അരുതേ​... നമ്മുടെ മക്കളല്ലേ​...

നൂ​റോ​ളം ബ​ലാ​ത്സം​ഗ​ങ്ങ​ൾ, ലൈം​ഗി​കാ​തി​ക്ര​മം ഉ​ൾ​പ്പെ​ടെ ഇ​രു​നൂ​റോ​ളം മ​റ്റു കു​റ്റ​കൃ​ത്യ​ങ്ങ​ൾ. ജി​ല്ല​യി​ൽ മാ​ത്രം ക​ഴി​ഞ്ഞ​വ​ർ​ഷം കു​ട്ടി​ക​ൾ നേ​രി​ടേ​ണ്ടി​വ​ന്ന അ​തി​ക്ര​മ​ങ്ങ​ളു​ടെ ക​ണ​ക്കാ​ണി​ത്​. കു​ട്ടി​ക​ളെ ല​ഹ​രി​ക്ക്​ അ​ടി​മ​ക​ളാ​ക്ക​ലും ല​ഹ​രി​ക്ക​ട​ത്തി​ന്​ ഉ​പ​യോ​ഗി​ക്ക​ലും... ഈ ​പ​ട്ടി​ക നീ​ളു​ക​യാ​ണ്. പു​റ​ത്തു​വ​രാ​ത്ത​വ​കൂ​ടി പ​രി​ഗ​ണി​ച്ചാ​ൽ ക​ണ​ക്ക്​ വീ​ണ്ടും ഉ​യ​രും. അ​ടു​ത്തി​ടെ​യൊ​ന്നും ശൈ​ശ​വ​വി​വാ​ഹം റി​പ്പോ​ർ​ട്ട്​ ചെ​യ്തി​ല്ല എ​ന്ന​തു​മാ​ത്ര​മാ​ണ്​ ആ​ശ്വാ​സം.

കോ​വി​ഡ്​ കാ​ല​ത്തും​ കു​ട്ടി​ക​ൾ​ക്കെ​തി​രാ​യ അ​തി​ക്ര​മം കൂ​ടു​ക​യാ​ണ്. 10 വ​ർ​ഷ​ത്തി​നി​ടെ ന​ഗ​ര​ത്തി​ൽ കൂ​ടു​ത​ൽ കേ​സ്​ റി​പ്പോ​ർ​ട്ട്​ ​ചെ​യ്ത​ത്​ 2019ലാ​ണ്​. 199 കു​റ്റ​കൃ​ത്യ​ങ്ങ​ൾ. ര​ണ്ടാ​മ​ത്​ ക​ഴി​ഞ്ഞ​വ​ർ​ഷ​മാ​ണ്. 41 ബ​ലാ​ത്സം​ഗ​ക്കേ​സു​ക​ള​ട​ക്കം 162 അ​തി​ക്ര​മ​ങ്ങ​ൾ. ജി​ല്ല മൊ​ത്ത​മാ​യി നോ​ക്കു​മ്പോ​ൾ മു​ൻ​വ​ർ​ഷം കേ​സു​ക​ൾ മു​ന്നൂ​റി​ന​ടു​ത്താ​ണ്. സം​ര​ക്ഷി​ക്കാ​ൻ ബാ​ധ്യ​ത​പ്പെ​ട്ട പി​താ​വ്, മാ​താ​വ്, അ​ധ്യാ​പ​ക​ൻ, അ​മ്മാ​വ​ൻ, അ​യ​ൽ​ക്കാ​ര​ൻ, പൊ​ലീ​സു​കാ​ര​ൻ, സു​ഹൃ​ത്ത്​ എ​ന്നി​വ​ര​ട​ക്ക​മാ​ണ്​ അ​റ​സ്​​റ്റി​ലാ​യ​ത്. വി​ദ്യാ​ർ​ഥി​നി​ക​ളെ പീ​ഡി​പ്പി​ച്ച കാ​യി​ക അ​ധ്യാ​പ​ക​നെ​തി​രെ​ കോ​ട​ഞ്ചേ​രി, താ​മ​ര​ശ്ശേ​രി, തേ​ഞ്ഞി​പ്പ​ലം പൊ​ലീ​സ്​ സ്​​റ്റേ​ഷ​നു​ക​ളി​ലാ​യി​രു​ന്നു കേ​സ്. പൊ​ലീ​സു​കാ​ര​ൻ പോ​ക്​​സോ കേ​സി​ൽ അ​റ​സ്റ്റി​ലാ​യ​ത്​ ഫ​റോ​ക്കി​ലാ​ണ്.

