ഹെമറ്റോളജി കേന്ദ്രമില്ല: വിദഗ്​ധ ചികിത്സ കിട്ടാതെ രക്തജന്യ രോഗികൾ

കോ​ഴി​ക്കോ​ട്: ര​ക്ത​ജ​ന്യ രോ​ഗി​ക​ൾ​ക്ക് വി​ദ​ഗ്​​ധ ചി​കി​ത്സ ല​ഭ്യ​മാ​ക്കാ​ൻ മെ​ഡി​ക്ക​ൽ കോ​ള​ജി​ൽ സൗ​ക​ര്യ​മി​ല്ല. മ​ല​ബാ​റി​ലെ ഭൂ​രി​ഭാ​ഗ​വും ആ​ശ്ര​യി​ക്കു​ന്ന ആ​ശു​പ​ത്രി​യാ​യി​ട്ടും ര​ക്ത​ജ​ന്യ രോ​ഗി​ക​ൾ​ക്കാ​യി കേ​ന്ദ്രീ​കൃ​ത ചി​കി​ത്സാ സൗ​ക​ര്യ​മോ ഹെ​മ​റ്റോ​ള​ജി കേ​ന്ദ്ര​മോ ഇ​ല്ലാ​ത്ത​ത് രോ​ഗി​ക​ൾ​ക്ക് ബു​ദ്ധി​മു​ട്ടാ​വു​ക​യാ​ണ്.

മെ​ഡി​ക്ക​ൽ കോ​ള​ജി​നെ ആ​ശ്ര​യി​ക്കു​ന്ന 2,500ഓ​ളം ര​ക്ത​ജ​ന്യ രോ​ഗി​ക​ളു​ണ്ട്. എ​ന്നാ​ൽ ആ​ശു​പ​ത്രി​യി​ൽ പ്ര​ത്യേ​ക​മാ​യി ഹെ​മ​റ്റോ​ള​ജി വ​കു​പ്പി​ല്ല. ജ​ന​റ​ൽ മെ​ഡി​സി​ൻ വി​ഭാ​ഗ​ത്തി​ന് കീ​ഴി​ലാ​ണ് ഹെ​മ​റ്റോ​ള​ജി-​ഓ​ങ്കോ​ള​ജി വി​ഭാ​ഗം പ്ര​വ​ർ​ത്തി​ക്കു​ന്ന​ത്. ഇ​ത് ര​ക്ത​ജ​ന്യ രോ​ഗി​ക​ളു​ടെ വി​ദ​ഗ്ധ ചി​കി​ത്സ​യെ ദോ​ഷ​ക​ര​മാ​യി ബാ​ധി​ക്കു​ന്നു.

ക​ഴി​ഞ്ഞ ദി​വ​സം വി​ദ​ഗ്​​ധ ചി​കി​ത്സ ല​ഭ്യ​മാ​കാ​ത്ത​തി​നെ തു​ട​ർ​ന്ന് ത​ലാ​സീ​മി​യ രോ​ഗി മ​രി​ച്ചി​രു​ന്നു. ഇ​വ​രു​ടെ ഹൃ​ദ​യ​ത്തി​ലും ക​ര​ളി​ലും ക്ര​മാ​തീ​ത​മാ​യി അ​ടി​ഞ്ഞു​കൂ​ടി​യ ഇ​രു​മ്പ് അം​ശം ക​ണ്ടെ​ത്താ​നോ അ​ത് കു​റ​ക്കു​ന്ന​തി​ന് വേ​ണ്ട ചി​കി​ത്സ സ​മ​യ​ബ​ന്ധി​ത​മാ​യി ന​ൽ​കാ​നോ മെ​ഡി​ക്ക​ൽ കോ​ള​ജ് അ​ധി​കൃ​ത​ർ​ക്ക് സാ​ധി​ച്ചി​ല്ലെ​ന്ന് ബ്ല​ഡ് പേ​ഷ്യ​ൻ​റ്​ പ്രൊ​ട്ട​ക്​​ഷ​ൻ കൗ​ൺ​സി​ൽ ആ​രോ​പി​ക്കു​ന്നു.

നി​ര​ന്ത​രം ര​ക്തം ക​യ​റ്റേ​ണ്ടി വ​രു​ന്ന ത​ലാ​സീ​മി​യ രോ​ഗി​ക​ളി​ൽ ഇ​രു​മ്പ് അ​ടി​ഞ്ഞു​കൂ​ടി ഗു​രു​ത​രാ​വ​സ്ഥ​യി​ലെ​ത്താ​നു​ള്ള സാ​ധ്യ​ത കൂ​ടു​ത​ലാ​ണ്. ഈ ​സാ​ഹ​ച​ര്യ​ത്തി​ൽ ടി 2 ​സ്​​റ്റാ​ർ എ​ന്ന എം.​ആ​ർ.​ഐ സ്കാ​നി​ങ് വ​ഴി ഇ​രു​മ്പ് അം​ശം എ​ത്ര മാ​ത്രം ശ​രീ​ര​ത്തി​ൽ നി​ക്ഷേ​പി​ക്ക​പ്പെ​ട്ടി​ട്ടു​ണ്ടെ​ന്ന് മ​ന​സ്സി​ലാ​ക്കാം. ഇ​രു​മ്പം​ശം കൂ​ടു​ത​ലാ​ണെ​ങ്കി​ൽ ഡെ​സ് ഫെ​റ​ൽ എ​ന്ന ഇ​ൻ​ജ​ക്​​ഷ​ൻ നി​ര​ന്ത​രം ന​ൽ​കി​യാ​ണ് കു​റ​ക്കു​ന്ന​ത്. ഒ​രു വ​യ​ലി​ന് 150 രൂ​പ വി​ല​യു​ള്ള ഇ​ൻ​ജ​ക്​​ഷ​ൻ ദി​വ​സം ര​ണ്ട് വ​യ​ൽ ന​ൽ​കേ​ണ്ട​തു​ണ്ട്.

