ഈ അധ്യാപകൻ പൊളിയാണ്; വരവ് കുതിരപ്പുറത്ത്

ന​രി​ക്കു​നി: ആ​ഗ്ര​ഹ​ങ്ങ​ൾ നി​റ​വേ​റ്റാ​നു​ള്ള​താ​ണ്. കു​തി​ര സ​വാ​രി​യി​ലൂ​ടെ ആ​ഗ്ര​ഹം നി​റ​വേ​റ്റു​ക​യാ​ണ് അ​ധ്യാ​പ​ക​നാ​യ അ​ൻ​ഷി​ദ്. എ​ര​വ​ന്നൂ​ർ എ.​യു.​പി സ്കൂ​ൾ ഹി​ന്ദി അ​ധ്യാ​പ​ക​നാ​യ പാ​ലോ​ളി​ത്താ​ഴം വി​ളി​പ്പാ​വി​ൽ അ​ൻ​ഷി​ദാ​ണ് കു​തി​ര​പ്പു​റ​ത്ത് അ​ക്ഷ​ര​ക്ക​ള​രി​യി​ലെ​ത്തു​ന്ന​ത്.

സ്കൂ​ൾ അ​ങ്ക​ണ​ത്തി​ലെ​ത്തി​യാ​ൽ പി​ന്നെ വി​ദ്യാ​ർ​ഥി​ക​ളു​ടെ ആ​ര​വ​മാ​ണ്. കു​റ​ച്ചു​സ​മ​യം സ്കൂ​ൾ ഗ്രൗ​ണ്ടി​ൽ കു​ട്ടി​ക​ൾ​ക്കൊ​പ്പം. ഫ​സ്റ്റ് ബെ​ൽ മു​ഴ​ങ്ങി​യാ​ൽ പി​ന്നെ കു​തി​ര സ്കൂ​ളി​ന്റെ പി​റ​കി​ലാ​യി​രി​ക്കും. സ്കൂ​ൾ പ്ര​വേ​ശ​നോ​ത്സ​വ സ​മ​യ​ത്താ​ണ് ആ​ദ്യ​മാ​യി സ്കൂ​ളി​ലേ​ക്ക് കു​തി​ര​പ്പു​റ​ത്ത് വ​ന്ന​ത്. ഇ​ന്ധ​ന വി​ല കൂ​ടി​വ​രു​മ്പോ​ൾ ആ​ശ്വാ​സ​മാ​ണ് ഈ ​കു​തി​ര​യാ​ത്ര. ബൈ​ക്കി​നേ​ക്കാ​ൾ ആ​ന​ന്ദ​ല​ഹ​രി​യാ​ണ് കു​തി​ര സ​വാ​രി എ​ന്ന് അ​ൻ​ഷി​ദ് പ​റ​യു​ന്നു.

സു​ഹൃ​ത്തും അ​ധ്യാ​പ​ക​നു​മാ​യ ഷ​ഹിം മു​ഹ​മ്മ​ദ​ലി​യു​മാ​യി ചേ​ർ​ന്നാ​ണ് മ​ഹാ​രാ​ഷ്ട്ര​യി​ൽ​നി​ന്ന് പൂ​നൂ​രി​ൽ കൊ​ണ്ടു​വ​ന്ന പെ​ൺ​കു​തി​ര​യെ അ​ൻ​ഷി​ദ് വാ​ങ്ങി​യ​ത്. പ​രി​ശീ​ല​ക​രൊ​ന്നു​മി​ല്ലാ​തെ വി​ഡി​യോ ക​ണ്ടാ​ണ് സ​വാ​രി പ​ഠി​ച്ച​ത്. കു​തി​ര പ​രി​ശീ​ല​ക​രാ​യ ക​ത്ത​റ​മ്മ​ൽ ഹ​ബീ​ബ്, ജൗ​ഹ​ർ ചീ​ക്കി​ലോ​ട്, ഫ​വാ​സ് ക​രു​വാ​ര​ക്കു​ണ്ട് എ​ന്നി​വ​രു​ടെ നി​ർ​ദേ​ശ​ങ്ങ​ളും പ്ര​യോ​ജ​ന​മാ​യി.

കു​തി​ര​യുമായി ആ​ത്മ​ബ​ന്ധം വേ​ണ​മെ​ന്ന് അ​ൻ​ഷി​ദ് പ​റ​യു​ന്നു. ബാ​ല്യ​ത്തി​ലെ മ​ന​സ്സി​ൽ മൊ​ട്ടി​ട്ട മോ​ഹ​മാ​ണ് കു​തി​ര സ​വാ​രി. സു​ഹൃ​ത്തി​ന്റെ വീ​ട്ടി​ലാ​ണ് കു​തി​ര​യെ പാ​ർ​പ്പി​ച്ചി​രി​ക്കു​ന്ന​ത്. രാ​വി​ലെ തീ​റ്റ കൊ​ടു​ത്താ​ൽ ഒ​രു മ​ണി​ക്കൂ​ർ ക​ഴി​ഞ്ഞേ സ​വാ​രി ചെ​യ്യാ​ൻ പ​റ്റൂ. അ​തു​കൊ​ണ്ട്, മി​ക്ക ദി​വ​സ​ങ്ങ​ളി​ലും ഉ​ച്ച​ക്കു​ശേ​ഷ​മാ​ണ് കു​തി​ര​പ്പു​റ​ത്ത് സ്കൂ​ളി​ലെ​ത്തു​ന്ന​ത്. മൂ​ന്നു വ​യ​സു​ള്ള ഈ ​നാ​ട​ൻ പെ​ൺ​കു​തി​ര​യു​ടെ പേ​ര് അ​റ​ബി​യി​ൽ ആ​കാ​ശം എ​ന്ന് അ​ർ​ത്ഥം വ​രു​ന്ന സ​മാ എ​ന്നാ​ണ്. സ്കൂ​ളി​നു പു​റ​മെ മ​ട​വൂ​ർ, പാ​ല​ത്ത് എ​ന്നി​വി​ട​ങ്ങ​ളി​ലും കു​തി​ര​പ്പു​റ​ത്ത് സ​ഞ്ച​രി​ച്ച​താ​യി അ​ൻ​ഷി​ദ് പ​റ​ഞ്ഞു.