ചൂ​ഷ​ണം മ​യ​ക്ക് മ​രു​ന്നി​ന് അ​ടി​മ​യാ​ക്കി

മ​യ​ക്കു​മ​രു​ന്നി​ന​ട​ക്കം അ​ടി​മ​ക​ളാ​ക്കി​യാ​ണ്​ പ​ല​പ്പോ​ഴും ലൈം​ഗി​ക​ചൂ​ഷ​ണം ന​ട​ക്കു​ന്ന​ത്. റൂ​റ​ൽ പൊ​ലീ​സ്​ പ​രി​ധി​യി​ലെ ദ​ലി​ത്​ പെ​ൺ​കു​ട്ടി കൂ​ട്ട​ബ​ലാ​ത്സം​ഗ​ത്തി​നി​ര​യാ​യ​തി​ങ്ങ​നെ​യാ​ണ്. 16കാ​രി​യാ​യ സ്കൂ​ൾ വി​ദ്യാ​ർ​ഥി​നി പാ​ല​ത്തി​ൽ​നി​ന്ന്​ പു​ഴ​യി​ൽ ചാ​ടി ആ​ത്മ​ഹ​ത്യ ചെ​യ്യാ​ൻ ശ്ര​മി​ക്ക​വെ ബൈ​ക്ക്​ യാ​ത്രി​ക​രു​ടെ ശ്ര​ദ്ധ​യി​ൽ​പെ​ടു​ക​യും ഇ​വ​ർ കു​ട്ടി​യെ പി​ങ്ക്​ പൊ​ലീ​സി​ന്​ കൈ​മാ​റു​ക​യും ചെ​യ്തു. സ്​​റ്റേ​ഷ​നി​ലെ​ത്തി​ച്ച കു​ട്ടി​​യോ​ട്​ ര​ക്ഷി​താ​ക്ക​ളു​ടെ സാ​ന്നി​ധ്യ​ത്തി​ൽ വി​വ​ര​ങ്ങ​ൾ അ​ന്വേ​ഷി​ച്ചെ​ങ്കി​ലും പ​ര​സ്പ​ര​വി​രു​ദ്ധ കാ​ര്യ​ങ്ങ​ൾ പ​റ​ഞ്ഞ്​ മ​ന​സ്സ്​ താ​ളം​തെ​റ്റി​യ​പോ​ലെ പെ​രു​മാ​റു​ക​യാ​യി​രു​ന്നു.

കൗ​ൺ​സ​ലി​ങ്ങി​ന്​ വി​ധേ​യ​മാ​ക്കി​യ​തോ​ടെ​യാ​ണ്​ കൂ​ട്ട ബ​ലാ​ത്സം​ഗ​ത്തി​ന്‍റെ​യ​ട​ക്കം ഞെ​ട്ടി​ക്കു​ന്ന വി​വ​ര​ങ്ങ​ൾ​ തു​റ​ന്നു​പ​റ​ഞ്ഞ​ത്. ഒ​രു മാ​സം​മു​മ്പ്​ അ​മ്മ​യു​ടെ വീ​ട്ടി​ൽ താ​മ​സി​ക്ക​വെ ബൈ​ക്കു​മാ​യി വ​ന്ന കാ​മു​ക​നൊ​പ്പം ആ​ളെ​ത്താ​ത്ത ടൂ​റി​സം കേ​ന്ദ്ര​ത്തി​ലെ​ത്തി. ഇ​വി​ട​ത്തെ കു​റ്റി​ക്കാ​ടി​നു​ള്ളി​ൽ സം​സാ​രി​ച്ചി​രി​ക്ക​വെ കാ​മു​ക​ന്‍റെ മൂ​ന്ന്​ സു​ഹൃ​ത്തു​ക്ക​ളും സ്ഥ​ല​ത്തെ​ത്തി. യു​വാ​ക്ക​ൾ പെ​ൺ​കു​ട്ടി​ക്ക്​ ല​ഹ​രി ചേ​ർ​ത്ത പാ​നീ​യം ന​ൽ​കി മ​യ​ക്കി കൂ​ട്ട ബ​ലാ​ത്സം​ഗ​ത്തി​നി​ര​യാ​ക്കു​ക​യാ​യി​രു​ന്നു. വൈ​കീ​ട്ട്​ ബോ​ധം തി​രി​ച്ചു​കി​ട്ടി​യ​​പ്പോ​ൾ പീ​ഡ​ന​വി​വ​രം പു​റ​ത്തു​പ​റ​ഞ്ഞാ​ൽ കൊ​ല​പ്പെ​ടു​ത്തു​മെ​ന്ന്​ ഭീ​ഷ​ണി​പ്പെ​ടു​ത്തി ബൈ​ക്കി​ൽ​ത​ന്നെ കൊ​ണ്ടു​പോ​യി വീ​ടി​നു​മു​ന്നി​ൽ ഇ​റ​ക്കി​വി​ട്ടു.

