അണുമുക്തമാക്കി

ചാത്തമംഗലം: കോവിഡ് പ്രതിരോധത്തി‍ൻെറ ഭാഗമായി കോവിഡ് രോഗിയുടെ സമ്പർക്ക സ്ഥലങ്ങൾ, വില്ലേജ് ഓഫിസ്, പഞ്ചായത്ത് ഓഫിസ്, കെ.എസ്.ഇ.ബി ഓഫിസ്, റേഷൻ കടകൾ, ബാങ്കുകൾ, അങ്ങാടികൾ എന്നിവ പഞ്ചായത്ത് യൂത്ത് ലീഗും വൈറ്റ് ഗാർഡ് പ്രവർത്തകരും സംയുക്തമായി അണുനശീകരണം നടത്തി. ജില്ല യൂത്ത്‌ ലീഗ് പ്രവർത്തക സമിതി അംഗം ഹക്കീം മാസ്​റ്റർ കളൻതോട്, മണ്ഡലം വൈറ്റ് ഗാർഡ് ക്യാപ്റ്റൻ സിദ്ദീഖ് ഈസ്​റ്റ്​ മലയമ്മ, പഞ്ചായത്ത് യൂത്ത് ലീഗ് ഭാരവാഹികളായ റിയാസ് മലയമ്മ, അഷ്‌റഫ് കളൻതോട്, മൻസൂർ ഈസ്​റ്റ്​ മലയമ്മ, കെ.കെ. അശ്മിൻ, സി.കെ. അലി ജൗഹർ, മുസ്തഫ വെള്ളലശ്ശേരി, ഷമീം, ഷാഹിദ് വെള്ളലശ്ശേരി എന്നിവർ നേതൃത്വം നൽകി.