മെഡിക്കൽ കോളജിൽ ഇംപ്ലാന്‍റുകൾ കിട്ടാനില്ല; ശസ്ത്രക്രിയയില്ല; രോഗികൾ ദുരിതത്തിൽ

കോ​ഴി​ക്കോ​ട്: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ എ​ല്ലു​രോ​ഗ ശ​സ്ത്ര​ക്രി​യ​ക​ൾ​ക്കു​ള്ള ഇം​പ്ലാ​ന്റു​ക​ൾ കി​ട്ടാ​താ​യ​തോ​ടെ ശ​സ്ത്ര​ക്രി​യ​ക്കെ​ത്തി​യ രോ​ഗി​ക​ളെ ചി​കി​ത്സി​ക്കാ​തെ ഡി​സ്ചാ​ർ​ജ് ചെ​യ്യു​ന്നു. അ​പ​ക​ട​ത്തി​ൽ എ​ല്ലി​നു ക്ഷ​തം സം​ഭ​വി​ച്ച രോ​ഗി​ക​ൾ​ക്കു​ള്ള ശ​സ്ത്ര​ക്രി​യ​ക​ളും മു​ട​ങ്ങു​ക​യാ​ണ്. മ​ല​ബാ​റി​ലെ സാ​ധാ​ര​ണ​ക്കാ​രു​ടെ ഏ​ക ആ​ശ്ര​യ​മാ​യ ആ​ശു​പ​ത്രി​യി​ൽ സ്ഥി​തി ഗു​രു​ത​ര​മാ​യി​ട്ടും പ്ര​ശ്ന​പ​രി​ഹാ​ര​ത്തി​ന് സ​ർ​ക്കാ​ർ ശ്ര​മി​ക്കാ​ത്ത​ത് സാ​ധാ​ര​ണ​ക്കാ​രാ​യ രോ​ഗി​ക​ളെ ദു​രി​ത​ത്തി​ലാ​ക്കി.

നേ​ര​ത്തെ ശ​സ്ത്ര​ക്രി​യ​ക്കു തീ​യ​തി ല​ഭി​ച്ച് എ​ല്ലു​രോ​ഗ വി​ഭാ​ഗ​ത്തി​ലെ വി​വി​ധ വാ​ർ​ഡു​ക​ളി​ൽ പ്ര​വേ​ശി​പ്പി​ച്ച രോ​ഗി​ക​ളാ​ണ്, ആ​ശു​പ​ത്രി വി​ക​സ​ന സ​മി​തി​യു​ടെ സ​ർ​ജി​ക്ക​ൽ സ്റ്റോ​റി​ൽ ഇം​പ്ലാ​ന്‍റു​ക​ളു​ടെ സ്റ്റോ​ക്ക് ഇ​ല്ലാ​ത്ത​തി​നാ​ൽ ശ​സ്ത്ര​ക്രി​യ ന​ട​ത്താ​നാ​വാ​തെ വീ​ട്ടി​ലേ​ക്കു മ​ട​ങ്ങു​ന്ന​ത്. ഒ​രാ​ഴ്ച​ക്കി​ടെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ ശ​സ്ത്ര​ക്രി​യ​ക​ളു​ടെ എ​ണ്ണം വ​ൻ​തോ​തി​ൽ കു​റ​ഞ്ഞ​താ​യി ജീ​വ​ന​ക്കാ​ർ വ്യ​ക്ത​മാ​ക്കു​ന്നു. ശ​സ്ത്ര​ക്രി​യ​ക്കാ​യി ക​ഴി​ഞ്ഞ​ദി​വ​സ​ങ്ങ​ളി​ൽ ആ​ശു​പ​ത്രി​യി​ൽ അ​ഡ്മി​റ്റു​ചെ​യ്ത രോ​ഗി​ക​ളോ​ട് ശ​സ്ത്ര​ക്രി​യ ന​ട​ക്കു​ന്നി​ല്ലെ​ന്ന് ഡോ​ക്ട​ർ പ​റ​ഞ്ഞ​തോ​ടെ ബു​ധ​നാ​ഴ്ച പ​ല​രും ഡി​സ്ചാ​ർ​ജ് ചെ​യ്തു വീ​ട്ടി​ലേ​ക്കു മ​ട​ങ്ങി.

