​ങ് മ​ണ്ഡ​ലം സെ​ക്ര​ട്ട​റി റ​ഹീ​സ് മ​ല​യി​ല്‍, ഭാ​ര​വാ​ഹി​ക​ളാ​യ സ​നോ​ജ് എ​ട​യ​രാ​ട്ട്, ജി. ​ഡെ​നി​സ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഉ​ദ്യോ​ഗ​സ്ഥ​രെ ത​ട​ഞ്ഞ​ത്.

ന​ഷ്ട​പ​രി​ഹാ​ര​ത്തു​ക സം​ബ​ന്ധി​ച്ച് അ​വ്യ​ക്ത​ത നി​ല​നി​ൽ​ക്കു​ന്ന​തി​നാ​ൽ ടൗ​ണി​ലെ ദേ​ശീ​യ​പാ​ത വി​ക​സ​നം ഇ​തോ​ടെ അ​നി​ശ്ചി​ത​ത്വ​ത്തി​ലാ​യി. വി​ക​സ​ന​ത്തോ​ട​നു​ബ​ന്ധി​ച്ച് ജി​ല്ല​യി​ൽ ഏ​റ്റ​വു​മ​ധി​കം വ്യാ​പാ​ര​സ്ഥാ​പ​ന​ങ്ങ​ൾ കു​ടി​യൊ​ഴി​പ്പി​ക്ക​പ്പെ​ടു​ന്ന ഏ​ക ടൗ​ണാ​ണ് പ​യ്യോ​ളി. 150ല​ധി​കം ക​ട​ക​ളാ​ണ് ഇ​രു​ഭാ​ഗ​ത്തു​മാ​യി പൊ​ളി​ക്കേ​ണ്ടി​വ​രു​ക.

അ​തേ​സ​മ​യം, വ്യാ​പാ​ര​സ്ഥാ​പ​ന​ങ്ങ​ൾ ഉ​ൾ​പ്പെ​ടു​ന്ന കെ​ട്ടി​ട ഉ​ട​മ​ക​ളി​ൽ ഭൂ​രി​ഭാ​ഗ​ത്തി​നും ന​ഷ്ട​പ​രി​ഹാ​ര​ത്തു​ക ഇ​തി​ന​കം ല​ഭി​ച്ചി​ട്ടു​മു​ണ്ട്.

ന​ഷ്ട​പ​രി​ഹാ​ര​മാ​യി 75,000 രൂ​പ​യാ​ണ് ഒ​രു വ്യാ​പാ​രി​ക്ക് ല​ഭി​ക്കു​ക​യെ​ന്നാ​ണ് ഏ​റ്റ​വും ഒ​ടു​വി​ലാ​യി പ​റ​യു​ന്ന​തെ​ങ്കി​ലും ഇ​തു​സം​ബ​ന്ധി​ച്ച് കൃ​ത്യ​മാ​യ ഉ​റ​പ്പ് ല​ഭി​ച്ചി​ട്ടി​ല്ല. മു​മ്പ് ര​ണ്ടു ല​ക്ഷം ന​ൽ​കു​മെ​ന്നാ​യി​രു​ന്നു വാ​ഗ്ദാ​നം.