പ​തി​മം​ഗ​ലം വാ​ഹ​നാ​പ​ക​ടം; നാ​ട് ഞെ​ട്ടി​യു​ണ​ർ​ന്ന​ത് ദു​ര​ന്ത​വാ​ർ​ത്ത കേ​ട്ട്

കു​ന്ദ​മം​ഗ​ലം: ദേ​ശീ​യ​പാ​ത​യി​ൽ പ​തി​മം​ഗ​ല​ത്തു​ണ്ടാ​യ അ​പ​ക​ട​ത്തി​ൽ മൂ​ന്നു​പേ​രു​ടെ ദാ​രു​ണാ​ന്ത്യ വാ​ർ​ത്ത കേ​ട്ടാ​ണ് നാ​ടു​ണ​ർ​ന്ന​ത്. തി​ങ്ക​ളാ​ഴ്ച പു​ല​ർ​ച്ച ര​ണ്ടോ​ടെ​യാ​ണ് അ​പ​ക​ടം സം​ഭ​വി​ച്ച​ത്. ദേ​ശീ​യ​പാ​ത​യി​ൽ കൊ​ടു​വ​ള്ളി ഭാ​ഗ​ത്തു​നി​ന്ന് കു​ന്ദ​മം​ഗ​ലം ഭാ​ഗ​ത്തേ​ക്ക് വ​രു​ക​യാ​യി​രു​ന്ന പി​ക്അ​പ് വാ​നും എ​തി​ർ​ദി​ശ​യി​ൽ​നി​ന്നു വ​ന്ന കാ​റും ത​മ്മി​ൽ കൂ​ട്ടി​യി​ടി​ച്ചാ​ണ് അ​പ​ക​ടം. ഇ​ടി​യു​ടെ ആ​ഘാ​ത​ത്തി​ൽ ഇ​രു വാ​ഹ​ന​ങ്ങ​ളു​ടെ​യും മു​ൻ​വ​ശം പൂ​ർ​ണ​മാ​യും ത​ക​ർ​ന്നു. ഇ​തോ​ടെ യാ​ത്ര​ക്കാ​ർ ഇ​രു വാ​ഹ​ന​ങ്ങ​ളി​ലും കു​ടു​ങ്ങി​പ്പോ​യി.

അ​പ​ക​ട സ​മ​യ​ത്ത് ഇ​തു​വ​ഴി വ​ന്ന മ​റ്റ് വാ​ഹ​ന യാ​ത്ര​ക്കാ​രും പ​രി​സ​ര​വാ​സി​ക​ളും ചേ​ർ​ന്ന് പ​രി​ക്കേ​റ്റ​വ​രെ വാ​ഹ​ന​ങ്ങ​ളി​ൽ​നി​ന്ന് പു​റ​ത്തെ​ത്തി​ക്കാ​ൻ ശ്ര​മി​ച്ചെ​ങ്കി​ലും സാ​ധി​ച്ചി​ല്ല. തു​ട​ർ​ന്ന് വെ​ള്ളി​മാ​ട്കു​ന്ന് അ​ഗ്‌​നി​ര​ക്ഷ നി​ല​യ​ത്തി​ൽ​നി​ന്ന് എ​ത്തി​യ ഫ​യ​ർ യൂ​നി​റ്റ് അം​ഗ​ങ്ങ​ൾ ഹൈ​ഡ്രോ​ളി​ക് ക​ട്ട​ർ, ഹൈ​ഡ്രോ​ളി​ക് സ്പ്ര​ഡ​ർ, ഹൈ​ഡ്രോ​ളി​ക് കോ​മ്പി ടൂ​ൾ എ​ന്നി​വ ഉ​പ​യോ​ഗി​ച്ച് കാ​റി​ന്റെ​യും പി​ക്അ​പ് വാ​നി​ന്റെ​യും മു​ൻ​വ​ശം വെ​ട്ടി​പ്പൊ​ളി​ച്ചാ​ണ് കു​ടു​ങ്ങി​പ്പോ​യ മു​ഴു​വ​ൻ പേ​രെ​യും പു​റ​ത്തെ​ത്തി​ച്ച​ത്. പ​രി​ക്കേ​റ്റ​വ​രെ ഉ​ട​ൻ​ത​ന്നെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും അ​പ്പോ​ഴേ​ക്കും മൂ​ന്നു​പേ​രു​ടെ മ​ര​ണം സം​ഭ​വി​ച്ചി​രു​ന്നു. വെ​ള്ളി​മാ​ട്കു​ന്ന് ഫ​യ​ർ​സ്റ്റേ​ഷ​നി​ലെ അ​സി. ഓ​ഫി​സ​ർ അ​ബ്ദു​ൽ ഫൈ​സി, സീ​നി​യ​ർ ഫ​യ​ർ ഓ​ഫി​സ​ർ എ​ൻ. ബി​നീ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ര​ക്ഷാ​പ്ര​വ​ർ​ത്ത​ന​ങ്ങ​ൾ ന​ട​ത്തി​യ​ത്. കു​ന്ദ​മം​ഗ​ലം പൊ​ലീ​സ് സ്ഥ​ല​ത്തെ​ത്തി.