ക​ടു​ത്ത മാ​ന​സി​ക സം​ഘ​ർ​ഷ​ത്തി​ലാ​യ കു​ട്ടി ഒ​ടു​ക്കം പു​ഴ​യി​ൽ ചാ​ടി മ​രി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു. കേ​സി​ൽ കാ​മു​ക​ന​ട​ക്കം നാ​ലു​പേ​രും പി​ന്നീ​ട്​ അ​റ​സ്റ്റി​ലാ​യി. ബ​ന്ധു​ക്ക​ളു​ൾ​പ്പെ​ടെ​യു​ള്ള​വ​രു​ടെ പീ​ഡ​ന​ത്തി​നി​ര​യാ​യ ഫ​റോ​ക്ക്​ പൊ​ലീ​സ്​ സ്​​റ്റേ​ഷ​ൻ പ​രി​ധി​യി​ലെ പെ​ൺ​കു​ട്ടി അ​ധി​കൃ​ത​രു​ടെ​യ​ട​ക്കം അ​വ​ഗ​ണ​ന​ക്കും അ​ധി​ക്ഷേ​പ​ത്തി​നു​മൊ​ടു​വി​ൽ ജീ​വ​നൊ​ടു​ക്കി​യ​ത്​ ഡി​സം​ബ​റി​ലാ​ണ്. 2017ലാ​ണ്​ കു​ട്ടി പീ​ഡ​ന​ത്തി​നി​ര​യാ​യ​ത്. പി​ന്നീ​ട്​ വി​വാ​ഹം ശ​രി​യാ​യ​തോ​ടെ പ്ര​തി​ശ്രു​ത വ​ര​നോ​ട്​ പീ​ഡ​ന​വി​വ​രം പ​റ​ഞ്ഞു. പ​രാ​തി ന​ൽ​കി​യ​തോ​ടെ അ​ടു​ത്ത ബ​ന്ധു​ക്ക​ള​ട​ക്കം ആ​റു പേ​ർ​ക്കെ​​തി​രെ ഫ​റോ​ക്ക്​​ ​പൊ​ലീ​സ്​ പോ​ക്​​സോ നി​യ​മം ചു​മ​ത്തി കേ​സെ​ടു​ക്കു​ക​യും നാ​ലു​പേ​ർ അ​റ​സ്റ്റി​ലാ​വു​ക​യും ചെ​യ്തു.

