പ്രവൃത്തി പൂർത്തീകരിക്കുംമുമ്പെ ക​ടി​യ​ങ്ങാ​ട്-​പൂ​ഴി​ത്തോ​ട് റോഡ് തകർന്നു

പാ​ലേ​രി: ക​ടി​യ​ങ്ങാ​ട്-​പൂ​ഴി​ത്തോ​ട് റോ​ഡ് പ്ര​വൃ​ത്തി പൂ​ർ​ത്തി​യാ​വും മു​മ്പ് ടാ​റി​ങ് ത​ക​ർ​ന്നു. ക​ടി​യ​ങ്ങാ​ട് ഭാ​ഗ​ത്താ​ണ് ത​ക​ർ​ന്ന​ത്. വാ​ഹ​നം പോ​യ​പ്പോ​ൾ റോ​ഡ് ടാ​റി​ങ് താ​ഴ്ന്ന് പോ​കു​ക​യാ​യി​രു​ന്നു. പ​ല​ഭാ​ഗ​ത്തും വി​ള്ള​ൽ വ​രു​ക​യും ചെ​യ്തു. 18 കോ​ടി രൂ​പ ചെ​ല​വി​ൽ ന​ട​ത്തു​ന്ന റോ​ഡ് ന​വീ​ക​ര​ണ​ത്തി​ൽ ആ​ദ്യം മു​ത​ലേ നാ​ട്ടു​കാ​ർ ക്ര​മ​ക്കേ​ട് ഉ​ന്ന​യി​ച്ചി​രു​ന്നു.

എ​സ്റ്റി​മേ​റ്റ് പ്ര​കാ​ര​മ​ല്ല റോ​ഡ് പ്ര​വൃ​ത്തി ന​ട​ക്കു​ന്ന​തെ​ന്ന് യൂ​ത്ത് കോ​ൺ​ഗ്ര​സ് ആ​രോ​പി​ച്ചു. വേ​ണ്ട​വി​ധ​ത്തി​ൽ ഓ​വു​ചാ​ലു​ക​ൾ നി​ർ​മി​ക്കു​ക​യോ റോ​ഡി​ന് ആ​വ​ശ്യ​മു​ള്ള വീ​തി എ​ടു​ക്കു​ക​യോ ചെ​യ്തി​ല്ല. സൂ​പ്പി​ക​ട- പ​ന്തി​രി​ക്ക​ര ഭാ​ഗ​ത്ത് റോ​ഡി​ൽ ടാ​റി​ങ് പൂ​ർ​ത്തീ​ക​രി​ച്ച സ്ഥ​ല​ങ്ങ​ളി​ൽ റോ​ഡി​ന് ആ​വ​ശ്യ​ത്തി​ന് വീ​തി എ​ടു​ത്തി​ല്ലെ​ന്നും യൂ​ത്ത് കോ​ൺ​ഗ്ര​സ് ചൂ​ണ്ടി​ക്കാ​ട്ടി.

ബ​ന്ധ​പ്പെ​ട്ട അ​ധി​കാ​രി​ക​ൾ പോ​ലും റോ​ഡ് പ​ണി​ന​ട​ക്കു​ന്ന സ്ഥ​ല​ത്തേ​ക്ക് തി​രി​ഞ്ഞു​നോ​ക്കാ​റി​ല്ലെ​ന്നും യൂ​ത്ത് കോ​ൺ​ഗ്ര​സ് ആ​രോ​പി​ക്കു​ന്നു. റോ​ഡ് പ​ണി​യി​ലെ അ​ഴി​മ​തി​യെ കു​റി​ച്ച് വി​ജി​ല​ൻ​സ് അ​ന്വേ​ഷി​ക്ക​ണ​മെ​ന്ന് യൂ​ത്ത് കോ​ൺ​ഗ്ര​സ്‌ നി​യോ​ജ​ക മ​ണ്ഡ​ലം പ്ര​സി​ഡ​ന്റ്‌ എ​സ്. സു​ന​ന്ദ്, മ​ണ്ഡ​ലം പ്ര​സി​ഡ​ന്റ്‌ അ​രു​ൺ പെ​രു​മ​ന, നി​യോ​ജ​ക മ​ണ്ഡ​ലം സെ​ക്ര​ട്ട​റി​മാ​രാ​യ ഇ.​എ​ൻ. സു​മി​ത്ത്, അ​ക്ഷ​യ് പു​ഷ്പ​ൻ എ​ന്നി​വ​ർ ആ​വ​ശ്യ​പ്പെ​ട്ടു.