പന്നൂർ-നരിക്കുനി-നെല്ലേരിതാഴം-പുന്നശ്ശേരി റോഡ് പ്രവൃത്തി ഉടൻ പുനരാരംഭിക്കണം

ന​രി​ക്കു​നി: ക​രാ​റു​കാ​ര​നെ ഒ​ഴിവാക്കിയതിനാൽ അ​നി​ശ്ചി​ത​ത്വ​ത്തി​ലാ​യ പ​ന്നൂ​ർ-​ന​രി​ക്കു​നി-​നെ​ല്ലേ​രി​താ​ഴം-​പു​ന്ന​ശ്ശേ​രി റോ​ഡി​ന്റെ പ്ര​വൃ​ത്തി ഉ​ട​ൻ പു​ന​രാ​രം​ഭി​ക്ക​ണ​മെ​ന്ന് ജ​ന​പ്ര​തി​നി​ധി​ക​ളു​ടെ യോ​ഗം ആ​വ​ശ്യ​പ്പെ​ട്ടു.

റോ​ഡ് ക​ട​ന്നു​പോ​വു​ന്ന കി​ഴ​ക്കോ​ത്ത്-​ന​രി​ക്കു​നി-​കാ​ക്കൂ​ർ ഗ്രാ​മ​പ​ഞ്ചാ​യ​ത്തു​ക​ളി​ലെ ത്രി​ത​ല പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളാ​ണ് യോ​ഗം ചേ​ർ​ന്ന​ത്.

മൂ​ന്നു പ​ഞ്ചാ​യ​ത്തു​ക​ളി​ലെ നൂ​റു ക​ണ​ക്കി​ന് ആ​ളു​ക​ൾ ആ​ശ്ര​യി​ക്കു​ന്ന റോ​ഡി​ന്റെ വി​ക​സ​ന​ത്തി​ന് 2019ൽ ​ഏ​ഴ് കോ​ടി സ​ർ​ക്കാ​ർ അ​നു​വ​ദി​ച്ചി​രു​ന്നു. അ​ന്ന​ത്തെ മ​ന്ത്രി​യാ​യ ടി.​പി. രാ​മ​കൃ​ഷ്ണ​ൻ പ്ര​വൃ​ത്തി ഉ​ദ്ഘാ​ട​നം ചെ​യ്തു. ക​രാ​റു​കാ​ര​ന്റെ അ​നാ​സ്ഥ​മൂ​ലം റോ​ഡ് പ​ണി അ​നി​ശ്ചി​ത​മാ​യി നീ​ണ്ടു​പോ​യി. പ്ര​വൃ​ത്തി പാ​തി​വ​ഴി​യി​ലാ​യ റോ​ഡി​ന്റെ പ​ല​യി​ട​ങ്ങ​ളി​ലും അ​പ​ക​ടം പ​തി​വാ​ണ്. പൊ​ടി​ശ​ല്യ​വും കു​ഴി​ക​ളും സ്ലാ​ബി​ടാ​തെ തു​റ​ന്നു കി​ട​ക്കു​ന്ന ഓ​വു​ചാ​ലും മൂ​ലം വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക് കാ​ൽ​ന​ട​യാ​ത്ര ദു​രി​ത​മാ​ണ്.

ക​രാ​റു​കാ​ര​നെ ഒഴിവാക്കാൻവ​കു​പ്പു​ത​ല​ത്തി​ൽ തീ​രു​മാ​ന​മെ​ടു​ത്ത ശേ​ഷം പ​ഞ്ചാ​യ​ത്ത് അ​ധി​കൃ​ത​രു​ടെ സാ​ന്നി​ധ്യ​ത്തി​ൽ ക​രാ​റു​കാ​ര​ന് ഫെ​ബ്രു​വ​രി പ​ത്താം തീ​യ​തി​വ​രെ സ​മ​യം ന​ൽ​കാ​ൻ തീ​രു​മാ​നി​ച്ച മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രു​ടെ ന​ട​പ​ടി​യി​ൽ ദു​രൂ​ഹ​ത​യു​ണ്ടെ​ന്ന് യോ​ഗം വി​ല​യി​രു​ത്തി.

പ്ര​ശ്ന​ത്തി​ന് പ​രി​ഹാ​ര​മു​ണ്ടാ​യി​ല്ലെ​ങ്കി​ൽ ബ​ഹു​ജ​ന പ്ര​ക്ഷോ​ഭം സം​ഘ​ടി​പ്പി​ക്കും. നി​ല​വി​ലെ ഗു​രു​ത​ര സാ​ഹ​ച​ര്യം പൊ​തു​മ​രാ​മ​ത്ത്, ഗ​താ​ഗ​ത മ​ന്ത്രി, എം.​കെ. മു​നീ​ർ എം.​എ​ൽ.​എ എ​ന്നി​വ​രെ ബോ​ധ്യ​പ്പെ​ടു​ത്തും. റോ​ഡ് പ​രി​ശോ​ധി​ച്ച് ന​ട​പ​ടി​ക​ൾ സ്വീ​ക​രി​ക്കാ​ൻ ആ​വ​ശ്യ​പ്പെ​ട്ടു​കൊ​ണ്ട് ജി​ല്ല ക​ല​ക്ട​ർ, പൊ​തു​മ​രാ​മ​ത്ത് സൂ​പ്ര​ണ്ടി​ങ് എ​ൻ​ജി​നീ​യ​ർ എ​ന്നി​വ​രെ 18ാം തീ​യ​തി കാ​ണാ​നും യോ​ഗം തീ​രു​മാ​നി​ച്ചു.

ന​രി​ക്കു​നി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് സി.​കെ. സ​ലീം അ​ധ്യ​ക്ഷ​ത വ​ഹി​ച്ചു. കൊ​ടു​വ​ള്ളി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ഇ​ൻ​ചാ​ർ​ജ് ടി.​എം രാ​ധാ​കൃ​ഷ്ണ​ൻ, കി​ഴ​ക്കോ​ത്ത് പ​ഞ്ചാ​യ​ത്ത് പ്ര​സി​ഡ​ന്റ് ന​സ്രി ഷ​രീ​ഫ്, കാ​ക്കൂ​ർ പ​ഞ്ചാ​യ​ത്ത് പ്ര​സി​ഡ​ന്റ് സി.​എം. ഷാ​ജി, ജി​ല്ല പ​ഞ്ചാ​യ​ത്ത് മെം​ബ​ർ ഐ.​പി. രാ​ജേ​ഷ്, ചേ​ള​ന്നൂ​ർ ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് ഷി​ഹാ​ന രാ​ര​പ്പ​ൻ​ക​ണ്ടി, പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് മി​നി പു​ല്ല​ങ്ക​ണ്ടി, ബ്ലോ​ക്ക് പ​ഞ്ചാ​യ​ത്ത് മെം​ബ​ർ കെ. ​മോ​ഹ​ന​ൻ, ഗ്രാ​മ പ​ഞ്ചാ​യ​ത്തം​ഗ​ങ്ങ​ളാ​യ വ​ഹീ​ദ അ​ഷ​റ​ഫ്, ഷൈ​ലേ​ഷ് വി, ​സി.​പി. ലൈ​ല, മൊ​യ്തി നെ​രോ​ത്ത്, ടി.​കെ. സു​നി​ൽ കു​മാ​ർ, വി.​പി. മി​നി എ​ന്നി​വ​ർ സം​സാ​രി​ച്ചു.