ഇ​തി​നി​ടെ, ഇ​ര​യെ അ​ന്വേ​ഷ​ണ ഉ​ദ്യോ​ഗ​സ്ഥ​ൻ അ​പ​മാ​നി​ച്ചു എ​ന്ന​ട​ക്കം ആ​ക്ഷേ​പ​ങ്ങ​ളു​യ​ർ​ന്നെ​ങ്കി​ലും ന​ട​പ​ടി​ക​ളൊ​ന്നും ഉ​ണ്ടാ​യി​ല്ല. പി​ന്നീ​ട്​ തേ​ഞ്ഞി​പ്പ​ല​ത്തേ​ക്ക്​ താ​മ​സം മാ​റി​യ കു​ട്ടി അ​ടു​ത്തി​ടെ ആ​ത്മ​ഹ​ത്യ​ചെ​യ്​​തു. ഇ​തോ​ടെ​യാ​ണ്​ കു​ട്ടി മു​മ്പ്​ ആ​ത്മ​ഹ​ത്യ​ക്ക്​ ശ്ര​മി​ച്ച​പ്പോ​ൾ എ​ഴു​തി​വെ​ച്ച കു​റി​പ്പ്​ പു​റ​ത്തു​വ​ന്ന​ത്. കേ​സ​ന്വേ​ഷി​ച്ച ഫ​റോ​ക്ക്​ ഇ​ൻ​സ്​​പെ​ക്​​ട​ർ ത​ന്നെ അ​പ​മാ​നി​ച്ചു​വെ​ന്നും സ്​​റ്റേ​ഷ​നി​​ലെ​ത്തി​യ പ്ര​തി​ശ്രു​ത വ​ര​നെ മ​ർ​ദി​ച്ചെ​ന്നു​മാ​ണ്​ ക​ത്തി​ൽ പ​റ​യു​ന്ന​ത്. ഇ​ര​യാ​യ ത​ന്നെ മോ​ശ​ക്കാ​രി​യാ​യി ചി​ത്രീ​ക​രി​ക്കു​ക​യും മോ​ശം പേ​ര്​ വി​ളി​ക്കു​ക​യും ചെ​യ്തു​വെ​ന്നും ക​ത്തി​ലു​ണ്ട്. ഇ​ക്കാ​ര്യ​മ​ട​ക്കം വീ​ണ്ടും അ​ന്വേ​ഷി​ക്കാ​ൻ സി​റ്റി പൊ​ലീ​സ്​ മേ​ധാ​വി എ.​വി. ജോ​ർ​ജ്​ നി​ർ​ദേ​ശി​ച്ചി​രി​ക്ക​യാ​ണി​പ്പോ​ൾ.

പെ​രു​കു​ന്ന സ്ത്രീകൾക്കെതിരായ ​അ​തി​ക്ര​മ​ങ്ങ​ൾ

ജി​ല്ല​യി​ൽ സ്ത്രീ​ക​ൾ​ക്കെ​തി​രാ​യ അ​തി​ക്ര​മ​വും വ​ലി​യ തോ​തി​ൽ വ​ർ​ധി​ച്ചു. ന​ഗ​ര​പ​രി​ധി​യി​ൽ 10 വ​ർ​ഷ​ത്തി​നി​ടെ കൂ​ടു​ത​ൽ കേ​സ്​ ക​ഴി​ഞ്ഞ വ​ർ​ഷ​മാ​ണ്. 899 കേ​സു​ക​ൾ. മു​ൻ​വ​ർ​ഷ​മി​ത്​ 587 ആ​യി​രു​ന്നു. 78 സ്ത്രീ​ക​ളാ​ണ്​ ന​ഗ​ര​പ​രി​ധി​യി​ൽ മാ​ത്രം ബ​ലാ​ത്സം​ഗ​ത്തി​നി​ര​യാ​യ​ത്. മാ​ന​സി​കാ​സ്വാ​സ്ഥ്യ​മു​ള്ള യു​വ​തി​യെ മു​ണ്ടി​ക്ക​ല്‍താ​ഴം-​സി.​ഡ​ബ്ല്യു.​ആ​ർ.​ഡി.​എം റോ​ഡി​ന് സ​മീ​പം നി​ര്‍ത്തി​യി​ട്ട ബ​സി​ലെ​ത്തി​ച്ച്​ കൂ​ട്ട ബ​ലാ​ത്സം​ഗ​ത്തി​നി​ര​യാ​ക്കി​യ​ത്​ ഞെ​ട്ടി​ക്കു​ന്ന​താ​ണ്.

