‘കരുണ’ക്കായി നാട് കൈകോര്‍ത്തു; സ്‌​നേ​ഹ​കാ​രു​ണ്യ​ത്തി​ന്‍റെ മാ​തൃ​ക​യാ​യി ബിരിയാണി ചലഞ്ച്

ആലിൻതറ: കാ​രു​ണ്യം ക​നി​വാ​യി ഒ​ഴു​കി​യ​പ്പോ​ൾ കരുണ ചാരിറ്റബ്ൾ സൊസൈറ്റി ബി​രി​യാ​ണി ച​ല​ഞ്ച് വേ​റി​ട്ട മാ​തൃ​ക​യാ​യി. ‘കരുണക്കൊരു കൈത്താങ്ങ്’ എന്ന പേരിൽ വിവിധ സേവന-ചികിത്സ സംവിധാനങ്ങൾ കോർത്തിണക്കുക എന്ന സന്ദേശത്തോടെ സംഘടിപ്പിച്ച പരിപാടിയിൽ നാട് മുഴുവൻ കൈകോർത്തു.

5 വർഷത്തോളമായി ആലിൻതറയിൽ പ്രവർത്തിക്കുന്ന കരുണ ചാരിറ്റബ്ൾ സൊസൈറ്റി പ്രദേശത്തെ പാവപ്പെട്ടവർക്കുള്ള ധന സഹായം, രോഗികൾക്കുള്ള മരുന്ന്, ജീവൻ രക്ഷാ ഉപകരണങ്ങൾ, വിവാഹ ധന സഹായം, രക്തദാനം എന്നിവക്കുള്ള ധനസമാഹരണം ലക്ഷ്യമിട്ടായിരുന്നു പരിപാടി സംഘടിപ്പിച്ചത്. മൂവായിരത്തോളം പൊതി ബിരിയാണി വിതരണം ചെയ്തു.

പ്ര​വാ​സി​ക​ളു​ടെ​ സഹകരണത്തോടെ നടന്ന പരിപാടിയിൽ കരുണ ഭാരിവാഹികളുടേയും പ്രാ​യ​ഭേ​ദ​മ​ന്യേ നൂറുകണക്കിന് വളണ്ടിയർമാരുടെയും നേതൃത്വത്തിലാണ് ഭക്ഷണം തയാറാക്കിയതും വീടുകളിലെത്തിച്ചതും.