മെ​യ്​​ക്ക​രു​ത്ത്​ തോ​റ്റു; ഈ ​മ​ന​ക്ക​രു​ത്തി​ൽ

ഓ​മ​ശ്ശേ​രി: പ​ന​യി​ൽ​നി​ന്നു​വീ​ണ്​ അ​ര​യ്​​ക്കു​താ​ഴെ ത​ള​ർ​ന്ന യു​വാ​വ്​ ജീ​വി​ത​പാ​ത​യി​ൽ പു​തു​വ​ഴി​യി​ലേ​ക്ക്. വെ​ളി​മ​ണ്ണ ഏ​ലി​യാ​മ്പ്ര​മ​ല ര​തീ​ഷ്​​ (43) ആ​ണ് ​ജീ​വി​തം മെ​ല്ലെ കെ​ട്ടി​പ്പൊ​ക്കു​ന്ന​ത്. കൂ​ട്ടാ​യി അ​മ്മ മാ​ളു​വും സ​ഹാ​യ​ത്തി​നാ​യി നാ​ട്ടു​കാ​രും ഒ​പ്പ​മു​ണ്ട്.

പ​തി​നെ​ട്ടാം വ​യ​സ്സി​ലാ​ണ്​ ആ​ന​ത്തൊ​ഴി​ലാ​ളി​യാ​യി ര​തീ​ഷ് ജീ​വി​ത​മാ​രം​ഭി​ച്ച​ത്. 24 വ​ർ​ഷം മു​മ്പ് ആ​ന​ക്കു തീ​റ്റ​ക്കാ​യി ക​യ​റി​യ പ​ന​യി​ൽ​നി​ന്ന് ഓ​ല​വെ​ട്ടു​മ്പോ​ൾ വീ​ണ് അ​പ​ക​ട​ത്തി​ൽ​പ്പെ​ടു​ക​യാ​യി​രു​ന്നു. ന​ട്ടെ​ല്ല് ത​ക​ർ​ന്ന​തി​നെ തു​ട​ർ​ന്ന്​ ദീ​ർ​ഘ​കാ​ലം ചി​കി​ത്സി​ച്ചു. ഫ​ല​മു​ണ്ടാ​യി​ല്ല. ഏ​ഴു​ന്നേ​ൽ​ക്കാ​നാ​യി​ല്ല. പു​റം​ലോ​കം കാ​ണാ​നാ​കി​ല്ല എ​ന്ന നി​രാ​ശ​യി​ൽ വെ​ളി​മ​ണ്ണ ചെ​ങ്കു​ത്താ​യ മ​ല​യി​ലെ വീ​ട്ടി​നു​ള്ളി​​ൽ ക​ഴി​ഞ്ഞു​കൂ​ടി. പി​ന്നീ​ട്​ എ​ൽ.​ഇ.​ഡി ബ​ൾ​ബ്, കു​ട തു​ട​ങ്ങി​യ​വ നി​ർ​മി​ച്ചു റി​പ്പ​യ​ർ ചെ​യ്തു. സ​ർ​ക്കാ​ർ വാ​തി​ലു​ക​ൾ മു​ട്ടി​യ​പ്പോ​ൾ 1400 രൂ​പ മാ​സാ​ന്ത പെ​ൻ​ഷ​ൻ ല​ഭി​ച്ചു. അ​ന്ന​ത്തെ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ ജ​ന​സ​മ്പ​ർ​ക്ക പ​രി​പാ​ടി​യി​ൽ​ ന​ൽ​കി​യ പ​രാ​തി​യി​ൽ 30,000 രൂ​പ ധ​ന​സ​ഹാ​യം ല​ഭി​ച്ചു.

ഏ​റെ ഉ​പ​കാ​ര​മാ​യ​ത് 2016 ൽ ​വെ​ളി​മ​ണ്ണ കെ.​എം.​സി.​സി പ്ര​വ​ർ​ത്ത​ക​ർ ന​ൽ​കി​യ മു​ച്ച​ക്ര സ്​​കൂ​ട്ട​റാ​ണ്. ഇ​തോ​ടെ പ്ര​തീ​ക്ഷ​യു​ടെ ചി​റ​കു​വി​രി​ഞ്ഞു. സ്​​കൂ​ട്ട​റു​മാ​യി വെ​ളി​മ​ണ്ണ അ​ങ്ങാ​ടി​യി​ലേ​ക്ക്​ മെ​ല്ലെ യാ​ത്ര​യാ​യി. ഇ​വി​ടെ ക​ളി​ക്കൂ​ട്ടു​കാ​രെ കാ​ണാ​നാ​യി. അ​വ​രു​ടെ സ​ഹാ​യ​ത്തോ​ടെ ശ്ര​മം തു​ട​ർ​ന്നു. വാ​യ്​​പ​യെ​ടു​ത്ത്​ ഓ​ട്ടോ​റി​ക്ഷ സം​ഘ​ടി​പ്പി​ച്ചു. വീ​ടു​വ​രെ റോ​ഡും വ​ന്നു. അ​ങ്ങ​നെ അ​ര​ക്കെ​ട്ടി​ന് താ​ഴെ ത​ള​ർ​ന്ന ര​തീ​ഷ് മെ​ല്ലെ ജീ​വി​ത​ത്തി​ലേ​ക്ക് തി​രി​ച്ചു​പി​ടി​ച്ചു. അ​ടി​യ​ന്ത​ര സ​ന്ദ​ർ​ഭ​ങ്ങ​ളി​ൽ ഓ​മ​ശ്ശേ​രി ശാ​ന്തി പെ​യി​ൻ ആ​ൻ​ഡ് പാ​ലി​യേ​റ്റി​വ് പ്ര​വ​ർ​ത്ത​ക​രും നാ​ട്ടു​കാ​രും ഓ​ടി​യെ​ത്താറുണ്ടെന്ന്​ ​ ര​തീ​ഷ് പ​റ​ഞ്ഞു.