ആവശ്യത്തിന് ട്രെയിനില്ല; പൂജാ അവധിയിൽ മലബാറിലെത്താൻ പെടാപ്പാട്

കോ​ഴി​ക്കോ​ട്: പൂ​ജാ അ​വ​ധി തി​ര​ക്ക് പ​രി​ഗ​ണി​ച്ച് കൂ​ടു​ത​ൽ ട്രെ​യി​ൻ അ​നു​വ​ദി​ക്കാ​ത്ത​തി​നാ​ൽ മ​ല​ബാ​റി​ലെ യാ​ത്ര​ക്കാ​ർ ദു​രി​ത​ത്തി​ൽ. വി​വി​ധ സം​സ്ഥാ​ന​ങ്ങ​ളി​ൽ​നി​ന്ന് മ​ല​ബാ​റി​ലേ​ക്കു​ള്ള ട്രെ​യി​നു​ക​ളി​ൽ ക​യ​റി​പ്പ​റ്റാ​ൻ​പോ​ലും ക​ഴി​യാ​ത്ത അ​വ​സ്ഥ​യാ​ണ്. ഡ​ൽ​ഹി, മ​ഹാ​രാ​ഷ്ട്ര, ആ​ന്ധ്ര, ക​ർ​ണാ​ട​ക, ത​മി​ഴ്നാ​ട് തു​ട​ങ്ങി​യ സം​സ്ഥാ​ന​ങ്ങ​ളി​ൽ​നി​ന്ന് മ​ല​ബാ​റി​ലെ വി​വി​ധ ജി​ല്ല​ക​ളി​ലേ​ക്ക് യാ​ത്ര ചെ​യ്യേ​ണ്ട​വ​രാ​ണ് ഇ​ത്ത​ര​ത്തി​ൽ ബു​ദ്ധി​മു​ട്ടു​ന്ന​ത്. ഇ​ത് മ​ല​ബാ​റി​ലെ ദൈ​നം​ദി​ന സാ​ധാ​ര​ണ യാ​ത്ര​ക്കാ​രു​ടെ ദു​രി​തം വ​ർ​ധി​പ്പി​ക്കു​ന്നു. കോ​ഴി​ക്കോ​ട്, മ​ല​പ്പു​റം, ക​ണ്ണൂ​ർ ജി​ല്ല​ക​ളി​ലെ പ​ല സ്റ്റേ​ഷ​നു​ക​ളി​ൽ​നി​ന്നും ട്രെ​യി​നു​ക​ളി​ൽ ക​യ​റാ​ൻ​പോ​ലും ക​ഴി​യാ​ത്ത തി​ര​ക്കാ​ണ്.

കോ​വി​ഡ് നി​യ​ന്ത്ര​ണ​ങ്ങ​ൾ നീ​ക്കി​യി​ട്ടും മ​ല​ബാ​റി​ലേ​ക്കു​ള്ള ട്രെ​യി​നു​ക​ൾ പൂ​ർ​ണ​മാ​യി പു​നഃ​സ്ഥാ​പി​ക്കാ​ത്ത​തും പ്ര​തി​സ​ന്ധി വ​ർ​ധി​പ്പി​ക്കു​ന്നു. പാ​ളം ശ​ക്തി​പ്പെ​ടു​ത്ത​ലി​ന്‍റെ പേ​രി​ൽ സ്പെ​ഷ​ൽ ട്രെ​യി​നു​ക​ൾ സ​ർ​വി​സു​ക​ൾ റ​ദ്ദാ​ക്കി​യ​തും ഇ​രു​ട്ട​ടി​യാ​യി. പൂ​ജ അ​വ​ധി​ദി​ന​ത്തി​ലെ തി​ര​ക്ക് കു​റ​ക്കാ​ൻ മ​ല​ബാ​ർ മേ​ഖ​ല​യി​ലേ​ക്ക് കൂ​ടു​ത​ൽ ട്രെ​യി​ൻ അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ട് എം.​കെ. രാ​ഘ​വ​ൻ എം.​പി സെ​പ്റ്റം​ബ​ർ 19ന് ​റെ​യി​ൽ​വേ അ​ധി​കൃ​ത​ർ​ക്ക് നേ​രി​ൽ​ക​ണ്ട് അ​പേ​ക്ഷ ന​ൽ​കി​യി​രു​ന്നു.

എ​ന്നാ​ൽ, ഒ​ര​വ​ധി​ക്കാ​ല ട്രെ​യി​ൻ​പോ​ലും മ​ല​ബാ​ർ മേ​ഖ​ല​യി​ലേ​ക്ക് അ​നു​വ​ദി​ക്കു​ക​യോ ഓ​ടി​ക്കൊ​ണ്ടി​രി​ക്കു​ന്ന ട്രെ​യി​നു​ക​ളി​ൽ അ​ധി​ക കോ​ച്ച് അ​നു​വ​ദി​ക്കു​ക​യോ ചെ​യ്തി​ട്ടി​ല്ല. ഇ​തു​കാ​ര​ണം വി​വി​ധ സം​സ്ഥാ​ന​ങ്ങ​ളി​ൽ​നി​ന്ന് അ​വ​ധി​ക്ക് നാ​ട്ടി​ലേ​ക്ക് മ​ട​ങ്ങാ​നി​രു​ന്ന മ​ല​യാ​ളി​ക​ൾ ട്രെ​യി​ൻ കി​ട്ടാ​തെ പ്ര​യാ​സ​പ്പെ​ടു​ക​യാ​ണ്.

ഇ​തു മു​ത​ലെ​ടു​ത്ത് സ്വ​കാ​ര്യ ബ​സു​ക​ളും ട്രാ​വ​ൽ​സു​ക​ളും യാ​ത്ര​ക്കാ​രെ കൊ​ള്ള​ടി​ക്കു​ക​യാ​ണ്. സ്വ​കാ​ര്യ ബ​സ് ലോ​ബി​യു​ടെ സ​മ്മ​ർ​ദ​ത്തി​ന് വ​ഴ​ങ്ങി​യാ​ണ് റെ​യി​ൽ​വേ മ​ല​ബാ​ർ മേ​ഖ​ല​യി​ലേ​ക്ക് അ​ധി​ക ട്രെ​യി​നു​ക​ൾ അ​നു​വ​ദി​ക്കാ​ത്ത​തെ​ന്നും ആ​ക്ഷേ​പ​മു​ണ്ട്.