വായനദിനാചരണം

എളേറ്റിൽ: എം.ജെ ഹയർ സെക്കൻഡറി സ്കൂളിലെ വിദ്യാരംഗം കലാസാഹിത്യവേദിയുടെയും മലയാളം ക്ലബിന്റെയും സംയുക്താഭിമുഖ്യത്തിൽ മൂവായിരത്തോളം വിദ്യാർഥികളും അധ്യാപകരും വായനയെ നെഞ്ചിലേറ്റി. ഓഫിസ്, സ്കൂൾ ബസ്, ഉച്ചഭക്ഷണം തയാറാക്കുന്ന ജീവനക്കാർ എന്നിവരും പങ്കാളികളായി. പി.ടി.എ വൈസ് പ്രസിഡന്റ് സക്കരിയ ചുഴലിക്കര ഉദ്ഘാടനം ചെയ്തു. ഹെഡ്മിസ്ട്രസ് എ. നിഷ അധ്യക്ഷത വഹിച്ചു. ജെ. മിനി, പി.പി. മുഹമ്മദ്‌ ഇസ്മായിൽ, കെ.കെ. ജസീർ, പി.കെ. അബ്ദുൽ ജലീൽ എന്നിവർ സംസാരിച്ചു. എം. താജുദ്ദീൻ സ്വാഗതവും സജ്ന മാട്ടുലായ് നന്ദിയും പറഞ്ഞു.