മലപ്പുറത്തെ ഉന്നത ഉദ്യോഗസ്ഥൻ കോഴിക്കോ​ട്ടെ യോഗത്തിലും

കോഴിക്കോട്​: കോവിഡ്​ സ്ഥിരീകരിച്ച മലപ്പുറം ജില്ലയിലെ പ്രധാന ഉദ്യോഗസ്ഥൻ കോഴിക്കോട്​ ഗവ. മെഡിക്കൽ കോളജ്​ ആശുപത്രിയിൽ സംബന്ധിച്ച അവലോകന യോഗത്തിലും വാർത്തസമ്മേളനത്തിലും ഗവർണറും മുഖ്യമന്ത്രിയും സ്​പീക്കറും എട്ട്​ മന്ത്രിമാരും മൂന്ന്​ എം.എൽ.എമാരും ഉന്നത ഉദ്യോഗസ്ഥരും മാധ്യമപ്രവർത്തകരും പ​ങ്കെടുത്തതിനെ തുടർന്ന്​ ആരോഗ്യ വകുപ്പി​െൻറ ജാഗ്രത നിർദേശം.

കരിപ്പൂർ വിമാനാപകടത്തി​െൻറ പിറ്റേന്ന്​ പരിക്കേറ്റവരെ സന്ദർശിക്കാൻ ​ മെഡിക്കൽ കോളജ്​ ആശുപത്രിയിലെത്തിയ മുഖ്യമന്ത്രി പിണറായി വിജയൻ രാവിലെ 11 മണിയോടെ യോഗം വിളിച്ചിരുന്നു.

അടിയന്തര യോഗത്തിൽ ഗവർണർ ആരിഫ്​ മുഹമ്മദ്​, സ്​പീക്കർ പി. ശ്രീരാമകൃഷ്​ണൻ, മ​ന്ത്രിമാരായ ഇ.പി. ജയരാജൻ, ​െക.കെ. ​ൈ​ശലജ, എ.സി. മൊയ്​തീൻ, ടി.പി. രാമകൃഷ്​ണൻ, എ.കെ. ശശീന്ദ്രൻ, കെ.ടി. ജലീൽ, വി.എസ്.​ സുനിൽ കുമാർ, കടന്നപ്പള്ളി രാമചന്ദ്രൻ, എം.എൽ.എമാരായ എ. പ്രദീപ്​ കുമാർ, പി.ടി.എ റഹീം, കാരാട്ട്​ റസാഖ്​, മേയർ തോട്ടത്തിൽ രവീന്ദ്രൻ തുടങ്ങിയവർ യോഗത്തിൽ പ​​ങ്കെടുത്തിരുന്നു.

ചീഫ്​ സെക്രട്ടറി ബിശ്വാസ്​ മേത്ത, ഡി.ജി.പി ലോക്​നാഥ്​ ബെഹ്​റ, ഐ.ജി അശോക്​ യാദവ്​, തൃശൂർ ഡി.ഐ.ജി എസ്​. സ​ു​േര​ന്ദ്രൻ, കോഴിക്കോട്​ ജില്ല കലക്​ടർ എസ്​. സാംബശിവറാവു, സിറ്റി പൊലീസ്​ മേധാവി എ.വി. ജോർജ്​, മെഡിക്കൽ കോളജ്​ അധികൃതർ, ആരോഗ്യ വകുപ്പ്​ ഉദ്യോഗസ്ഥർ തുടങ്ങിയവരും യോഗത്തിനും വാർത്തസമ്മേളനത്തിനുമുണ്ടായിരുന്നു.

അതേസമയം, മലപ്പുറത്തെ ഉന്നത ഉദ്യോഗസ്ഥനുമായി അടുത്തിടപഴകിയ കോഴിക്കോട്​ ജില്ല കലക്​ടർ സാംബശിവ റാവുവി​െൻറ സാമ്പ്​ൾ ഫലം പരിശോധനയിൽ നെഗറ്റിവായി. മുഖ്യമന്ത്രിയുടെയും ആരോഗ്യമന്ത്രിയുടെയും ഗതാഗത മന്ത്രി എ.കെ. ശശീന്ദ്ര​െൻറയും ആൻറിജൻ ടെസ്​റ്റ്​​ ഫലവും നെഗറ്റിവാണ്​.

ഈ യോഗത്തില്‍ പങ്കെടുത്ത മാധ്യമ പ്രവര്‍ത്തകരും ജനപ്രതിനിധികളും മറ്റുദ്യോഗസ്ഥരും സ്വയം നിരീക്ഷണത്തില്‍ പോകണമെന്നും ജില്ല കൊറോണ നിയന്ത്രണ സെല്ലില്‍ (04952371471, 2376063, 2373901) വിവരം അറിയിക്കണമെന്നും ജില്ല മെഡിക്കല്‍ ഓഫിസര്‍ ഡോ. വി. ജയശ്രീ അറിയിച്ചു.

എല്ലാവർക്കും ഉടൻ ടെസ്​റ്റ്​ നടത്തും. മാധ്യമപ്രവർത്തകർക്ക്​ ഞായറാഴ്​ചയാണ്​ ടെസ്​റ്റ്​.