ക്ഷമ പരീക്ഷിച്ച് കോഴിക്കോട് മെഡി. കോളജിലെ സി.ടി സ്കാനിങ് വിഭാഗം

കോ​ഴി​ക്കോ​ട്: മെ​ഡി. കോ​ള​ജി​ൽ സി.​ടി സ്കാ​നി​ങ് വി​ഭാ​ഗ​ത്തി​ൽ രോ​ഗി​ക​ളു​ടെ അ​നി​ശ്ചി​ത​മാ​യ കാ​ത്തി​രി​പ്പ്. അ​ടി​യ​ന്ത​ര പ​രി​ശോ​ധ​ന​ക​ൾ വേ​ണ്ട രോ​ഗി​ക​ൾ​ക്കു​പോ​ലും മ​ണി​ക്കൂ​റു​ക​ളോ​ളം കാ​ത്തു​നി​ൽ​ക്കേ​ണ്ട അ​വ​സ്ഥ തു​ട​രു​ക​യാ​ണ്. ക​ഴി​ഞ്ഞ​ദി​വ​സം സ്കാ​നി​ങ് ലാ​ബി​ൽ രോ​ഗി മ​രി​ച്ച​തി​നെ തു​ട​ർ​ന്ന് ബ​ന്ധു​ക്ക​ൾ ബ​ഹ​ളം വെ​ച്ചു. അ​ടി​യ​ന്ത​ര​മാ​യി സ്കാ​നി​ങ് ന​ട​ത്ത​ണ​മെ​ന്ന് ഡോ​ക്ട​ർ നി​ർ​ദേ​ശി​ച്ചി​ട്ടും രോ​ഗി​യെ സ്കാ​നി​ങ്ങി​ന് വി​ധേ​യ​യാ​ക്കാ​ൻ സ്കാ​നി​ങ് വി​ഭാ​ഗം അ​ലം​ഭാ​വം കാ​ണി​ച്ചു​വെ​ന്നാ​യി​രു​ന്നു ബ​ന്ധു​ക്ക​ളു​ടെ പ​രാ​തി.

രോ​ഗി​യു​ടെ മ​ക​ൻ ബ​ഹ​ളം വെ​ച്ച​പ്പോ​ൾ പൊ​ലീ​സ് എ​ത്തി​യാ​ണ് രം​ഗം ശാ​ന്ത​മാ​ക്കി​യ​ത്. മൂ​ന്നു​മ​ണി​ക്കൂ​ർ വ​രെ​യാ​ണ് പ​രി​ശോ​ധ​ന ഫ​ല​ത്തി​നാ​യി കാ​ത്തി​രി​ക്കേ​ണ്ടി​വ​രു​ന്ന​ത് എ​ന്ന് രോ​ഗി​ക​ൾ പ​റ​ഞ്ഞു. പു​റ​ത്തെ ലാ​ബി​ൽ പോ​യാ​ൽ ഇ​തേ സ്കാ​നി​ങ് റി​സ​ൽ​ട്ട് വേ​ഗ​ത്തി​ൽ ല​ഭ്യ​മാ​വും. എ​ന്തു​കൊ​ണ്ടാ​ണ് മെ​ഡി. കോ​ള​ജി​ൽ ഇ​​ത്ര വൈ​കു​ന്ന​ത് എ​ന്ന ചോ​ദ്യ​ത്തി​ന് അ​ധി​കൃ​ത​ർ​ക്ക് മ​റു​പ​ടി​യി​ല്ല.

ലാ​ബി​ൽ ഡോ​ക്ട​ർ​മാ​ർ ഉ​ണ്ടാ​വു​ന്നി​ല്ല എ​ന്നാ​ണ് പ​രാ​തി. റി​സ​ൽ​ട്ട് പ​രി​ശോ​ധി​ക്കാ​ൻ ഡ്യൂ​ട്ടി എം.​ഒ പ​ല​പ്പോ​ഴും സീ​റ്റി​ലു​ണ്ടാ​വി​ല്ല. ഒ​ന്നാം വ​ർ​ഷ പി.​ജി​ക്കാ​രാ​ണ് ഡ്യൂ​ട്ടി​യി​ൽ ഉ​ണ്ടാ​വു​ക. ഇ​വ​ർ​ക്ക് സം​ശ​യ​ദൂ​രീ​ക​ര​ണം ന​ട​ത്താ​ൻ ഡ്യൂ​ട്ടി എം.​ഒ വേ​ണം. അ​ദ്ദേ​ഹ​ത്തെ ക​ണ്ടു​കി​ട്ടാ​ൻ വൈ​കു​ന്ന​തി​ന​നു​സ​രി​ച്ച് രോ​ഗി​ക​ളു​ടെ കാ​ത്തി​രി​പ്പും നീ​ളും.

ഇ​ത് വ​ലി​യ മ​നു​ഷ്യാ​വ​കാ​ശ പ്ര​ശ്ന​മാ​യി മാ​റി​യി​രി​ക്ക​യാ​ണ് മെ​ഡി. കോ​ള​ജി​ൽ. പു​റ​ത്തെ ലാ​ബു​ക​ളി​ൽ പോ​യി സ്കാ​നി​ങ് ന​ട​ത്താ​ൻ ഗ​തി​യി​ല്ലാ​ത്ത​വ​രാ​ണ് ഇ​വി​ടെ കാ​ത്തു​നി​ൽ​ക്കു​ന്ന​ത്. രോ​ഗി​ക​ളു​ടെ ബ​ന്ധു​ക്ക​ളോ​ട് സ്കാ​നി​ങ് വി​ഭാ​ഗ​ത്തി​ലെ ആ​ളു​ക​ൾ മോ​ശ​മാ​യി പെ​രു​മാ​റു​ന്ന​താ​യും പ​രാ​തി​യു​ണ്ട്. അ​ത്യാ​ഹി​തം സം​ഭ​വി​ച്ചെ​ത്തു​ന്ന രോ​ഗി​ക​ൾ​ക്കു​പോ​ലും അ​ടി​യ​ന്ത​ര പ​രി​ഗ​ണ​ന ല​ഭി​ക്കു​ന്നി​ല്ല. പ​രാ​തി സം​ബ​ന്ധി​ച്ച് മെ​ഡി. കോ​ള​ജ് അ​ധി​കൃ​ത​രു​ടെ വി​ശ​ദീ​ക​ര​ണം ല​ഭ്യ​മാ​യി​ട്ടി​ല്ല.