ഡി.എം.ഒ വിളിച്ച യോഗത്തിൽ തീരുമാനമായില്ല; ജനറൽ ആശുപത്രിയിൽ കാത്ത് ലാബ് തുറക്കുന്നത് വൈകും

കോ​ഴി​ക്കോ​ട്: കു​ടി​ശ്ശി​ക ന​ൽ​കാ​ത്ത​തി​നാ​ൽ സ്റ്റെ​ൻ​ഡ് വി​ത​ര​ണം മു​ട​ങ്ങി​യ​തോ​ടെ കോ​ഴി​ക്കോ​ട് ഗ​വ. ജ​ന​റ​ൽ ആ​ശു​പ​ത്രി​യി​ൽ അ​ട​ച്ചു​പൂ​ട്ടി​യ കാ​ത്ത് ലാ​ബ് പു​നഃ​സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട് ഡി.​എം.​ഒ​യു​ടെ നേ​തൃ​ത്വ​ത്തി​ൽ ന​ട​ത്തി​യ ച​ർ​ച്ച തീ​രു​മാ​ന​മാ​കാ​തെ പി​രി​ഞ്ഞു.

സ്റ്റെ​ൻ​ഡ് അ​നു​ബ​ന്ധ ഉ​പ​ക​ര​ണ​ങ്ങ​ൾ വി​ത​ര​ണം ചെ​യ്ത​തി​ന്‍റെ കു​ടി​ശ്ശി​ക​യി​ന​ത്തി​ൽ 33 ല​ക്ഷം രൂ​പ ന​ൽ​കാ​മെ​ന്ന് ജി​ല്ല ആ​രോ​ഗ്യ വ​കു​പ്പ് അ​റി​യി​ച്ചെ​ങ്കി​ലും ക​മ്പ​നി ക​ൺ​സോ​ർ​ട്യം പ്ര​തി​നി​ധി ഇ​ത് അം​ഗീ​ക​രി​ക്കാ​ൻ ത​യാ​റാ​യി​ല്ല. ക​ഴി​ഞ്ഞ ആ​ഗ​സ്ത് മു​ത​ൽ ര​ണ്ടു കോ​ടി​യോ​ളം രൂ​പ​യാ​ണ് ആ​ശു​പ​ത്രി വി​ത​ര​ണ​ക്കാ​ർ​ക്ക് ന​ൽ​കാ​നു​ള്ള​ത്. ആ​ഗ​സ്റ്റ്, സെ​പ്റ്റം​ബ​ർ മാ​സ​ത്തെ കു​ടി​ശ്ശി​ക ന​ൽ​കാ​മെ​ന്നാ​യി​രു​ന്നു ആ​രോ​ഗ്യ വ​കു​പ്പ് അ​റി​യി​ച്ച​ത്.

എ​ന്നാ​ൽ, ഡി​സം​ബ​ർ വ​രെ​യു​ള്ള കു​ടി​ശ്ശി​ക​യെ​ങ്കി​ലും അ​ട​ച്ചു​തീ​ർ​ക്ക​ണ​മെ​ന്ന് ക​മ്പ​നി നി​ല​പാ​ടെ​ടു​ക്കു​ക​യാ​യി​രു​ന്നു. ഇ​ത് ഇ​പ്പോ​ൾ ന​ൽ​കാ​ൻ ക​ഴി​യി​ല്ലെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ച​തോ​ടെ മൂ​ന്നു ദി​വ​സ​ത്തി​ന് ശേ​ഷം തീ​രു​മാ​നം പ​റ​യാ​മെ​ന്ന് വി​ത​ര​ണ​ക്കാ​രു​ടെ പ്ര​തി​നി​ധി അ​റി​യി​ക്കു​ക​യാ​യി​രു​ന്നു.

