റോഡ് വികസനമില്ല: പയ്യാനക്കൽ മേഖലയിൽ ദുരിതം തുടരുന്നു

കോ​ഴി​ക്കോ​ട്: പ​യ്യാ​ന​ക്ക​ൽ മേ​ഖ​ല​യി​ൽ റോ​ഡു​ക​ൾ വി​ക​സി​ക്കാ​ത്ത​ത് കാ​ര​ണം യാ​ത്രാ​ദു​രി​തം രൂ​ക്ഷം. പ​ന്നി​യ​ങ്ക​ര മേ​ൽ​പ്പാ​ല​വും ക​ല്ലാ​യി​പ്പു​ഴ​ക്ക് കു​റു​കെ കോ​തി പാ​ല​വും വ​ന്ന് വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഇ​ത് വ​ഴി​യു​ള്ള റോ​ഡു​ക​ളൊ​ന്നും വി​ക​സി​ക്കാ​ത്ത​താ​ണ് മു​ഖ്യ​പ്ര​ശ്നം.

ഇ​ടു​ങ്ങി​യ റോ​ഡി​ൽ അ​പ​ക​ട​ങ്ങ​ൾ നി​ത്യ​സം​ഭ​വ​മാ​യി. ബേ​പ്പൂ​രി​ൽ പാ​ലം വ​ന്ന് തീ​ര​ദേ​ശ​പാ​ത​യു​ടെ ഭാ​ഗ​മാ​കു​മെ​ന്ന് പ്ര​തീ​ക്ഷി​ക്കു​ന്ന ഈ ​ഭാ​ഗ​ത്ത് വി​ക​സ​നം മു​ര​ടി​ച്ച് നി​ൽ​ക്കു​ക​യാ​ണ്. ഓ​ൾ​ഡ് ബേ​പ്പൂ​ർ റോ​ഡി​ൽ ന​ട​ന്നുപോ​കാ​ൻ ആ​വാ​ത്ത​ത്രെ ഭീ​ഷ​ണി​യാ​ണെ​ന്ന് പ​രി​സ​ര​വാ​സി​ക​ൾ പ​റ​യു​ന്നു.

റോ​ഡി​ന്റെ വീ​തിയില്ലാ​യ്മ​യാ​ണ് അ​പ​ക​ട​ങ്ങ​ൾ​ക്ക് കാ​ര​ണം. സ്കൂ​ൾ ബ​സു​ക​ള​ട​ക്കം കു​രു​ക്കി​ല​ക​പ്പെ​ടു​ന്നു. ര​ണ്ട് വ​ലി​യ വാ​ഹ​ന​ങ്ങ​ൾ എ​തി​ർ ദി​ശ​യി​ൽ വ​ന്നാ​ൽ മ​റ്റു വാ​ഹ​ന​ങ്ങ​ൾ​ക്ക് മാ​ത്ര​മ​ല്ല, കാ​ൽന​ടപോ​ലും ബു​ദ്ധി​മു​ട്ടാ​വു​ന്നു. സ്കൂ​ൾ സ​മ​യ​ങ്ങ​ളി​ൽ വ​ലി​യ തോ​തി​ൽ ഗ​താ​ഗ​ത​ക്കു​രു​ക്കാ​ണ്.

വ​ർ​ഷ​ങ്ങ​ൾ​ക്ക് മു​മ്പ് റോ​ഡ് 18 മീ​റ്റ​ർ വീ​തി കൂ​ട്ടു​ന്ന​തി​ന് പ​ദ്ധ​തി​യു​ണ്ടാ​യി​രു​ന്നു. ആ​ക്ഷ​ൻ ക​മ്മി​റ്റി​യു​ടെ​ യോ​ഗ​ങ്ങ​ൾ ന​ട​ക്കാ​റു​ണ്ടെ​ങ്കി​ലും പ​രി​ഹാ​ര മാ​ർ​ഗമാ​വു​ന്നി​ല്ല. റോ​ഡി​ന് സ്ഥ​ലമേറ്റെ​ടു​ത്തെ​ങ്കി​ൽ മാ​ത്ര​മേ പ​രി​ഹാ​രം കാ​ണാ​നാ​വൂ. കോ​ഴി​ക്കോ​ട് സൗ​ത്ത്, തൊ​ട്ടു​ട​ത്ത ബേ​പ്പൂ​ർ എ​ന്നി​വ​ടി​ങ്ങ​ളി​ലെ എം.​എ​ൽ.​എ​മാ​ർ മ​ന്ത്രി​മാ​രും പ്ര​ദേ​ശ​ത്തെ വാ​ർ​ഡ് കൗ​ൺ​സി​ല​ർ ഡെ​പ്യൂ​ട്ടി മേ​യ​റു​മാ​യ​പ്പോ​ൾ യാ​ത്രാ​ദു​രി​ത​ത്തി​ന് പ​രി​ഹാ​ര​മു​ണ്ടാ​വു​മെ​ന്ന പ്ര​തീ​ക്ഷ​യു​യ​ർ​ന്നെങ്കിലും കാ​ര്യ​ങ്ങ​ൾ മു​ന്നോ​ട്ടുപോ​യി​ട്ടി​ല്ല.