മാ​സ​ങ്ങ​ൾ​ക്കു​മു​മ്പ്​ ചേ​വാ​യൂ​ർ പൊ​ലീ​സ്​ ര​ജി​സ്റ്റ​ർ ​ചെ​യ്ത കേ​സി​ലെ പ്ര​ധാ​ന​പ്ര​തി​യി​പ്പോ​ഴും ഒ​ളി​വി​ലാ​ണ്. രാ​ത്രി വ​ഴ​ക്കി​ട്ട് വീ​ട്ടി​ല്‍നി​ന്നി​റ​ങ്ങി​യ യു​വ​തി​യെ സ്‌​കൂ​ട്ട​റി​ല്‍ ക​യ​റ്റി​ക്കൊ​ണ്ടു​പോ​യാ​ണ്​ സം​ഘം ബ​സി​ൽ ​ പീ​ഡി​പ്പി​ച്ച​ത്. അ​ർ​ധ​രാ​ത്രി വീ​ട്ടി​ല്‍ തി​രി​ച്ചെ​ത്തി​യ യു​വ​തി​യു​ടെ കൈ​യി​ലെ പ​ണം ക​ണ്ട് വീ​ട്ടു​കാ​ര്‍ ചോ​ദി​ച്ച​പ്പോ​ഴാ​ണ് പീ​ഡ​ന​വി​വ​രം പു​റ​ത്ത​റി​ഞ്ഞ​ത്. കെ.​എ​സ്.​ആ​ർ.​ടി.​സി ബ​സി​ൽ​നി​ന്ന്​ യു​വ​തി​ക്കു​നേ​രെ ന​ഗ്​​ന​ത പ്ര​ദ​ർ​ശി​പ്പി​ച്ച​തി​ന്​ ന​ട​ക്കാ​വ്​ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ലെ പ്ര​തി​യും ഇ​പ്പോ​ഴും 'ഒ​ളി​വി​ലാ​ണ്​'. യു​വ​തി​ത​ന്നെ മൊ​ബൈ​ൽ കാ​മ​റ​യി​ൽ യു​വാ​വി​ന്‍റെ ദൃ​ശ്യം പ​ക​ർ​ത്തി ന​ൽ​കി​യി​ട്ടും ആ​ളെ പി​ടി​കൂ​ടാ​നാ​യി​ട്ടി​ല്ല.

വ​യ​റ്റി​ൽ ജി​ന്നെ​ന്ന്​ വി​ശ്വാ​സം; മ​ക​ളെ കൊ​ല​പ്പെ​ടു​ത്തി​യ​ത്​​ മാ​താ​വ്​

കോ​ഴി​​ക്കോ​ട്​: അ​ഞ്ചു​വ​യ​സ്സു​കാ​രി​യാ​യ പെ​ൺ​കു​ട്ടി​യു​ടെ വ​യ​റ്റി​ൽ ജി​ന്നെ​ത്തി​യെ​ന്ന്​ വി​​ശ്വ​സി​ച്ച്​ മാ​താ​വ്​ ശ്വാ​സം​മു​ട്ടി​ച്ച്​​കൊ​ല​പ്പെ​ടു​ത്തി​യ​താ​ണ്​ ക​ഴി​ഞ്ഞ വ​ർ​ഷം ജി​ല്ല​യെ ​​ഞെ​ട്ടി​ച്ച സം​ഭ​വ​ങ്ങ​ളി​ലൊ​ന്ന്. ആ​ഗ​സ്റ്റി​ൽ ചെ​മ്മ​ങ്ങാ​ട്​ പൊ​ലീ​സ്​ പ​രി​ധി​യി​ലാ​ണ്​ നാ​ടി​നെ ന​ടു​ക്കി​യ കൊ​ല​പാ​ത​കം അ​ര​ങ്ങേ​റി​യ​ത്​. ഭ​ക്ഷ​ണം ക​ഴി​ക്ക​വെ പെ​ട്ടെ​ന്ന്​ ബോ​ധ​ര​ഹി​ത​യാ​യി എ​ന്നു​പ​റ​ഞ്ഞാ​ണ്​ കു​ട്ടി​യെ ആ​ശു​പ​ത്രി​യി​ലേ​ക്ക്​ കൊ​ണ്ടു​പോ​യ​ത്​. ഇ​തി​ന​കം കു​ട്ടി മ​രി​ച്ചി​രു​ന്നു. ശ്വാ​സം​മു​ട്ടി​യാ​ണ് മ​ര​ണ​മെ​ന്ന്​ വ്യ​ക്ത​മാ​യ​തോ​ടെ അ​സ്വാ​ഭാ​വി​ക മ​ര​ണ​ത്തി​ന് പൊ​ലീ​സ് കേ​സെ​ടു​ക്കു​ക​യാ​യി​രു​ന്നു.

