മാലിന്യമില്ല, എങ്ങും സ്നേഹപ്പൂന്തോട്ടം മാത്രം

കോ​ഴി​ക്കോ​ട്: കാ​ല​ങ്ങ​ളാ​യി മാ​ലി​ന്യ​ക്കൂ​മ്പാ​ര​മാ​യി​ക്കി​ട​ന്നി​രു​ന്ന ഇ​ട​ങ്ങ​ൾ, മൂ​ക്കു​പൊ​ത്തി മാ​ത്രം നാം ​ന​ട​ന്നി​രു​ന്ന വ​ഴി​ക​ൾ... ഇ​വി​ട​ങ്ങ​ളി​ൽ പു​ഞ്ചി​രി​ച്ചു​നി​ൽ​ക്കു​ന്ന പൂ​ക്ക​ൾ കാ​ണു​മ്പോ​ഴു​ള്ള സ​ന്തോ​ഷം പ​റ​ഞ്ഞ​റി​യി​ക്കാ​നാ​വാ​ത്ത​താ​ണ്. അ​ത്ത​രം പ​ദ്ധ​തി​ക്ക് ജി​ല്ല​യി​ൽ തു​ട​ക്ക​മാ​യി.

ജി​ല്ല​യി​ലെ എ​ൻ.​എ​സ്.​എ​സ് യൂ​നി​റ്റു​ക​ളും ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും ജി​ല്ല ശു​ചി​ത്വ മി​ഷ​നോ​ടൊ​പ്പം ചേ​ർ​ന്നാ​ണ് പ​ദ്ധ​തി യാ​ഥാ​ർ​ഥ്യ​മാ​ക്കു​ന്ന​ത്. ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ ക​ണ്ടെ​ത്തി ന​ൽ​കു​ന്ന മാ​ലി​ന്യ​നി​ക്ഷേ​പ കേ​ന്ദ്ര​ങ്ങ​ൾ എ​ൻ.​എ​സ്.​എ​സ് യൂ​നി​റ്റു​ക​ൾ വൃ​ത്തി​യാ​ക്കി സ്നേ​ഹാ​രാ​മ​ങ്ങ​ളാ​ക്കി മാ​റ്റു​ക​യാ​ണ് ചെ​യ്യു​ക. സ്ഥ​ല​ങ്ങ​ൾ ക​ണ്ടെ​ത്തി​ന​ൽ​കു​ന്ന​ത് ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളാ​ണ്.

മാ​ലി​ന്യം വ​ലി​ച്ചെ​റി​യു​ന്ന സം​സ്കാ​രം നി​രു​ത്സാ​ഹ​പ്പെ​ടു​ത്തു​ക, മാ​ലി​ന്യ ഉ​ൽ​പാ​ദ​നം കു​റ​ക്കു​ക എ​ന്നി​വ​യാ​ണ് ല​ക്ഷ്യ​മി​ടു​ന്ന​ത്. വൃ​ത്തി​യാ​ക്കി​യ ഇ​ട​ങ്ങ​ളി​ൽ വീ​ണ്ടും മാ​ലി​ന്യം നി​ക്ഷേ​പി​ക്കാ​തി​രി​ക്കാ​നാ​യി പൂ​ച്ചെ​ടി​ക​ൾ ന​ടു​ക​യും ചു​മ​ർ​ചി​ത്ര​ങ്ങ​ളും ഇ​രി​പ്പി​ട​ങ്ങ​ളും ബോ​ർ​ഡു​ക​ളും സ്ഥാ​പി​ക്കു​ക​യും ചെ​യ്ത് കൂ​ടു​ത​ൽ ആ​ക​ർ​ഷ​ക​മാ​ക്കു​ക​യും ചെ​യ്യും.

സം​സ്ഥാ​ന ത​ല​ത്തി​ൽ 3000 സ്നേ​ഹാ​രാ​മ​ങ്ങ​ൾ നി​ർ​മി​ക്കാ​നാ​ണ് ല​ക്ഷ്യ​മി​ടു​ന്ന​ത്. ജി​ല്ല​യി​ൽ ഗ്രാ​മ​പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലു​മാ​യി നൂ​റി​ല​ധി​കം സ്നേ​ഹാ​രാ​മ​ങ്ങ​ൾ നി​ർ​മി​ക്കു​മെ​ന്ന് ജി​ല്ല ശു​ചി​ത്വ മി​ഷ​ൻ കോ​ഓ​ഡി​നേ​റ്റ​ർ ഗൗ​ത​മ​ൻ പ​റ​ഞ്ഞു. ഏ​റാ​മ​ല, ആ​യ​ഞ്ചേ​രി, വി​ല്യാ​പ്പ​ള്ളി, മ​ണി​യൂ​ർ, തി​രു​വ​ള്ളൂ​ർ, നൊ​ച്ചാ​ട്, കാ​യ​ണ്ണ, ച​ക്കി​ട്ട​പ്പാ​റ, അ​രി​ക്കു​ളം, ന​രി​ക്കു​നി, പെ​രു​മ​ണ്ണ, ന​ടു​വ​ണ്ണൂ​ർ, കൊ​യി​ലാ​ണ്ടി മു​നി​സി​പ്പാ​ലി​റ്റി എ​ന്നി​വി​ട​ങ്ങ​ളി​ൽ പ​ദ്ധ​തി ആ​രം​ഭി​ച്ചു.

ഒ​രു എ​ൻ.​എ​സ്.​എ​സ് യൂ​നി​റ്റി​ന് അ​യ്യാ​യി​രം രൂ​പ എ​ന്ന രീ​തി​യി​ൽ പ​ദ്ധ​തി​ക്കാ​യി ജി​ല്ല ശു​ചി​ത്വ​മി​ഷ​ന്റെ ധ​ന​സ​ഹാ​യം ല​ഭ്യ​മാ​ണ്. അ​ധി​ക ഫ​ണ്ടു​ക​ൾ ആ​വ​ശ്യ​മു​ണ്ടെ​ങ്കി​ൽ സ്പോ​ൺ​സ​ർ​മാ​ർ വ​ഴി ക​ണ്ടെ​ത്താ​വു​ന്ന​താ​ണ്. വൃ​ത്തി​യാ​ക്കാ​നാ​യി എ​ൻ.​എ​സ്.​എ​സ് വ​ള​ന്റി​യ​ർ​മാ​ർ​ക്കൊ​പ്പം ത​ദ്ദേ​ശ​സ്വ​യം ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ഹ​രി​ത​ക​ർ​മ​സേ​ന​യും തൊ​ഴി​ലു​റ​പ്പ് തൊ​ഴി​ലാ​ളി​ക​ളും പ​ങ്കാ​ളി​ക​ളാ​വും. മാ​ലി​ന്യ​മു​ക്തം ന​വ​കേ​ര​ളം കാ​മ്പ​യി​ന്‍റെ ഭാ​ഗ​മാ​യാ​ണ് പ​ദ്ധ​തി. കേ​ര​ള​പ്പി​റ​വി ദി​ന​മാ​യ ന​വം​ബ​ർ ഒ​ന്നി​ന് ആ​രം​ഭി​ച്ച പ​ദ്ധ​തി ഡി​സം​ബ​ർ 31ഓ​ടെ പൂ​ർ​ത്തി​യാ​ക്കും.