സ്റ്റാഫ് ഫിക്സേഷനായില്ല; അധ്യാപക ജോലിസ്വപ്നം കരിനിഴലിൽ

കോ​ഴി​ക്കോ​ട്: വി​ദ്യാ​ഭ്യാ​സ വ​കു​പ്പി​ൽ സ്റ്റാ​ഫ് ഫി​ക്സേ​ഷ​ൻ പൂ​ർ​ത്തി​യാ​വാ​ത്ത​ത​ട​ക്ക​മു​ള്ള പ്ര​ശ്ന​ങ്ങ​ൾ പി.​എ​സ്.​സി പ​രീ​ക്ഷ​യെ​ഴു​തി റാ​ങ്ക് പ​ട്ടി​ക​യി​ലി​ടം നേ​ടി​യ നി​ര​വ​ധി ഉ​ദ്യോ​ഗാ​ർ​ഥി​ക​ളു​ടെ ജോ​ലി​യെ​ന്ന സ്വ​പ്ന​ത്തി​നു​മേ​ൽ ക​രി​നി​ഴ​ലാ​യി. ജി​ല്ല​യി​ലെ ഹി​ന്ദി ഫു​ൾ​ടൈം ജൂ​നി​യ​ർ ലാം​ഗ്വേ​ജ് ടീ​ച്ച​ർ (കാ​റ്റ​ഗ​റി ന​മ്പ​ർ 277​/2017) റാ​ങ്ക് പ​ട്ടി​ക​യി​ലു​ൾ​പ്പെ​ട്ട​വ​രാ​ണ് ആ​ശ​ങ്ക​യി​ലു​ള്ള​ത്. റാ​ങ്ക് പ​ട്ടി​ക കാ​ലാ​വ​ധി ഡി​സം​ബ​റി​ൽ അ​വ​സാ​നി​ക്കു​ന്ന​താ​ണ് വെ​ല്ലു​വി​ളി.

സ്കൂ​ൾ തു​റ​ന്ന് വി​ദ്യാ​ർ​ഥി​ക​ളു​​ടെ 'ത​ല​യെ​ണ്ണു'​ന്ന​തി​നു പി​ന്നാ​ലെ​യാ​ണ് സ്റ്റാ​ഫ് ഫി​ക്സേ​ഷ​ൻ ന​ട​പ​ടി​ക​ൾ പൊ​തു​വെ പൂ​ർ​ത്തി​യാ​വാ​റ്. എ​ന്നാ​ൽ, ഇ​ത്ത​വ​ണ ജൂ​ൺ 30നും ​ന​ട​പ​ടി പൂ​ർ​ത്തി​യാ​വാ​ത്ത​തോ​​ടെ ചി​ല ഉ​ദ്യോ​ഗാ​ർ​ഥി​ക​ൾ വി​ഷ​യം ​കോ​ട​തി​യു​ടെ ശ്ര​ദ്ധ​യി​ൽ​പെ​ടു​ത്തി. ഇ​തോ​ടെ ജൂ​ലൈ 31നു​ള്ളി​ൽ സ്റ്റാ​ഫ് ഫി​ക്സേ​ഷ​ൻ പൂ​ർ​ത്തി​യാ​ക്കാ​ൻ ഹൈ​കോ​ട​തി നി​ർ​ദേ​ശി​ച്ചു.

എ​ന്നാ​ൽ, സാ​​​ങ്കേ​തി​ക പ്ര​ശ്ന​ങ്ങ​ളു​ൾ​പ്പെ​ടെ ചൂ​ണ്ടി​ക്കാ​ട്ടി സ​ർ​ക്കാ​ർ ആ​ഗ​സ്റ്റ് 31വ​രെ സ​മ​യം വേ​ണ​മെ​ന്നാ​വ​ശ്യ​പ്പെ​ടു​ക​യും കോ​ട​തി ഇ​തം​ഗീ​ക​രി​ക്കു​ക​യു​മാ​യി​രു​ന്നു. എ​ന്നാ​ൽ, ഒ​ക്ടോ​ബ​ർ ക​ഴി​ഞ്ഞി​ട്ടും സ്റ്റാ​ഫ് ഫി​​ക്സേ​ഷ​ൻ പൂ​ർ​ത്തി​യാ​യി​ട്ടി​ല്ല. ഡി.​ഡി.​ഇ ഓ​ഫി​സ് അ​ധി​കൃ​ത​ർ നേ​രി​ട്ട് സ്കൂ​ളി​ൽ പോ​യി പ​രി​ശോ​ധ​ന ന​ട​ത്ത​ണ​മെ​ന്ന​താ​ണ് ച​ട്ടം. ഇ​താ​ണ് കാ​ല​താ​മ​സ​മു​ണ്ടാ​കു​ന്ന​​തെ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. അ​തി​നി​ടെ അ​ധി​ക ത​സ്തി​ക​യി​ലേ​ക്ക് ന​വം​ബ​ർ ഒ​ന്നു​മു​ത​ൽ നി​യ​മ​നം ന​ട​ത്താ​മെ​ന്ന് നേ​ര​ത്തെ സ​ർ​ക്കാ​ർ അ​റി​യി​ച്ചി​രു​ന്നു​വെ​ങ്കി​ലും ഇ​തു​സം​ബ​ന്ധി​ച്ച ഉ​ത്ത​ര​വ് ഇ​തു​വ​രെ പു​റ​ത്തി​റ​ങ്ങി​യി​ട്ടി​ല്ല. ധ​ന​വ​കു​പ്പി​ന്റെ അ​നു​മ​തി ല​ഭി​ക്കാ​ത്ത​താ​ണ് ഉ​ത്ത​ര​വി​ന് ത​ട​സ്സ​മെ​ന്നാ​ണ് വി​വ​രം.

