പ്രവൃത്തി ഉദ്ഘാടനം കഴിഞ്ഞ് ഒരു കൊല്ലം; പാലം പഴയ പടി തന്നെ

കോ​ഴി​ക്കോ​ട്: ത​റ​ക്ക​ല്ലി​ട​ലും പ്ര​ഖ്യാ​പ​ന​ങ്ങ​ളും ഉ​ദ്ഘാ​ട​ന​വും പ​ല​ത് ക​ഴി​ഞ്ഞെ​ങ്കി​ലും പു​തി​യ​പാ​ല​ത്ത് പു​ത്ത​ൻ പാ​ല​മെ​ന്ന നാ​ട്ടു​കാ​രു​ടെ ആ​ഗ്ര​ഹം സ​ഫ​ല​മാ​യി​ല്ല. വ​ലി​യ പാ​ലം പ്ര​വൃ​ത്തി ഉ​ദ്ഘാ​ട​നം ചെ​യ്തി​ട്ട് ജൂ​ലൈ മൂ​ന്നി​ന് ഒ​രു കൊ​ല്ലം പൂ​ർ​ത്തി​യാ​യി. ഏ​റ്റ​വു​മൊ​ടു​വി​ൽ പാ​ലം പ​ണി​യു​ന്ന​തി​ന്റെ മു​​ന്നോ​ടി​യാ​യി പ​ണി​ത മ​ര​പ്പാ​ലം അ​ട​ച്ചി​ട്ടി​രി​ക്ക​യാ​ണ്. പ​ഴ​യ പാ​ലം പൊ​ളി​ച്ചു​ക​ഴി​ഞ്ഞാ​ൽ ഉ​പ​യോ​ഗി​ക്കാ​നാ​ണി​ത്.

സ്ഥ​ല​മെ​ടു​പ്പ് പൂ​ർ​ത്തി​യാ​ക്കി പോ​സ്റ്റു​ക​ളും മ​റ്റും മാ​റ്റു​​ന്ന പ​ണി​യും കെ​ട്ടി​ടം പൊ​ളി​ച്ചു​മാ​റ്റ​ലും ഏ​റ​ക്കു​റെ തീ​ർ​ന്നു. കി​ഫ്ബി പ​ദ്ധ​തി​യാ​യ​തി​നാ​ൽ ഫ​യ​ൽ ന​ട​പ​ടി​ക​ൾ വൈ​കു​ന്ന​താ​ണ് പ​ണി നീ​ളാ​ൻ കാ​ര​ണ​മാ​യി അ​ധി​കൃ​ത​ർ പ​റ​യു​ന്ന​ത്. കി​ഫ്ബി ക​രാ​ർ വെ​ക്കു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ളി​ലെ കാ​ല​താ​മ​സം കാ​ര​ണം പാ​ലം പ​ണി തു​ട​ങ്ങാ​ത്ത​ത് വ​ലി​യ ആ​ക്ഷേ​പ​ങ്ങ​ൾ​ക്കി​ട​യാ​ക്കി​യി​ട്ടു​ണ്ട്. രേ​ഖ​ക​ളു​ടെ പ​രി​ശോ​ധ​ന ന​ട​ന്നു​വ​രു​ക​യാ​ണെ​ന്നാ​ണ് പ​റ​യു​ന്ന​ത്.

ക​രാ​ർ ഏ​റ്റെ​ടു​ത്ത​ത്​ പി.​എം.​ആ​ർ ക​മ്പ​നി​യാ​ണ്. ക​രാ​ർ ഒ​പ്പി​ട്ടി​ല്ലെ​ങ്കി​ലും പ​ണി​തു​ട​ങ്ങാ​ൻ അ​നു​മ​തി ന​ൽ​കി​യ​തി​ന്റെ അ​ടി​സ്ഥാ​ന​ത്തി​ലാ​ണ് മ​ര​പ്പാ​ല​മു​ണ്ടാ​ക്കി​യ​ത്. നേ​ര​ത്തേ ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് കോ​ഓ​പ​റേ​റ്റീ​സ് സൊ​സൈ​റ്റി​ക്ക്​ (യു.​എ​ൽ.​സി.​സി.​എ​സ്) ക​രാ​ർ കൊ​ടു​ക്കാ​ൻ തീ​രു​മാ​ന​മു​ണ്ടാ​യി​രു​ന്നു​വെ​ങ്കി​ലും മാ​റ്റി. ഇ​തു​മാ​യി ബ​ന്ധ​പ്പെ​ട്ട് യു.​എ​ൽ.​സി.​സി.​എ​സ് കോ​ട​തി​യെ സ​മീ​പി​ച്ച​തും പ​ണി നീ​ളാ​നി​ട​യാ​ക്കി.