നി​വ​ധി ത​വ​ണ പ്ര​ദേ​ശ​ത്തെ റെസി​ഡ​ൻ​സ് അ​സോ​സി​യേ​ഷ​നു​ക​ളും വി​വി​ധ സം​ഘ​ട​ന​ക​ളും മ​ന്ത്രി​യ​ട​ക്കം അ​ധി​കൃ​ത​ർ​ക്ക് നി​വേ​ദ​ന​വും മ​റ്റും ന​ൽ​കി​യെ​ങ്കി​ലും വാ​ഗ്ദാ​ന​ങ്ങ​ൾ മാ​ത്ര​മാ​ണ് കി​ട്ടു​ന്ന​ത്. ബീ​ച്ചി​ലേ​ക്കും മീ​ഞ്ച​ന്ത ഭാ​ഗ​ത്തേ​ക്കു​മു​ള്ള വാ​ഹ​ന​ങ്ങ​ൾ കൂ​ടു​ത​ലും ഈ ​വ​ഴി ആ​ശ്ര​യി​ക്കാ​ൻ തു​ട​ങ്ങി​യ​തോ​ടെ തി​ര​ക്കൊ​ഴി​ഞ്ഞ നേ​ര​മി​ല്ല.

കോ​തി പാ​ലം ക​ഴി​ഞ്ഞ് പ​യ്യാ​ന​ക്ക​ൽ റോ​ഡി​ലേ​ക്ക് ബ​ന്ധി​പ്പി​ക്കു​ന്ന 200 മീ​റ്റ​റോ​ളം റോ​ഡ് വി​തി​കു​റ​ഞ്ഞാ​ണു​ള്ള​ത്. ര​ണ്ട് വ​ശ​ത്തുനി​ന്നും വാ​ഹ​നങ്ങ​ൾ വ​ന്നാ​ൽ ക​ട​ന്നുപോ​കാ​ൻ പ്ര​യാ​സമാണ്. ബേ​പ്പൂ​രി​ലേ​ക്കു​ള്ള പ​ഴ​​യ റോ​ഡി​ൽ വ​ലി​യ ലോ​റി, ടൂ​റി​സ്റ്റ് ബ​സ്​ തു​ട​ങ്ങി ബേ​പ്പൂ​ർ, ഫ​റോ​ക്ക് ഭാ​ഗ​ങ്ങ​ളി​ലേ​ക്ക് ക​ട​പ്പു​റം വ​ഴി പോ​കു​ന്ന വാ​ഹ​ന​ങ്ങ​ൾ നി​ര​വ​ധി​യാ​ണ്.

ബേ​പ്പൂ​ർ, ഫ​റോ​ക്ക്​ ഭാ​ഗ​ങ്ങ​ളി​ൽ നി​ന്ന് വ​രു​ന്ന വ​ലി​യ വാ​ഹ​ന​ങ്ങ​ൾ പ​യ്യാ​ന​ക്ക​ൽ റോ​ഡ് മാ​ർ​ഗമാ​ണ് ടൗ​ണി​ലേ​ക്ക് ക​ട​ക്കു​ന്ന​തി​പ്പോ​ൾ. 1800ഓ​ളം വി​ദ്യാ​ർ​ഥി​ക​ൾ പ​ഠി​ക്കു​ന്ന ഹയ​ർ​ സെ​ക്ക​ൻഡ​റി സ്കൂ​ൾ, നി​ര​വ​ധി മ​ദ്ര​സ​ക​ൾ തു​ട​ങ്ങി​യ​വ​യു​ണ്ട്. റോ​ഡ്​ 18 മീ​റ്റ​ർ ആ​ക്കി വി​ക​സി​പ്പി​ക്കാ​ൻ മു​മ്പ് മൂ​ന്ന​രക്കോ​ടി രൂ​പ പ്ര​ഖ്യാ​പി​ച്ചി​രു​ന്നു. കോ​ർ​പ​റേ​ഷ​ൻ 54, 55, 56 വാ​ർ​ഡു​ക​ൾ​പ്പെ​ടു​ന്ന ഭാ​ഗ​ത്താ​ണ്​ സ്ഥല​മെ​ടു​പ്പ്​ വേ​ണ്ട​ത്.