ഹി​ന്ദി ലാം​ഗ്വേ​ജ് ടീ​ച്ച​ർ പ​രീ​ക്ഷ​യു​ടെ റാ​ങ്ക് പ​ട്ടി​ക 2019 ഡി​സം​ബ​റി​ലാ​ണ് നി​ല​വി​ൽ​വ​ന്ന​ത്. ഈ ​പ​ട്ടി​ക​യി​ൽ​നി​ന്ന് സം​വ​ര​ണ വി​ഭാ​ഗ​ങ്ങ​ളി​ൽ​നി​ന്നു​ള്ള പ​ല​ർ​ക്കും നേ​ര​ത്തെ നി​യ​മ​നം ല​ഭി​ച്ചെ​ങ്കി​ലും ജ​ന​റ​ൽ കാ​റ്റ​ഗ​റി​യി​ൽ വ​രു​ന്ന​വ​രി​ലേ​റെ​യും നി​യ​മ​നം കാ​ത്തു​നി​ൽ​ക്കു​ക​യാ​ണ്.

പ​ട്ടി​ക​യു​​ടെ കാ​ലാ​വ​ധി ഡി​സം​ബ​റി​ൽ പൂ​ർ​ത്തി​യാ​വു​മെ​ന്ന​താ​ണ് ഉ​ദ്യോ​ഗാ​ർ​ഥി​ക​ളെ ആ​ശ​ങ്ക​യി​ലാ​ക്കു​ന്ന​ത്. സ്റ്റാ​ഫ് ഫി​ക്സേ​ഷ​ൻ നേ​ര​ത്തെ പൂ​ർ​ത്തി​യാ​യി​രു​ന്നു​വെ​ങ്കി​ൽ ത​ങ്ങ​ൾ ഇ​തി​ന​കം ജോ​ലി​യി​ൽ പ്ര​വേ​ശി​ച്ചി​ട്ടു​ണ്ടാ​വു​മാ​യി​രു​ന്നു എ​ന്നാ​ണ് റാ​ങ്ക് പ​ട്ടി​ക​യി​ലു​ള്ള ഉ​ദ്യോ​ഗാ​ർ​ഥി​ക​ൾ പ​റ​യു​ന്ന​ത്. പ​ട്ടി​ക റ​ദ്ദാ​വു​ന്ന​തോ​ടെ നി​യ​മ​ന​പ്ര​തീ​ക്ഷ അ​സ്ത​മി​ക്കും എ​ന്നു​മാ​ത്ര​മ​ല്ല, പ​ല​ർ​ക്കും പ്രാ​യ​ക്കൂ​ടു​ത​ലു​ള്ള​തി​നാ​ൽ ഇ​നി പ​രീ​ക്ഷ എ​ഴു​താ​നു​മാ​വി​ല്ല.

ഈ ​റാ​ങ്ക് പ​ട്ടി​ക​യു​ടെ കാ​ലാ​വ​ധി നീ​ട്ട​ണ​മെ​ന്നാ​ണ് ഉ​ദ്യോ​ഗാ​ർ​ഥി​ക​ൾ ആ​വ​ശ്യ​പ്പെ​ടു​ന്ന​ത്. ഇ​ക്കാ​ര്യം ചൂ​ണ്ടി​ക്കാ​ട്ടി മ​ന്ത്രി​മാ​ര​ട​ക്ക​മു​ള്ള​വ​ർ​ക്ക് റാ​ങ്ക് ഹോ​ൾ​ഡേ​ഴ്സ് അ​സോ​സി​യേ​ഷ​ൻ നി​വേ​ദ​ന​ങ്ങ​ൾ ന​ൽ​കി​യെ​ങ്കി​ലും തു​ട​ർ ന​ട​പ​ടി​ക​ളു​ണ്ടാ​യി​ട്ടി​ല്ല. ജി​ല്ല​യി​ൽ സ്റ്റാ​ഫ് ഫി​ക്സേ​ഷ​ൻ പൂ​ർ​ത്തി​യാ​യി​ട്ടി​ല്ലെ​ന്നും സ്കൂ​ളി​ൽ ഒ​രു ഡി​വി​ഷ​ൻ കൂ​ടി ആ​രം​ഭി​ക്കാ​ൻ മാ​ത്രം കു​ട്ടി​ക​ളു​ണ്ടെ​ന്ന് ബോ​ധ്യ​മാ​യാ​ൽ അ​വ​ർ​ക്കു​വേ​ണ്ട അ​ടി​സ്ഥാ​ന​സൗ​ക​ര്യം, അ​തി​ന് ഫി​റ്റ്ന​സ് എ​ന്നി​വ​യ​ട​ക്ക​മു​ള്ള ന​ട​പ​ടി​ക​ൾ​ക്കു​ശേ​ഷം മാ​ത്ര​മാ​ണ് നി​ല​വി​ൽ ഒ​ഴി​വു​ക​ളാ​യി റി​പ്പോ​ർ​ട്ട് ചെ​യ്യ​പ്പെ​ടു​ന്ന​​തെ​ന്നും ഡി.​ഡി.​ഇ മ​നോ​ജ് കു​മാ​ർ പ​റ​ഞ്ഞു.