ദേ​ശീ​യ​പാ​ത​യു​ടെ​ സ​ർ​വി​സ് റോ​ഡു​ക​ൾ വ​ൺ​വേ അ​ല്ല

കോ​ഴി​ക്കോ​ട്: ദേ​ശീ​യ​പാ​ത​യു​ടെ സ​ര്‍വി​സ് റോ​ഡു​ക​ള്‍ ഗ​താ​ഗ​ത​ക്കു​രു​ക്കി​നി​ട​യാ​ക്കും. സ​ർ​വി​സ് റോ​ഡു​ക​ൾ വ​ൺ​വേ അ​ല്ല ടൂ​വേ പാ​ത​ക​ളാ​ണെ​ന്ന് ദേ​ശീ​യ​പാ​താ അ​ധി​കൃ​ത​ര്‍ വെ​ളി​പ്പെ​ടു​ത്തി​യ​തോ​ടെ​യാ​ണ് ഗ​താ​ഗ​ത​ക്കു​രു​ക്കി​ന്റെ​യും അ​പ​ക​ട​ത്തി​ന്റെ​യും മേ​ഖ​ല​യാ​യി സ​ർ​വി​സ് റോ​ഡു​ക​ൾ മാ​റു​മെ​ന്ന് ഉ​റ​പ്പാ​യ​ത്.

സ്വ​കാ​ര്യ വ്യ​ക്തി​ ന​ൽ​കി​യ വി​വ​രാ​വ​കാ​ശ അ​പേ​ക്ഷ​യു​ടെ മ​റു​പ​ടി​യി​ലും ഇ​ക്കാ​ര്യം വ്യ​ക്ത​മാ​ക്കി​യി​രു​ന്നു. ദേ​ശീ​യ​പാ​ത​യി​ൽ നി​രോ​ധി​ച്ച ട്രാ​ക്ട​ര്‍, ഓ​ട്ടോ, ബൈ​ക്ക് തു​ട​ങ്ങി​യ​വ​യെ​ല്ലാം സ​ര്‍വി​സ് റോ​ഡി​ലൂ​ടെ​മാ​ത്രം പോ​കേ​ണ്ടി​വ​രു​മ്പോ​ള്‍ കു​രു​ക്ക് രൂ​ക്ഷ​മാ​വും. ഇ​രു​വ​ശ​ങ്ങ​ളി​ലേ​ക്കും വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ അ​പ​ക​ട സാ​ധ്യ​ത ഏ​റെ​യാ​ണ്. പ​ല​യി​ട​ങ്ങ​ളി​ലും ഇ​തി​നെ​ച്ചൊ​ല്ലി വാ​ഹ​ന​മോ​ടി​ക്കു​ന്ന​വ​ര്‍ ത​മ്മി​ല്‍ സം​ഘ​ര്‍ഷ​വും പ​തി​വാ​യി​ട്ടു​ണ്ട്.

ദേ​ശീ​യ​പാ​ത നി​ര്‍മാ​ണ​ത്തി​നുമു​മ്പ് പ്രാ​ദേ​ശി​ക​യാ​ത്ര​ക​ള്‍ക്ക് ഉ​പ​യോ​ഗി​ച്ചി​രു​ന്ന റോ​ഡി​ന് പ​ല​യി​ട​ത്തും എ​ട്ടും ഒ​മ്പ​തും മീ​റ്റ​ര്‍ വീ​തി​യു​ണ്ടാ​യി​രു​ന്നു. എ​ന്നാ​ല്‍, ഇ​പ്പോ​ഴു​ള്ള സ​ര്‍വി​സ് റോ​ഡു​ക​ള്‍ക്ക് ആ​റ​ര​ മീ​റ്റ​ര്‍ മാ​ത്ര​മാ​ണ് വീ​തി. ചി​ല​യി​ട​ങ്ങ​ളി​ല്‍ അ​തു​പോ​ലു​മി​ല്ല.

ചെ​റി​യ​ദൂ​രം​മാ​ത്രം ഓ​ടു​ന്ന മി​നി​ലോ​റി​ക​ളും ബ​സു​ക​ളും മ​റ്റു വാ​ഹ​ന​ങ്ങ​ളും മാ​ത്ര​മാ​ണ് ഇ​പ്പോ​ള്‍ സ​ര്‍വി​സ്‌​റോ​ഡ് ഉ​പ​യോ​ഗി​ക്കു​ന്ന​ത്. വ​ലി​യൊ​രു വി​ഭാ​ഗം ഓ​ട്ടോ​റി​ക്ഷ​ക​ളും ബൈ​ക്കു​ക​ളും ദേ​ശീ​യ​പാ​ത​യി​ലൂ​ടെ​യാ​ണ് പോ​കു​ന്ന​ത്. എ​ന്നി​ട്ടും ഇ​പ്പോ​ള്‍ത്ത​ന്നെ സ​ര്‍വി​സ് റോ​ഡു​ക​ളി​ല്‍ പ​ല​യി​ട​ങ്ങ​ളി​ലും ഗ​താ​ഗ​ത​ക്കു​രു​ക്ക് രൂ​ക്ഷ​മാ​ണ്.

ഈ ​സാ​ഹ​ച​ര്യ​ത്തി​ല്‍ ദേ​ശീ​യ​പാ​ത​യു​ടെ വീ​തി 65 മീ​റ്റ​ര്‍ എ​ന്ന​ത് കേ​ര​ള​ത്തി​ല്‍ 45 മീ​റ്റ​ര്‍ ആ​ക്കി​യ​ത് ഏ​റ്റ​വു​മ​ധി​കം ബാ​ധി​ച്ച​ത് സ​ര്‍വി​സ് റോ​ഡി​ന്റെ വീ​തി​യെ​യാ​ണ്. വീ​തി​കു​റ​ഞ്ഞ സ്ഥ​ല​ങ്ങ​ളി​ൽ കൂ​ടു​ത​ൽ​സ്‍ഥ​ലം ഏ​റ്റെ​ടു​ക്കാ​നു​ള്ള ന​ട​പ​ടി​ക​ളു​മാ​യി ദേ​ശീ​യ​പാ​ത അ​തോ​റി​റ്റി മു​ന്നോ​ട്ടു​പോ​കു​ക​യാ​ണ്.