ആറുപേരെ കടിച്ച തെരുവുനായ്ക്ക് പേവിഷബാധ

ന​രി​ക്കു​നി: ബു​ധ​നാ​ഴ്ച വൈ​കീ​ട്ട് കാ​രു​കു​ള​ങ്ങ​ര, മൂ​ർ​ഖ​ൻ​കു​ണ്ട് പ്ര​ദേ​ശ​ങ്ങ​ളി​ൽ ആ​റു​പേ​രെ​യും വ​ള​ർ​ത്തു​മൃ​ഗ​ങ്ങ​ളെ​യും ക​ടി​ച്ച നാ​യ്ക്ക് പേ​വി​ഷ​ബാ​ധ​യു​ണ്ടെ​ന്ന് ക​ണ്ടെ​ത്തി. പൂ​ക്കോ​ട് വെ​റ്റ​റി​ന​റി കേ​ന്ദ്ര​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് പേ​വി​ഷ​ബാ​ധ​യു​ണ്ടെ​ന്ന് ക​ണ്ടെ​ത്തി​യ​ത്. ഗ്രാ​മ​പ​ഞ്ചാ​യ​ത്ത് മൂ​ന്ന്, നാ​ല് വാ​ർ​ഡു​ക​ൾ കേ​ന്ദ്രീ​ക​രി​ച്ചാ​യി​രു​ന്നു തെ​രു​വ് നാ​യു​ടെ പ​രാ​ക്ര​മം. ഒ​രു വി​ദ്യാ​ർ​ഥി​യു​ൾ​പ്പെ​ടെ ആ​റു​പേ​രെ​യാ​യി​രു​ന്നു ക​ടി​ച്ച് പ​രി​ക്കേ​ൽ​പി​ച്ച​ത്.

ഏ​ഴ് വ​യ​സ്സു​കാ​രി​യാ​യ വി​ദ്യാ​ർ​ഥി​ക്ക് ഗു​രു​ത​ര പ​രി​ക്കേ​റ്റ​തി​നെ തു​ട​ർ​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ശി​ശു​രോ​ഗ വി​ഭാ​ഗ​ത്തി​ൽ തീ​വ്ര​പ​രി​ച​ര​ണ യൂ​നി​റ്റി​ൽ ചി​കി​ത്സ​യി​ലാ​ണ്. ക​ടി​യേ​റ്റ ബാ​ക്കി അ​ഞ്ചു​പേ​ർ മെ​ഡി​ക്ക​ൽ കോ​ള​ജി​ൽ​നി​ന്ന് പ്രാ​ഥ​മി​ക ചി​കി​ത്സ തേ​ടി മ​ട​ങ്ങി​യി​രു​ന്നു. നെ​റ്റി​യി​ലും മു​ഖ​ത്തും ഗു​രു​ത​ര​മാ​യി പ​രി​ക്കേ​റ്റ കു​ട്ടി​യാ​ണ് ചി​കി​ത്സ​യി​ൽ തു​ട​രു​ന്ന​ത്.

പ​റ​മ്പി​ൽ കെ​ട്ടി​യ നാ​ല് വ​ള​ർ​ത്തു​മൃ​ഗ​ങ്ങ​ളെ​യും നാ​യ് ക​ടി​ച്ചി​രു​ന്നു. മ​റ്റാ​രു​ടെ​യെ​ങ്കി​ലും വ​ള​ർ​ത്തു​മൃ​ഗ​ങ്ങ​ളെ ക​ടി​ച്ചി​ട്ടു​ണ്ടെ​ങ്കി​ൽ അ​വ​ർ അ​ത​ത് സ്ഥ​ല​ത്തെ വാ​ർ​ഡ് അം​ഗ​ങ്ങ​ളെ വി​വ​രം അ​റി​യി​ക്ക​ണ​മെ​ന്ന് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ജൗ​ഹ​ർ പൂ​മം​ഗ​ലം അ​റി​യി​ച്ചു. വെ​ള്ളി​യാ​ഴ്ച നാ​ലി​ന് മൂ​ർ​ഖ​ൻ​കു​ണ്ട് നെ​ടി​യ​നാ​ട് എ.​യു.​പി സ്കൂ​ളി​ൽ സ​ർ​വ​ക​ക്ഷി യോ​ഗം ചേ​രു​ന്നു​ണ്ട്.