18 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ​ക്ക് മാ​ത്ര​മേ ഇ​ത്ത​രം വി​ദ​ഗ്​​ധ ചി​കി​ത്സ​ക​ളെ​ല്ലാം ല​ഭി​ക്കു​ന്നു​ള്ളൂ​വെ​ന്ന് ബ്ല​ഡ് പേ​ഷ്യ​ൻ​റ്​ പ്രൊ​ട്ട​ക്​​ഷ​ൻ കൗ​ൺ​സി​ൽ സം​സ്ഥാ​ന ജ​ന​റ​ൽ സെ​ക്ര​ട്ട​റി ക​രീം കാ​ര​ശ്ശേ​രി പ​റ​ഞ്ഞു.

എം.​ആ​ർ.​ഐ സ്കാ​നി​ങ് മെ​ഡി​ക്ക​ൽ കോ​ള​ജി​ൽ ഉ​ണ്ടെ​ങ്കി​ലും ടി 2 ​സ്​​റ്റാ​ർ എം.​ആ​ർ.​ഐ ഇ​ല്ല. 8,000 - 10,000 രൂ​പ​യാ​ണ് സ്വ​കാ​ര്യ സ്ഥാ​പ​ന​ങ്ങ​ൾ ഈ ​സ്കാ​നി​ങ്ങി​ന് ഈ​ടാ​ക്കു​ന്ന​ത്. ര​ക്തം ക​യ​റ്റു​ന്ന രോ​ഗി​ക​ൾ​ക്ക് ഇ​രു​മ്പം​ശം ഇ​ല്ലാ​താ​ക്കാ​ൻ ഗു​ളി​ക ക​ഴി​ക്കേ​ണ്ട​തു​ണ്ട്. 30 ഗു​ളി​ക​ക്ക്

1200 രൂ​പ വി​ല വ​രും. ഇ​ത് മാ​സം 90 മു​ത​ൽ 120 എ​ണ്ണം വ​രെ ഓ​രോ​രു​ത്ത​രി​ലെ ആ​രോ​ഗ്യ​സ്ഥി​തി അ​നു​സ​രി​ച്ച് ക​ഴി​ക്കേ​ണ്ടി വ​രു​ന്നു. 18 വ​യ​സ്സ്​ വ​രെ​യു​ള്ള​വ​ർ​ക്ക് മ​രു​ന്ന് സൗ​ജ​ന്യ​മാ​ണ്. അ​തി​നു ശേ​ഷ​മു​ള്ള രോ​ഗി​ക​ളെ മ​ര​ണ​ത്തി​ന് വി​ട്ടു​കൊ​ടു​ക്കു​ക​യാ​ണെ​ന്നും ക​രീം കാ​ര​ശ്ശേ​രി പ​റ​ഞ്ഞു.കി​ട​ത്തി ചി​കി​ത്സ​ക്കാ​യി ഒ​രു ഹെ​മ​റ്റോ​ള​ജി വാ​ർ​ഡ് ഒ​രു​ക്കി​യി​രു​ന്നെ​ങ്കി​ലും നി​ല​വി​ൽ അ​വി​ടെ കോ​വി​ഡ് രോ​ഗി​ക​ളു​ടെ ചി​കി​ത്സ​യാ​ണ് ന​ട​ക്കു​ന്ന​ത്. ര​ക്ത​ജ​ന്യ രോ​ഗി​ക​ൾ​ക്കു​ള്ള ചി​കി​ത്സാ സൗ​ക​ര്യം ഫി​സി​ക്ക​ൽ മെ​ഡി​സി​ൻ വി​ഭാ​ഗ​ത്തി​ലേ​ക്കാ​ണ് മാ​റ്റി​യ​ത്.

ര​ണ്ട് കി​ട​ക്ക​ക​ൾ മാ​ത്ര​മാ​ണ് ഇ​വി​ടെ​യു​ള്ള​ത്. മെ​ഡി​ക്ക​ൽ കോ​ള​ജി​ൽ ഹെ​മ​റ്റോ​ള​ജി​ക്കാ​യി പ്ര​ത്യേ​ക വ​കു​പ്പും കേ​ന്ദ്രീ​കൃ​ത ചി​കി​ത്സാ സൗ​ക​ര്യ​വും ഒ​രു​ക്കു​ക​യാ​ണെ​ങ്കി​ൽ ആ​യു​സ്സ്​ നീ​ട്ടി​ക്കി​ട്ടു​മെ​ന്ന പ്ര​തീ​ക്ഷ​യാ​ണ് രോ​ഗി​ക​ൾ പ​ങ്കു​വെ​ക്കു​ന്ന​ത്.