നിപ: ഫലങ്ങൾ നെഗറ്റിവ്, പ്രതിരോധം പോസിറ്റിവ്

കോ​ഴി​ക്കോ​ട്: ശ​ക്ത​മാ​യ പ്ര​തി​രോ​ധ​ത്തി​നി​ടെ, ശ​നി​യാ​ഴ്ച പ​രി​ശോ​ധി​ച്ച സാ​മ്പ്ൾ ഫ​ല​ങ്ങ​ളെ​ല്ലാം നെ​ഗ​റ്റി​വാ​യ​ത് ജി​ല്ല​ക്ക് ആ​ശ്വാ​സ​മാ​യി. നി​പ പോ​സി​റ്റി​വാ​യ വ്യ​ക്തി​ക​ളു​മാ​യി അ​ടു​ത്ത സ​മ്പ​ർ​ക്ക​മു​ള്ള ഹൈ ​റി​സ്കി​ലു​ള്ള​വ​രു​ടെ സാ​മ്പി​ളു​ക​ളാ​ണ് നെ​ഗ​റ്റി​വാ​ണെ​ന്ന് ക​ണ്ടെ​ത്തി​യ​ത്.

ക​ഴി​ഞ്ഞ ദി​വ​സം ന​ഗ​ര​പ​രി​ധി​യി​ല​ട​ക്കം പോ​സി​റ്റി​വ് കേ​സ് റി​പ്പോ​ർ​ട്ട് ചെ​യ്യു​ക​യും ക​ണ്ടെ​യ്ൻ​മെ​ന്‍റ് സോ​ണാ​യി പ്ര​ഖ്യാ​പി​ക്കു​ക​യും ചെ​യ്ത​ത് ജ​ന​ങ്ങ​ളി​ൽ ആ​ശ​ങ്ക​യു​ള​വാ​ക്കി​യി​രു​ന്നു. ഇ​തി​നു പി​ന്നാ​ലെ വ​ന്ന ഫ​ല​ങ്ങ​ൾ നെ​ഗ​റ്റി​വാ​യ​താ​ണ് ജി​ല്ല​ക്ക് ആ​ശ്വാ​സ​മാ​യ​ത്.

ര​ണ്ടു കു​ട്ടി​ക​ള​ട​ക്കം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ 21 പേ​രാ​ണ് ഐ​സൊ​ലേ​ഷ​നി​ലു​ള്ള​ത്. രോ​ഗി​ക​ൾ ചി​കി​ത്സ​യി​ലു​ള്ള ആ​ശു​പ​ത്രി​ക​ളി​ലെ​ല്ലാം മെ​ഡി​ക്ക​ൽ ബോ​ർ​ഡ് നി​ല​വി​ൽ വ​ന്നി​ട്ടു​ണ്ട്. എ​ല്ലാ​വ​രു​ടെ​യും ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്നും മ​ന്ത്രി പ​റ​ഞ്ഞു. അ​വ​സാ​നം പോ​സി​റ്റി​വാ​യ വ്യ​ക്തി​യു​ടെ കോ​ൺ​ട്രാ​ക്ട് ട്രേ​സി​ങ് ഉ​ട​ൻ പൂ​ർ​ത്തി​യാ​ക്കും. കൂ​ടാ​തെ പോ​സി​റ്റി​വാ​യി​ട്ടു​ള്ള രോ​ഗി​ക​ളു​ടെ ഏ​തെ​ങ്കി​ലും കോ​ൺ​ടാ​ക്ട് വി​ട്ടു​പോ​യി​ട്ടു​ണ്ടെ​ങ്കി​ൽ അ​തു ക​ണ്ടെ​ത്തും.

