എഫ്.സി.ഐയിൽ കരാറുകാരനും ലോറിത്തൊഴിലാളികളും തമ്മിൽ തർക്കം; ലോറിത്തൊഴിലാളിയുടെ ആത്മഹത്യശ്രമം

പ​യ്യോ​ളി: ഫു​ഡ് കോ​ർ​പ​റേ​ഷ​ൻ ഓ​ഫ് ഇ​ന്ത്യ​യു​ടെ തി​ക്കോ​ടി​യി​ലെ ഗോ​ഡൗ​ണി​ൽ ക​രാ​റു​കാ​ര​ന്റെ ലോ​റി​ക​ളും ലോ​റി​ത്തൊ​ഴി​ലാ​ളി​ക​ളും ത​മ്മി​ലു​ള്ള ത​ർ​ക്കം രൂ​ക്ഷ​മാ​വു​ന്നു. ബു​ധ​നാ​ഴ്ച രാ​വി​ലെ പ​തി​നൊ​ന്ന​ര​യോ​ടെ ലോ​റി​യു​ടെ കാ​ബി​ന് മു​ക​ളി​ൽ പെ​ട്രോ​ളു​മാ​യി ക​യ​റി സ്ഥി​രം ലോ​ഡ് ക​യ​റ്റു​ന്ന ലോ​റി​ത്തൊ​ഴി​ലാ​ളി ആ​ത്മ​ഹ​ത്യ​​ശ്ര​മം ന​ട​ത്തി.

മൂ​രാ​ട് സ്വ​ദേ​ശി​യാ​യ ലോ​റി ഡ്രൈ​വ​ർ അ​റ​ഫാ​ത്താ​ണ് (35) ക​രാ​റു​കാ​ര​ന്റെ ലോ​റി​ക്ക് മു​ക​ളി​ൽ ക​യ​റി ആ​ത്മ​ഹ​ത്യ​ശ്ര​മം ന​ട​ത്തി പ്ര​തി​ഷേ​ധി​ച്ച​ത്. പ​യ്യോ​ളി സി.​ഐ കെ.​സി. സു​ഭാ​ഷ് ബാ​ബു​വും സം​ഘ​വും ലോ​റി​ക്കു​മു​ക​ളി​ൽ ക​യ​റി സാ​ഹ​സി​ക​മാ​യി ഇ​ദ്ദേ​ഹ​ത്തെ കീ​ഴ്പ്പെ​ടു​ത്തി താ​ഴെ​യി​റ​ക്കു​ക​യാ​യി​രു​ന്നു. ര​ക്ഷാ​പ്ര​വ​ർ​ത്ത​ന​ത്തി​നി​ട​യി​ൽ പെ​ട്രോ​ൾ മ​റി​ഞ്ഞ് സി.​ഐ​യു​ടെ ക​ണ്ണി​ലും ത​ല​യി​ലും പ​ട​ർ​ന്നു.

എ​ഫ്.​സി.​ഐ​യി​ൽ​നി​ന്ന് ധാ​ന്യ​ങ്ങ​ൾ കൊ​ണ്ടു​പോ​കാ​ൻ ക​രാ​റെ​ടു​ത്ത​യാ​ളും സ്ഥി​രം ലോ​റി​ത്തൊ​ഴി​ലാ​ളി​ക​ളും ത​മ്മി​ൽ മാ​സ​ങ്ങ​ളാ​യി തൊ​ഴി​ൽ​ത​ർ​ക്ക​ത്തി​ലാ​ണ്. ക​രാ​റു​കാ​ര​ൻ പു​റ​ത്തു​നി​ന്ന് ലോ​റി​ക​ൾ കൊ​ണ്ടു​വ​ന്ന് ലോ​ഡ് കൊ​ണ്ടു​പോ​കു​ന്ന​ത് ലോ​റി​ത്തൊ​ഴി​ലാ​ളി​ക​ൾ നി​ര​വ​ധി ത​വ​ണ ത​ട​ഞ്ഞി​രു​ന്നു.

ഇ​തോ​ട​നു​ബ​ന്ധി​ച്ച് സം​യു​ക്ത ലോ​റി​ത്തൊ​ഴി​ലാ​ളി കോ​ഓ​ഡി​നേ​ഷ​ൻ ക​മ്മി​റ്റി​യു​ടെ നേ​തൃ​ത്വ​ത്തി​ൽ ബു​ധ​നാ​ഴ്ച മു​ത​ൽ അ​നി​ശ്ചി​ത​കാ​ല സ​മ​ര​വും പ്ര​ഖ്യാ​പി​ച്ചി​രു​ന്നു. ഇ​തി​ന്റെ ഭാ​ഗ​മാ​യി എ​ഫ്.​സി.​ഐ​യു​ടെ ക​വാ​ട​ത്തി​ൽ ലോ​റി ത​ട​ഞ്ഞ​പ്പോ​ഴാ​ണ് അ​റ​ഫാ​ത്ത് ലോ​റി​ക്കു മു​ക​ളി​ൽ ക​യ​റി ആ​ത്മ​ഹ​ത്യ​ശ്ര​മം ന​ട​ത്തി​യ​ത്‌. ലോ​റി​ത്തൊ​ഴി​ലാ​ളി​ക​ളെ അ​റ​സ്റ്റ് ചെ​യ്ത് നീ​ക്കി​യ​ശേ​ഷം പൊ​ലീ​സ് ലോ​റി​ക​ൾ ക​ട​ത്തി​വി​ട്ടു.