യാത്രക്കാരന് നെഞ്ചുവേദന; ആശുപത്രിയിൽ എത്തിച്ച് കെ.എസ്.ആർ.ടി.സി ജീവനക്കാർ

രാമനാട്ടുകര: യാത്രക്കാരനു നെഞ്ചുവേദന അനുഭവപ്പെട്ടതിനെ തുടർന്ന് കെ.എസ്.ആർ.ടി.സി ബസ് തക്കസമയത്ത് ആശുപത്രിയിലേക്ക് എത്തിച്ച് ഡ്രൈവർ.

ചേർത്തലയിൽനിന്ന് കോഴിക്കോട്ടേക്കു വരുകയായിരുന്ന കെ.എൽ 15 എ 71 നമ്പർ കെ.എസ്.ആർ.ടി.സി ബസിലാണ് സംഭവം. വയനാട് സ്വദേശിയായ കുട്ടമണി(45)ക്കാണ് ബസിൽ ഹൃദയാഘാതമുണ്ടായത്. ബസ് രാമനാട്ടുകരയിൽ എത്തിയപ്പോഴായിരുന്നു യുവാവിന് പെട്ടെന്ന് നെഞ്ചുവേദന അനുഭവപ്പെട്ടത്.

വിവരം അറിഞ്ഞ കണ്ടക്ടറും ഡ്രൈവറും ബസ് ഉടൻ അടുത്തുള്ള സ്വകാര്യ ആശുപത്രിയിൽ എത്തിച്ച് യുവാവിന്റെ ജീവൻ രക്ഷിച്ചു.