ഒാണവിപണിയും നഷ്​ടപ്പെടുന്നു; കച്ചവടക്കാർ അനിശ്ചിതത്വത്തിൽ

കോഴിക്കോട്​: കോവിഡ്​ നിയന്ത്രണത്തി​െൻറ പേരിൽ ഏറെ കഷ്​ടതയും നഷ്​ടവും സഹിക്കേണ്ടിവന്ന കച്ചവടക്കാർ ​ ഒാണവിപണിയും നഷ്​ട​പ്പെടുന്ന ആധിയിൽ. കണ്ടെയ്​ൻമെൻറ്​ സോണുകളുടെ പേരിൽ കടകൾക്ക്​ നിയന്ത്രണം തുടരുന്നത്​ നഗരത്തിലും നാട്ടിൻപുറങ്ങളിലും വലിയ പ്രതിസന്ധിയാണുണ്ടാക്കുന്നത്​.

ഒാണം വന്നതോടെ ചിലയിടങ്ങളിൽ വിപണിയിൽ നേരിയ ഉണർവ്​ പ്രകടമാവുന്നുണ്ടെങ്കിലും ഏതു നിമിഷവും ഉത്തരവുമായെത്തുന്ന നിയന്ത്രണങ്ങൾ ഭീഷണിയാണെന്നാണ്​ വ്യാപാരികൾ പറയുന്നത്​. നഗരത്തിലെ ഏറ്റവും കച്ചവടം പ്രതീക്ഷിക്കുന്ന മിഠായിത്തെരുവിനെ അധികൃതർ നിയന്ത്രണംകൊണ്ട്​ വീർപ്പുമുട്ടിക്കുന്നുവെന്ന പരാതി ശക്തമാണ്​.

കഴിഞ്ഞ പെരുന്നാളുകളും വിഷുവും നഷ്​ടപ്പെട്ട മിഠായിത്തെരുവ്​ ചെറുതായി ഉണർന്നുവരുകയാണ്​. വലിയങ്ങാടി കണ്ടെയ്​ൻമെൻറ്​ സോണായതി​െൻറ പേരിൽ ഇൗ തെരുവ്​ ദിവസങ്ങളോളം അടച്ചിടേണ്ടിവന്നു. ഒാണമായതോടെ അവധി ദിവസങ്ങളിൽ ആളുകൾ വരുന്നുണ്ട്​.

ഞായറാഴ്​്​ച പക്ഷേ, വ്യാപാരികളെ പൊലീസ്​ 'കൺഫ്യൂഷനി'ലാക്കി. ഏഴുമണി വരെ തുറക്കാമെന്നായിരുന്നു രാവിലെ പൊലീസ്​ പറഞ്ഞത്​. വൈകീട്ട്​ 4.50ന്​ വന്ന്​ അഞ്ചു മണിക്ക്​ അടക്കണമെന്ന്​ പറഞ്ഞു. കച്ചവടക്കാർ അടക്കുന്നതിനിടയിൽ ഏഴുമണി വരെ തുറക്കാമെന്ന്​ പൊലീസ്​ വീണ്ടും അറിയിച്ചു.

അങ്ങനെ വീണ്ടും തുറന്ന കച്ചവടക്കാരെ 5.45ഒാടെ പൊലീസ്​ വീണ്ടും അടപ്പിച്ചു. ഏറ്റവുമൊടുവിൽ രേഖാമൂലമുള്ള ഉത്തരവുമായാണ്​ പൊലീസ്​ എത്തിയതെന്ന്​ വ്യാപാരി സംഘടന നേതാവ്​ അഡ്വ. ഉമ്മർകുട്ടി കാര്യാൽ പറഞ്ഞു. ഇത്രയും നിരുത്തരവാദപരമായാണ്​ അധികൃതർ കച്ചവടക്കാരോട്​ പെരുമാറുന്നതെന്ന്​ അദ്ദേഹം പറഞ്ഞു.

കോവിഡ്​ പ്രതിരോധത്തി​െൻറ പേരിൽ ആഴ്​ചകളായി അടഞ്ഞുകിടക്കുന്ന കച്ചവടസ്ഥാപനങ്ങൾ തുറന്നുപ്രവർത്തിക്കാൻ അനുവദിക്കണമെന്ന്​ കാലിക്കറ്റ്​ ചേംബർ ഒാഫ്​ കോമേഴ്​സ്​ ആൻഡ്​​ ഇൻഡസ്​ട്രി പ്രസിഡൻറ്​ സുബൈർ കൊളക്കാടൻ ആവശ്യപ്പെട്ടു. വലിയങ്ങാടിയിലെ സ്​റ്റീൽ, പ്ലൈവുഡ്​, ഹാർഡ്​വെയർ ആൻഡ്​​ സാനിട്ടറി മുതലായ നൂറോളം സ്ഥാപനങ്ങൾ ഒരു മാസത്തോളമായി അടഞ്ഞുകിടക്കുകയാണ്​. നേരത്തേ രണ്ടര മാസത്തോളം നീണ്ട ലോക്​ഡൗണിൽ പൂർണമായും അടഞ്ഞുകിടന്ന സ്ഥാപനങ്ങളാണ്​ വീണ്ടും തുടർച്ചയായി അടച്ചിടേണ്ടിവരുന്നത്​.

ഗ്രാമങ്ങളിലും ഇതുതന്നെയാണ്​ അവസ്ഥ. നൂറുകണക്കിന്​ ക​ണ്ടെയ്​ൻമെൻറ്​ സോണുകളാണ്​ ജില്ലയിലുള്ളത്​. അവശ്യസാധനങ്ങൾ വിൽക്കുന്ന കടകൾക്ക്​ മാത്രമേ അനുമതി ലഭിക്കൂ. നിർമാണമേഖല ഉൾപ്പെടെ നിർത്തിവെക്കേണ്ടിയും വരുന്നു. ഒാണമടുക്കു​േമ്പാഴും ഇൗയവസ്ഥ തുടരുകയാണ്​. തുണിക്കടകളും പൂക്കടകളും ഒാണംകേറാമൂലകളാവുകയാണ്​.