താഴെയിറങ്ങാതെ പച്ചക്കറി വില

കോ​ഴി​ക്കോ​ട്​: പ​ച്ച​ക്ക​റി​ക്ക്​ കോ​ഴി​ക്കോ​ട്ടും വി​ല​ കു​തി​ച്ചു​യ​ർ​ന്നു. ക​ഴി​ഞ്ഞ മാ​സം അ​വ​സാ​ന വാ​ര​ത്തേ​ക്കാ​ൾ വി​ല​ക്ക​യ​റ്റ​മാ​ണ്​ മി​ക്ക ഇ​ന​ങ്ങ​ൾ​ക്കും. ആ​വ​ശ്യ​മു​ള്ള​തി​‍െൻറ പാ​തി​പോ​ലും സാ​ധ​ന​ങ്ങ​ൾ ന​ഗ​ര​ത്തി​ലെ​ത്തു​ന്നി​ല്ലെ​ന്ന്​ വ്യാ​പാ​രി​ക​ൾ പ​റ​യു​ന്നു. ജ​നു​വ​രി വ​രെ​​യെ​ങ്കി​ലും വി​ല​ക്ക​യ​റ്റ​മു​ണ്ടാ​വു​മെ​ന്നാ​ണ്​ ആ​ശ​ങ്ക. തീ​വി​ല താ​ങ്ങാ​നാ​വാ​തെ ആ​വ​ശ്യ​ക്കാ​ർ പ​ച്ച​ക്ക​റി വാ​ങ്ങു​ന്ന​ത്​ കു​റ​ഞ്ഞു. ഹോ​ട്ട​ലു​കാ​രും പ്ര​തി​സ​ന്ധി​യി​ലാ​യി.

ത​മി​ഴ്​​നാ​ട്ടി​ൽ മ​ഴ​പെ​യ്​​ത്​ കൃ​ഷി​നാ​ശ​മു​ണ്ടാ​യ​താ​ണ്​ മു​ഖ്യ​കാ​ര​ണ​മാ​യി പ​റ​യു​ന്ന​ത്. അ​തോ​ടൊ​പ്പം മ​ണ്ഡ​ല​വ്ര​ത​കാ​ല​ത്ത്​ പ​തി​വാ​യു​ള്ള ക​യ​റ്റ​വും വി​ല ഉ​യ​ർ​ത്തി. പാ​ള​യം മാ​ർ​ക്ക​റ്റി​ൽ വി​ല​ക്ക​യ​റ്റം കാ​ര​ണം ക​ച്ച​വ​ടം ത​ണു​ത്ത മ​ട്ടാ​ണ്. ത​മി​ഴ്​​നാ​ട്ടി​ൽ​നി​ന്നു​ള്ള ഇ​ന​ങ്ങ​ൾ​ക്കാ​ണ്​ ഏ​റ്റ​വു​മ​ധി​കം വി​ല ക​യ​റി​യ​ത്. ത​ക്കാ​ളി​ കി​ലോ​ക്ക്​ 80 രൂ​പ​യാ​യി ഉ​യ​ർ​ന്നു. 75 രൂ​പ​യാ​യി​രു​ന്നു ന​വം​ബ​റി​ലെ വി​ല. മു​രി​ങ്ങ​ക്കാ​യ 120 രൂ​പ​യു​ള്ള​ത്​ ഉ​യ​ർ​ന്ന്​ 300 രൂ​പ​യി​ലെ​ത്തി. പ​ച്ച​മു​ള​ക്​ 40 രൂ​പ​യു​ള്ള​ത്​ 80 രൂ​പ​യാ​യി.

വി​വി​ധ​യി​ന​ങ്ങ​ൾ​ക്ക്​ ഞാ​യ​റാ​ഴ്​​ച​ത്തെ ചി​ല്ല​റ വി​ല: പ​യ​ർ​ 75 രൂ​പ, വെ​ണ്ട​ക്ക​ 80 രൂ​പ, ബീ​ൻ​സ്​​ 75, കാ​പ്​​സി​ക്കം 100, ബീ​റ്റ്​​റൂ​ട്ട്​ 80, കാ​ര​റ്റ്​ 75 എ​ന്നി​ങ്ങ​നെ​യാ​ണ്.

15 രൂ​പ​ക്ക്​ വ​രെ കി​ട്ടി​യി​രു​ന്ന വെ​ള്ള​രി​ക്ക്​ 55 രൂ​പ​യാ​യി ഉ​യ​ർ​ന്നു. എ​ള​വ​നും 35 രൂ​പ​വ​രെ​യാ​യി. വി​ല​ക്ക​യ​റ്റം ബാ​ധി​ക്കാ​തി​രു​ന്ന വ​ലി​യു​ള്ളി​ക്ക്​ 28 രൂ​പ​യി​ൽ​നി​ന്ന്​ 42 രൂ​പ​യാ​യി. ഉ​രു​ള​ക്കി​ഴ​ങ്ങി​ന്​ 30 രൂ​പ​യും കാ​ബേ​ജി​ന്​ 50ഉം ​ആ​ണ്​ ഞാ​യ​റാ​ഴ്​​ച​ത്തെ വി​ല. പ​ച്ച​ക്കാ​യ​ക്ക്​ 45 രൂ​പ​യാ​യി തു​ട​രു​ന്നു.