സ്ഥി​രം അ​പ​ക​ട​മേ​ഖ​ല​യാ​യ ഇ​വി​ടെ ഇ​ത​ട​ക്കം ഏ​താ​നും വ​ർ​ഷ​ങ്ങ​ൾ​ക്കി​ട​യി​ൽ പ​ത്തോ​ളം മ​ര​ണ​ങ്ങ​ൾ സം​ഭ​വി​ച്ചി​ട്ടു​ണ്ട് എ​ന്ന് നാ​ട്ടു​കാ​ർ പ​റ​ഞ്ഞു. ദേ​ശീ​യ​പാ​ത​യി​ൽ കൊ​ടു​വ​ള്ളി ഭാ​ഗ​ത്തേ​ക്ക് പോ​കു​മ്പോ​ൾ മു​റി​യ​നാ​ൽ ക​ഴി​ഞ്ഞ് റോ​ഡി​ൽ ഒ​രു ക​യ​റ്റം ക​ഴി​ഞ്ഞാ​ണ് പ​തി​മം​ഗ​ല​ത്തേ​ക്ക് എ​ത്തു​ന്ന​ത്. ഇ​വി​ടെ സ്ഥി​രം അ​പ​ക​ട മേ​ഖ​ല​യാ​ണ്. അ​വി​ടെ​യാ​ണ് മൂ​ന്നു​പേ​രു​ടെ മ​ര​ണം സം​ഭ​വി​ച്ച അ​പ​ക​ടം ന​ട​ന്ന​ത്. ദേ​ശീ​യ​പാ​ത​യി​ൽ പ്ര​ദേ​ശ​ത്തെ റോ​ഡി​ന്റെ ക​യ​റ്റം കു​റ​ച്ച് എ​തി​ർ​ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ കാ​ണാ​നു​ള്ള കാ​ഴ്ച​യു​ണ്ടാ​ക്ക​ണ​മെ​ന്ന​ത് വ​ർ​ഷ​ങ്ങ​ളാ​യു​ള്ള ആ​വ​ശ്യ​മാ​ണ്. ഇ​വി​ടെ ക​യ​റ്റം ഇ​റ​ങ്ങി കു​ന്ദ​മം​ഗ​ലം ഭാ​ഗ​ത്തേ​ക്ക് വ​രു​ന്ന റോ​ഡി​ന്റെ ഇ​രു ഭാ​ഗ​ത്തും സ്കൂ​ളും മ​സ്ജി​ദും തു​ട​ങ്ങി നി​ര​വ​ധി സ്ഥാ​പ​ന​ങ്ങ​ളും കെ​ട്ടി​ട​ങ്ങ​ളു​മു​ണ്ട്. തി​ര​ക്കേ​റി​യ സ്ഥ​ല​ത്തെ അ​പ​ക​ട പ​ശ്ചാ​ത്ത​ല​ത്തി​ൽ റോ​ഡി​ന്റെ ക​യ​റ്റം കു​റ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.