മു​ട്ട് മാ​റ്റി​വെ​ക്ക​ൽ, ഇ​ടു​പ്പു മാ​റ്റി​വെ​ക്ക​ൽ തു​ട​ങ്ങി​യ ശ​സ്ത്ര​ക്രി​യ​ക​ൾ​ക്ക് മൂ​ന്നും നാ​ലും മാ​സം മു​ൻ​പ് തീ​യ​തി ല​ഭി​ച്ച​വ​രാ​ണ് ചി​കി​ത്സ കി​ട്ടാ​തെ മ​ട​ങ്ങു​ന്ന​ത്. അ​ന​സ്തേ​ഷ്യ വി​ഭാ​ഗ​ത്തി​ൽ​നി​ന്ന് ഫി​റ്റ്ന​സ് ല​ഭി​ച്ച രോ​ഗി​ക​ൾ​വ​രെ ചി​കി​ത്സ കി​ട്ടാ​തെ മ​ട​ങ്ങു​ന്ന കൂ​ട്ട​ത്തി​ലു​ണ്ട്. അ​പ​ക​ട​ത്തി​ൽ​പെ​ട്ട് അ​ത്യാ​ഹി​ത വി​ഭാ​ഗ​ത്തി​ൽ എ​ത്തു​ന്ന​വ​ർ​വ​രെ അ​ടി​യ​ന്ത​ര ശ​സ്ത്ര​ക്രി​യ​ക​ൾ​ക്ക് സ്വ​കാ​ര്യ ആ​ശു​പ​ത്രി​ക​ളെ സ​മീ​പി​ക്കേ​ണ്ട സാ​ഹ​ച​ര്യ​മാ​ണ്. ന്യാ​യ​വി​ല ഷോ​പ്പി​ൽ ഇം​പ്ലാ​ന്റി​ല്ലെ​ന്ന് വി​വ​രം ല​ഭി​ക്കു​ന്ന​തോ​ടെ കാ​ത്തി​രു​ന്നാ​ലും ശ​സ്ത്ര​ക്രി​യ ന​ട​ക്കി​ല്ലെ​ന്ന് മ​ന​സ്സി​ലാ​ക്കി രോ​ഗി​ക​ളും കൂ​ട്ടി​രി​പ്പു​കാ​രും സ്വ​കാ​ര്യ ആ​ശു​പ​ത്രി​ക​ളി​ലേ​ക്കു പോ​കേ​ണ്ടി​വ​രു​ന്നു.

കു​ടി​ശ്ശി​ക വ​ർ​ധി​ച്ച​തോ​ടെ ക​ഴി​ഞ്ഞ​യാ​ഴ്ച മു​ത​ലാ​ണ് സ​ർ​ജി​ക്ക​ൽ സ്റ്റോ​റി​ലേ​ക്ക​ള്ള ഇം​പ്ലാ​ന്‍റ് വി​ത​ര​ണം ഏ​ജ​ൻ​സി​ക​ൾ നി​ർ​ത്തി​യ​ത്. കാ​സ്പ്, കാ​രു​ണ്യ, മ​റ്റ് ആ​രോ​ഗ്യ ഇ​ഷു​റ​ൻ​സ് പ​ദ്ധി​ക​ൾ മു​ഖേ​ന ചി​കി​ത്സ തേ​ടു​ന്ന രോ​ഗി​ക​ൾ​ക്ക് ആ​ശു​പ​ത്രി വി​ക​സ​ന സ​മി​തി​യു​ടെ ന്യാ​യ​വി​ല മെ​ഡി​ക്ക​ൽ ഷോ​പ്പി​ൽ​നി​ന്നാ​ണ് പ്ര​ധാ​ന​മാ​യും മ​രു​ന്നു​ക​ളും ഇം​പ്ലാ​ന്‍റ് അ​ട​ക്ക​മു​ള്ള ശ​സ്ത്ര ക്രി​യ ഉ​പ​ക​ര​ണ​ങ്ങ​ളും ന​ൽ​കി​യി​രു​ന്ന​ത്. ന്യാ​യ​വി​ല മെ​ഡി​ക്ക​ൽ ഷോ​പ്പി​ലേ​ക്കു​ള്ള മ​രു​ന്ന്-​ഉ​പ​ക​ര​ണ വി​ത​ര​ണം ഏ​ജ​ൻ​സി​ക​ൾ നി​ർ​ത്തി​യ​തോ​ടെ ഇ​ൻ​ഷൂ​റ​ൻ​സ് പ​ദ്ധി​തി​ക​ൾ വ​ഴി​യു​ള്ള ചി​കി​ത്സ​ക​ളും മു​ട​ങ്ങി. ഒ​മ്പ​ത് മാ​സ​ത്തെ തു​ക കു​ടി​ശ്ശി​ക​യാ​യ​തോ​ടെ ജ​നു​വ​രി 10 മു​ത​ലാ​ണ് ന്യാ​യ​വി​ല മെ​ഡി​ക്ക​ൽ ഷോ​പ്പി​ലേ​ക്കു​ള്ള മ​രു​ന്ന് വി​ത​ര​ണം ഏ​ജ​ൻ​സി​ക​ൾ നി​ർ​ത്തി​യ​ത്. ഇ​തോ​ടെ ഡ​യ​ലൈ​സ​ർ അ​ട​ക്ക​മു​ള്ള​വ കി​ട്ടാ​തെ ഡ​യാ​ലി​സി​സ് രോ​ഗി​ക​ൾ ദു​രി​ത​ത്തി​ലാ​യി​രു​ന്നു. ഇ​തി​ന് പി​ന്നാ​ലെ​യാ​ണ് ഇം​പ്ലാ​ന്‍റ് വി​ത​ര​ണ​വും നി​ല​ച്ച​ത്.