ഭൂ​മി​ക്ക​ടി​യി​ൽ​നി​ന്ന് മു​ഴ​ക്കം; ആ​ശ​ങ്ക വേ​ണ്ടെ​ന്ന് ജി​യോ​ള​ജി വ​കു​പ്പ്

മ​ട​വൂ​ർ: പ​ഞ്ചാ​യ​ത്തി​ലെ ആ​രാ​മ്പ്രം ച​ക്കാ​ല​ക്ക​ൽ ചെ​മ്പ​റ്റ ച​രു​മ​ല ഭാ​ഗ​ത്തെ ബൊ​ട്ടാ​ണി​ക്ക​ൽ ഗാ​ർ​ഡ​ൻ പ​രി​സ​ര​ത്ത് ഭൂ​മി​ക്ക​ടി​യി​ൽ​നി​ന്ന് വ​ലി​യ ശ​ബ്ദ​ത്തോ​ടെ​യു​ള്ള മു​ഴ​ക്കം കേ​ട്ട സം​ഭ​വ​ത്തി​ൽ ജി​യോ​ള​ജി വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ക്കു​ക​യും പ്ര​ദേ​ശ​വാ​സി​ക​ളി​ൽ​നി​ന്ന് വി​വ​ര​ങ്ങ​ൾ ശേ​ഖ​രി​ക്കു​ക​യും ചെ​യ്തു. തി​ങ്ക​ളാ​ഴ്ച ഉ​ച്ച​യോ​ടെ​യാ​ണ് ര​ണ്ട് അ​സി. ജി​യോ​ള​ജി​സ്റ്റ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി​യ​ത്.

വെ​ള്ളി​യാ​ഴ്ച‌ അ​ർ​ധ​രാ​ത്രി​ക്ക് ശേ​ഷ​മാ​ണ് ഈ ​ഭാ​ഗ​ത്ത് ഉ​ഗ്ര​ശ​ബ്ദ​ത്തി​ലു​ള്ള മു​ഴ​ക്കം ഉ​ണ്ടാ​യ​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. പ​രാ​തി​യെ തു​ട​ർ​ന്ന് ശ​നി​യാ​ഴ്ച റ​വ​ന്യൂ ഉ​ദ്യോ​ഗ​സ്ഥ​രും മ​ട​വൂ​ർ പ​ഞ്ചാ​യ​ത്ത് സെ​ക്ര​ട്ട​റി​യു​മു​ൾ​പ്പെ​ടെ​യു​ള്ള​വ​ർ പ്ര​ദേ​ശ​ത്ത് ന​ട​ത്തി​യ പ​രി​ശോ​ധ​ന​യി​ൽ അ​സ്വാ​ഭാ​വി​ക​മാ​യി ഒ​ന്നും ക​ണ്ടെ​ത്താ​ൻ സാ​ധി​ച്ചി​രു​ന്നി​ല്ല.

തു​ട​ർ​ന്ന് കൂ​ടു​ത​ൽ പ​രി​ശോ​ധ​ന​ക്കാ​യി ജി​യോ​ള​ജി വ​കു​പ്പി​നെ വി​വ​രം അ​റി​യി​ക്കു​ക​യാ​യി​രു​ന്നു. ഭൂ​മി​കു​ലു​ക്കം​പോ​ലു​ള്ള കാ​ര്യ​ങ്ങ​ൾ പ്ര​ദേ​ശ​ത്ത് ഉ​ണ്ടാ​യി​ട്ടി​ല്ലെ​ന്നും പ്ര​ദേ​ശ​ത്ത് ന​ട​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ മൂ​ലം ഭൂ​മി​ക്ക​ടി​യി​ലെ ഘ​ട​ന​യി​ൽ വ്യ​ത്യാ​സം വ​ന്ന​തു​മൂ​ല​മു​ണ്ടാ​യ സ്വാ​ഭാ​വി​ക​മാ​യ പ്ര​തി​ഭാ​സ​മാ​ണെ​ന്നും ആ​ശ​ങ്ക​പ്പെ​ടേ​ണ്ട​തി​ല്ലെ​ന്നു​മാ​ണ് ജി​യോ​ള​ജി വ​കു​പ്പ് പ​റ​ഞ്ഞ​ത്. എ​ന്നാ​ൽ പ്ര​ദേ​ശ​ത്ത് മ​ണ്ണി​ടി​ച്ചി​ലു​ണ്ടാ​യി​ട്ടു​ണ്ടെ​ന്നും ചു​മ​രു​ക​ൾ​ക്ക് വി​ള്ള​ൽ ഉ​ണ്ടാ​യ​താ​യും പ്ര​ദേ​ശ​വാ​സി​ക​ൾ പ​റ​ഞ്ഞു. കൊ​ട്ട​ക്കാ​വ​യ​ൽ പാ​ലോ​റ മ​ല​യു​ടെ ഒ​രു ഭാ​ഗ​ത്ത് ക​ഴി​ഞ്ഞ വ​ർ​ഷ​കാ​ല​ത്ത് സോ​യി​ൽ പൈ​പ്പി​ങ് പ്ര​തി​ഭാ​സ​മു​ണ്ടാ​യി​രു​ന്നു.