ജനവാസമില്ലാത്ത സ്ഥലത്തേക്ക് റോഡ് നി​ർ​മി​ച്ച​താ​യി പരാതി

ഓ​മ​ശ്ശേ​രി: ജ​ന​വാ​സ​മി​ല്ലാ​ത്ത സ്ഥ​ല​ത്തേ​ക്ക് എം.​പി ഫ​ണ്ട് ഉ​പ​യോ​ഗി​ച്ച് റോ​ഡ് നി​ർ​മി​ച്ച​താ​യി പ​രാ​തി. ഓ​മ​ശ്ശേ​രി പ​ഞ്ചാ​യ​ത്തി​ലെ നാ​ലാം വാ​ർ​ഡി​ൽ വേ​ന​പ്പാ​റ​യി​ലാ​ണ് ജ​ന​വാ​സ​മി​ല്ലാ​ത്ത റ​ബ​ർ തോ​ട്ട​ത്തി​ലൂ​ടെ എം.​പി ഫ​ണ്ട് ഉ​പ​യോ​ഗി​ച്ച് റോ​ഡ് കോ​ൺ​ക്രീ​റ്റ് ന​ട​ത്തി​യെ​ന്ന പ​രാ​തി​യു​മാ​യി സി.​പി.​എം രം​ഗ​ത്തു​വ​ന്ന​ത്.

കോ​ൺ​ഗ്ര​സ് പ്ര​വ​ർ​ത്ത​ക​ന്റെ സ്ഥ​ല​ത്തേ​ക്ക് മാ​ത്ര​മാ​യാ​ണ് പൊ​തു​പ​ണം ദു​രു​പ​യോ​ഗം ചെ​യ്ത് റോ​ഡ് നി​ർ​മി​ച്ചി​രി​ക്കു​ന്ന​തെ​ന്ന് സി.​പി.​എം ആ​രോ​പി​ച്ചു.

നി​ര​വ​ധി റോ​ഡു​ക​ൾ ഗ​താ​ഗ​ത​യോ​ഗ്യ​മ​ല്ലാ​തി​രി​ക്കു​മ്പോ​ഴാ​ണ് സ്വ​കാ​ര്യ വ്യ​ക്തി​യു​ടെ സ്ഥ​ല​ത്തേ​ക്ക് റോ​ഡ് വെ​ട്ടി കോ​ൺ​ക്രീ​റ്റ് ചെ​യ്ത​ത്. റോ​ഡ് പ്ര​വൃ​ത്തി​ക്കെ​തി​രെ സി.​പി.​എം ഓ​മ​ശ്ശേ​രി ലോ​ക്ക​ൽ ക​മ്മി​റ്റി പ്ര​തി​ഷേ​ധം രേ​ഖ​പ്പെ​ടു​ത്തി. ജി​ല്ല ക​ല​ക്ട​ർ ഉ​ൾ​പ്പെ​ടെ​യു​ള്ള​വ​ർ​ക്ക് പ​രാ​തി ന​ൽ​കാ​നും തീ​രു​മാ​നി​ച്ചു.

അ​ഡ്വ. സ​ൽ​മാ​ൻ, ഒ.​കെ. സ​ദാ​ന​ന്ദ​ൻ, ഒ.​കെ. നാ​രാ​യ​ണ​ൻ, കെ.​സി. അ​തൃ​മാ​ൻ, പി. ​ശി​വ​ദാ​സ​ൻ, നി​ധീ​ഷ് കൃ​ഷ്ണ​ൻ എ​ന്നി​വ​ർ സം​സാ​രി​ച്ചു.

ഫണ്ട് വിനിയോഗം അറിയില്ല - പഞ്ചായത്ത് പ്രസിഡന്റ്

ഓ​മ​ശ്ശേ​രി: ജ​ന​വാ​സ​മി​ല്ലാ​ത്ത സ്ഥ​ല​ത്തേ​ക്ക് എം.​പി ഫ​ണ്ട് ഉ​പ​യോ​ഗി​ച്ച് റോ​ഡ് നി​ർ​മി​ച്ചു​വെ​ന്ന പ​രാ​തി​യി​ൽ ഫ​ണ്ട് വി​നി​യോ​ഗ​ത്തെ കു​റി​ച്ച് അ​റി​യി​ല്ലെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് പി.​കെ. ഗം​ഗാ​ധ​ര​ൻ. എം.​പി ഫ​ണ്ട് വി​നി​യോ​ഗം ഗ്രാ​മ​പ​ഞ്ചാ​യ​ത്ത് അ​റി​യ​ണ​മെ​ന്നി​ല്ല.

ബ്ലോ​ക്ക് പ​ഞ്ചാ​യ​ത്ത് വ​ഴി​യാ​ണ് ഫ​ണ്ടി​ന്റെ വി​നി​യോ​ഗം ന​ട​ന്ന​ത്. കൊ​ടു​വ​ള്ളി ബ്ലോ​ക്ക് പ​ഞ്ചാ​യ​ത്താ​ണ് റോ​ഡി​നു തു​ക വി​നി​യോ​ഗി​ച്ച​തും റോ​ഡ് തി​ര​ഞ്ഞെ​ടു​ത്ത​തും. ഇ​ത് സം​ബ​ന്ധി​ച്ച് പ​ഞ്ചാ​യ​ത്തി​ന് വ്യ​ക്ത​ത​യി​ല്ല. അ​തേ​സ​മ​യം റോ​ഡ് പ​ഞ്ചാ​യ​ത്തി​ന്റെ ആ​സ്തി ര​ജി​സ്റ്റ​റി​ൽ ഉ​ൾ​പ്പെ​ട്ടി​ട്ടു​ണ്ടെ​ന്നും പി.​കെ. ഗം​ഗാ​ധ​ര​ൻ പ​റ​ഞ്ഞു.