ക​ഴി​ഞ്ഞ ജൂ​ലൈ​യി​ലാ​ണ്​ മ​ന്ത്രി പി.​എ. മു​ഹ​മ്മ​ദ് റി​യാ​സ്​ പ്ര​വൃ​ത്തി ഉ​ദ്ഘാ​ട​നം ചെ​യ്ത​ത്. ക​രാ​റും വ​ർ​ക്ക് ഓ​ർ​ഡ​റും ആ​കു​ന്ന​തി​ന്‍റെ മു​മ്പ്​ പ്ര​വൃ​ത്തി ഉ​ദ്ഘാ​ട​നം ന​ട​ത്തു​ക​യാ​യി​രു​ന്നു. കേ​ര​ള റോ​ഡ് ഫ​ണ്ട് ബോ​ർ​ഡി​ന്റെ തി​രു​വ​ന​ന്ത​പു​ര​ത്തു​ള്ള പ്രോ​ജ​ക്ട് ഡ​യ​റ​ക്ട​ർ ഓ​ഫി​സി​ൽ​നി​ന്നാ​ണ് ക​രാ​ർ ന​ൽ​കാ​നു​ള്ള രേ​ഖ​ക​ളും മ​റ്റും പ​രി​ശോ​ധി​ക്കു​ന്ന​ത്. സ്ഥ​ലം ഏ​റ്റെ​ടു​ക്കു​ക, പാ​ലം പ​ണി​യു​ക തു​ട​ങ്ങി​യ​വ​ക്കെ​ല്ലാം​കൂ​ടി മൊ​ത്തം 40.9 കോ​ടി രൂ​പ​യാ​ണ് ചെ​ല​വ് പ്ര​തീ​ക്ഷി​ക്കു​ന്ന​ത്.

നാ​ൽ​പ​തു​ക​ളി​ൽ കാ​ക്കാ​ത്തെ​രു എ​ന്ന​റി​യ​പ്പെ​ട്ടി​രു​ന്ന ധാ​രാ​ളം ക​മ്പ​നി​ക​ളും മ​ര​മി​ല്ലു​ക​ളും ഉ​ണ്ടാ​യി​രു​ന്ന ഒ​രു പ്ര​ദേ​ശ​മാ​ണ് പു​തി​യ​പാ​ലം. കോ​ഴി​ക്കോ​ട് സി​റ്റി സൗ​ത്ത് നി​യോ​ജ​ക​മ​ണ്ഡ​ല​ത്തി​ൽ ഉ​ൾ​പ്പെ​ടു​ന്ന പ്ര​ദേ​ശം. 1947ലാ​ണ് ഈ ​പ്ര​ദേ​ശ​ത്ത് ക​നോ​ലി ക​നാ​ലി​നു കു​റു​കെ​യാ​യി ആ​ദ്യ​ത്തെ പാ​ലം വ​ന്ന​ത്.

പി​ന്നീ​ട് 1982ൽ ​ഇ​​പ്പോ​ഴ​ത്തെ കോ​ൺ​ക്രീ​റ്റ് പാ​ലം നി​ർ​മി​ച്ചു. അ​തി​നു​ശേ​ഷ​മാ​ണ് പ്ര​ദേ​ശ​ത്തി​നു​ത​ന്നെ പു​തി​യ​പാ​ലം എ​ന്ന പേ​രു വ​ന്ന​ത്. ആ​ദ്യ​ത്തെ പാ​ല​ത്തി​നു പ​ടി​ക​ൾ ഉ​ണ്ടാ​യി​രു​ന്നെ​ങ്കി​ലും വീ​തി​യു​ണ്ടാ​യി​രു​ന്നു. എ​ന്നാ​ൽ, പി​ന്നീ​ട് വ​ന്ന പാ​ല​ത്തി​നു വീ​തി കു​റ​ഞ്ഞു. ഇ​രു​ച​ക്ര വാ​ഹ​ന​ങ്ങ​ൾ​ക്കു മാ​ത്ര​മേ ക​ട​ന്നു​പോ​കാ​നാ​വൂ.