ഇ​തോ​ടെ പാ​വ​പ്പെ​ട്ട രോ​ഗി​ക​ൾ​ക്ക് ആ​ശ്വാ​സ​മാ​യി​രു​ന്ന കാ​ത്ത് ലാ​ബ് തു​റ​ക്കാ​ൻ ഏ​റെ കാ​ത്തി​രി​ക്കേ​ണ്ടി​വ​രു​മെ​ന്നു​റ​പ്പാ​യി. ഫ​ണ്ടി​ല്ലാ​ത്ത​തി​നാ​ൽ ഒ​രാ​ഴ്ച​ക്ക​കം കു​ടി​ശ്ശി​ക അ​ട​ച്ചു​തീ​ർ​ക്കാ​ൻ ക​ഴി​യി​ല്ലെ​ന്ന് ആ​രോ​ഗ്യ വ​കു​പ്പ് അ​ധി​കൃ​ത​ർ​ത​ന്നെ വ്യ​ക്ത​മാ​ക്കു​ന്നു.

രോ​ഗി​ക​ൾ​ക്ക് കാ​രു​ണ്യ ഇ​ൻ​ഷു​റ​ൻ​സ് പ​ദ്ധ​തി​യി​ലൂ​ടെ സൗ​ജ​ന്യ ചി​കി​ത്സ​യാ​ണ് ല​ഭി​ക്കു​ന്ന​ത്. ഈ​യി​ന​ത്തി​ൽ ര​ണ്ടു കോ​ടി​യോ​ളം രൂ​പ ആ​ശു​പ​ത്രി​ക്ക് ല​ഭി​ക്കാ​നു​ണ്ട്. ഇ​ത് ല​ഭി​ച്ചാ​ൽ മാ​ത്ര​മേ വി​ത​ര​ണ​ക്കാ​ർ​ക്ക് ന​ൽ​കാ​നു​ള്ള കു​ടി​ശ്ശി​ക അ​ട​ച്ചു​തീ​ർ​ക്കാ​ൻ ക​ഴി​യു​ക​യു​ള്ളൂ. ഇ​ത് ഉ​ട​ൻ അ​നു​വ​ദി​ച്ച് കി​ട്ടു​ന്ന​തി​നു​ള്ള ശ്ര​മ​ങ്ങ​ൾ തു​ട​രു​ക​യാ​ണെ​ന്ന് ജി​ല്ല ആ​രോ​ഗ്യ വ​കു​പ്പ് അ​റി​യി​ച്ചു.

കാ​ത്ത് ലാ​ബി​ലേ​ക്ക് സ്റ്റെ​ൻ​ഡും അ​നു​ബ​ന്ധ സാ​ധ​ന​ങ്ങ​ളും ന​ൽ​കി​യ ഇ​ന​ത്തി​ൽ ക​ഴി​ഞ്ഞ ആ​ഗ​സ്റ്റ് മു​ത​ലു​ള്ള തു​ക​യാ​ണ് കു​ടി​ശ്ശി​ക​യാ​യ​ത്. ഇ​ക്കാ​ര്യം ചൂ​ണ്ടി​ക്കാ​ട്ടി ജ​നു​വ​രി​യി​ൽ ആ​ശു​പ​ത്രി അ​ധി​കൃ​ത​ർ​ക്ക് വി​ത​ര​ണ​ക്കാ​ർ ക​ത്ത് ന​ൽ​കി​യി​രു​ന്നു. ന​ട​പ​ടി​യി​ല്ലാ​ത്ത​തി​നാ​ൽ ഒ​രു മാ​സം മു​മ്പ് സ്റ്റെ​ൻ​ഡ് വി​ത​ര​ണം നി​ർ​ത്തി.

നി​ല​വി​ലെ സ്റ്റോ​ക്ക് ഉ​പ​യോ​ഗി​ച്ച് അ​ടി​യ​ന്ത​ര​മാ​യി ന​ട​ത്തേ​ണ്ട ആ​ൻ​ജി​യോ​ഗ്രാം, ആ​ൻ​ജി​യോ​പ്ലാ​സ്റ്റി ചി​കി​ത്സ ന​ട​ത്തി​യെ​ങ്കി​ലും ഈ ​മാ​സം ര​ണ്ടാം വാ​ര​ത്തോ​ടെ അ​തും മു​ട​ങ്ങു​ക​യാ​യി​രു​ന്നു. ഒ​രു മാ​സം 50 വ​രെ ആ​ൻ​ജി​യോ​പ്ലാ​സ്റ്റി​യാ​ണ് ജ​ന​റ​ൽ ആ​ശു​പ​ത്രി​യി​ൽ ന​ട​ത്തു​ന്ന​ത്.