നി​പ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്കാ​യി രൂ​പ​വ​ത്ക​രി​ച്ച 19 കോ​ർ ക​മ്മി​റ്റി​ക​ളും യോ​ഗം ചേ​ർ​ന്ന് സ്ഥി​തി​ഗ​തി​ക​ൾ വി​ല​യി​രു​ത്തി. സാ​മ്പ്ൾ ശേ​ഖ​ര​ണ​ത്തി​ന് രോ​ഗി​ക​ളെ എ​ത്തി​ക്കു​ന്ന​തി​ന് കൂ​ടു​ത​ൽ ആം​ബു​ല​ൻ​സ് വി​ട്ടു​ന​ൽ​കാ​നും തീ​രു​മാ​ന​മാ​യി. മ​റ്റു ജി​ല്ല​ക​ളി​ൽ സ​മ്പ​ർ​ക്ക​പ്പ​ട്ടി​ക​യി​ലു​ള്ള​വ​രു​ടെ സാ​മ്പ്ൾ ഭൂ​രി​ഭാ​ഗ​വും ഞാ​യ​റാ​ഴ്ച​യോ​ടെ പൂ​ർ​ത്തി​യാ​ക്കു​മെ​ന്നും മ​ന്ത്രി പ​റ​ഞ്ഞു.

ട്രീ​റ്റ്മെ​ന്റ്, ഐ​സൊ​ലേ​ഷ​ൻ, ഡി​സ്ചാ​ർ​ജ് തു​ട​ങ്ങി​യ​വ​ക്ക് പ്രോ​ട്ടോ​കോ​ൾ അ​നു​സ​രി​ച്ചു​ള്ള എ​ല്ലാ കാ​ര്യ​ങ്ങ​ളും പാ​ലി​ക്ക​പ്പെ​ടു​ന്നു​ണ്ട്. 27 സെ​ൽ​ഫ് റി​പ്പോ​ർ​ട്ടി​ങ് കാ​ളു​ക​ളാ​ണ് ശ​നി​യാ​ഴ്ച ക​ൺ​ട്രോ​ൾ റൂ​മി​ൽ ല​ഭി​ച്ചി​ട്ടു​ള്ള​തെ​ന്നും മ​ന്ത്രി അ​റി​യി​ച്ചു.

കോ​ർ​പ​റേ​ഷ​ൻ പ​രി​ധി​യി​ലും ഫ​റോ​ക്ക് മു​നി​സി​പ്പാ​ലി​റ്റി​യി​ലും ക​ണ്ടെ​യി​ൻ​മെ​ന്‍റ് സോ​ണാ​യി പ്ര​ഖ്യാ​പി​ച്ച ഇ​ട​ങ്ങ​ളി​ൽ യോ​ഗം ചേ​ർ​ന്ന് വി​ശ​ദ​മാ​യി കാ​ര്യ​ങ്ങ​ൾ ച​ർ​ച്ച ചെ​യ്തി​ട്ടു​ണ്ടെ​ന്നും താ​ഴെ​ത്ത​ട്ടി​ൽ വ​രെ പ്ര​വ​ർ​ത്ത​നം ന​ട​ത്തു​ന്ന​തി​ന് സാ​ധി​ച്ചി​ട്ടു​ണ്ടെ​ന്നും പൊ​തു​മ​രാ​മ​ത്ത്-​ടൂ​റി​സം മ​ന്ത്രി പി.​എ. മു​ഹ​മ്മ​ദ്‌ റി​യാ​സ് പ​റ​ഞ്ഞു. മു​നി​സി​പ്പാ​ലി​റ്റി, കോ​ർ​പ​റേ​ഷ​ൻ പ​രി​ധി​യി​ലെ​ല്ലാം യോ​ഗ​ങ്ങ​ൾ ചേ​ർ​ന്നി​ട്ടു​ണ്ട്. ജി​ല്ല​യി​ൽ ക​ൺ​ട്രോ​ൾ റൂം ​പ്ര​വ​ർ​ത്ത​നം വ​ള​രെ ഫ​ല​പ്ര​ദ​മാ​യാ​ണ് ന​ട​ക്കു​ന്ന​തെ​ന്ന് മ​ന്ത്രി പ​റ​ഞ്ഞു.