മ​ര​ണ​സ​മ​യം വീ​ട്ടി​ലു​ണ്ടാ​യി​രു​ന്ന​വ​രെ ചോ​ദ്യം​ചെ​യ്ത​പ്പോ​ൾ മാ​താ​വ്​ പ​ര​സ്പ​ര​വി​രു​ദ്ധ​മാ​യ കാ​ര്യ​ങ്ങ​ൾ പ​റ​ഞ്ഞു. പ​ന്തി​കേ​ട്​ തോ​ന്നി​യ വ​നി​ത ഇ​ൻ​സ്​​പെ​ക്ട​ർ ഇ​വ​രെ ക​സ്റ്റ​ഡി​യി​ലെ​ടു​ത്ത്​ സ്​​റ്റേ​ഷ​നി​ലെ​ത്തി​ച്ചെ​ങ്കി​ലും മാ​താ​വ്​ മാ​ന​സി​ക വി​ഭ്രാ​ന്തി പ്ര​ക​ടി​പ്പി​ക്കാ​ൻ തു​ട​ങ്ങി. തു​ട​ർ​ന്ന്​ പൊ​ലീ​സ്​ ഇ​വ​രെ കു​തി​ര​വ​ട്ടം മാ​ന​സി​കാ​രോ​ഗ്യ​കേ​ന്ദ്ര​ത്തി​ലേ​ക്കു​ മാ​റ്റി. പ്ര​തി​ക്ക്​ മാ​ന​സി​ക പ്ര​ശ്ന​മി​ല്ലെ​ന്ന്​ ഡോ​ക്ട​റു​ടെ റി​പ്പോ​ർ​ട്ട്​ ല​ഭി​ച്ച​തോ​ടെ അ​റ​സ്റ്റ് രേ​ഖ​പ്പെ​ടു​ത്തി വി​ശ​ദ​മാ​യി ചോ​ദ്യം​ചെ​യ്ത​പ്പോ​ഴാ​ണ്​ ​കൊ​ല​പാ​ത​ക​ത്തി​ന്‍റെ ചു​രു​ള​ഴി​ഞ്ഞ​ത്.

കു​ട്ടി​യു​ടെ മാ​താ​വ്​ കു​ടും​ബ​ത്തി​ലെ ചി​ല 'കാ​ര്യ​ങ്ങ​ൾ സാ​ധി​ക്കാ​ൻ' മ​ല​പ്പു​റ​ത്തെ ഒ​രു ത​ങ്ങ​ളെ നി​ര​ന്ത​രം സ​ന്ദ​ർ​ശി​ക്കാ​റു​ണ്ടാ​യി​രു​ന്നു​വ​ത്രെ. ഇ​ദ്ദേ​ഹം ത​ന്ന ഊ​തി​യ​വെ​ള്ള​വും നി​ര​ന്ത​രം ക​ഴി​ച്ചു. ജി​ന്ന്​ കു​ട്ടി​ക​ളു​ടെ​യ​ട​ക്കം വ​യ​റ്റി​ലെ​ത്തി​യ​താ​ണ്​ പ്ര​ശ്ന​ങ്ങ​ളു​ടെ കാ​ര​ണ​മെ​ന്നും ഇ​നി ഇ​തു​ണ്ടാ​കാ​തി​രി​ക്കാ​ൻ ശ്ര​ദ്ധി​ക്ക​ണ​മെ​ന്നും ഉ​പ​ദേ​ശി​ച്ചു. അ​ന്ധ​വി​ശ്വാ​സം ത​ല​ക്കു​പി​ടി​ച്ച സ്ത്രീ, ​മ​ക​ൾ ക​ഴി​ച്ച മാ​ങ്ങ​യി​ൽ ജി​ന്നു​ണ്ടാ​യി​രു​ന്നു​വെ​ന്ന്​ വി​ശ്വ​സി​ച്ച്​​ കു​ട്ടി​യെ ബ​ല​മാ​യി കി​ട​ക്ക​യി​ൽ പി​ടി​ച്ചു​കി​ട​ത്തി ത​ല​യ​ണ​കൊ​ണ്ട്​ മൂ​ക്കും വാ​യും ഏ​റെ​നേ​രം പൊ​ത്തി​പ്പി​ടി​ക്കു​ക​യും കു​ട്ടി ശ്വാ​സം​മു​ട്ടി മ​രി​ക്കു​ക​യു​മാ​യി​രു​ന്നു​വെ​ന്നാ​ണ്​ അ​ന്വേ​ഷ​ണ​ത്തി​ൽ വ്യ​ക്ത​മാ​യ​ത്. ​

(തു​ട​രും)