ഓർക്കാനാവുന്നില്ല ആ നടുക്കുന്ന രാത്രി

നാ​ദാ​പു​രം: ഓർത്തെടുക്കാനാവാത്ത നടുക്കമാണ് വിലങ്ങാട് ഉൾപൊട്ടലുണ്ടായ ആ രാത്രി ഇവർക്ക്. രാ​ത്രി പ​ന്ത്ര​ണ്ട​ര​യോ​ടെ ഉ​റ​ങ്ങാ​നു​ള്ള ഒ​രു​ക്ക​ത്തി​ലാ​യി​രു​ന്നു ക​റു​പ്പ​ള്ളി​യി​ൽ സോ​മി​ന​യും ഭ​ർ​ത്താ​വും മൂ​ന്നു മ​ക്ക​ളു​മ​ട​ങ്ങി​യ കു​ടും​ബം. ഇ​തി​നി​ട​യി​ലാ​ണ് അ​സാ​ധാ​ര​ണ ശ​ബ്ദ​വും വ​ൻ മ​ര​ങ്ങ​ൾ ഒ​ഴു​കി വ​രു​ന്ന​തും ശ്ര​ദ്ധ​യി​ൽ​പെ​ട്ട​തെ​ന്ന് ഷീ​ന ഓ​ർ​മി​ക്കു​ന്നു. മൊ​ബൈ​ൽ വെ​ളി​ച്ച​ത്തി​ൽ ഇ​റ​ങ്ങി​യോ​ടി​യ ഇ​വ​ർ ഉ​യ​ര​ത്തി​ലു​ള്ള മ​റ്റൊ​രു വീ​ട്ടി​ൽ അ​ഭ​യം തേ​ടി. നേ​രം വെ​ളു​ത്ത​പ്പോ​ഴേ​ക്കും വീ​ടി​ന്റെ അ​ടു​ക്ക​ള, കി​ട​പ്പു​മു​റി, തി​ണ്ണ എ​ന്നി​വ​യെ​ല്ലാം ഒ​ഴു​കി​പ്പോ​യി​രു​ന്നു. വീ​ടും, കൃ​ഷി​യി​ട​വും ന​ഷ്ട​മാ​യെ​ങ്കി​ലും മ​ര​ണ​മു​ഖ​ത്തു​നി​ന്ന് ജീ​വ​ൻ തി​രി​ച്ചു​കി​ട്ടി​യ ആ​ശ്വാ​സ​ത്തി​ലാ​ണ് ക​റു​ക​പ്പ​ള്ളി​ൽ ത്രേ​സ്യാ​മ്മ​യും ന​ന്തി​ക്കാ​ട്ടി​ൽ ഷീ​ന​യും കു​ടും​ബ​വും.

60കാ​രി​യാ​യ ത്രേ​സ്യാ​മ്മ​യും മ​ക​നും ഒ​രു മ​ണി​യോ​ടെ ന​ല്ല ഉ​റ​ക്ക​ത്തി​ലാ​യി​രു​ന്നു. ഇ​തി​നി​ട​യി​ലാ​ണ് അ​യ​ൽ​വാ​സി ഷീ​ന​യും കു​ടും​ബ​വും ഓ​ടി​യെ​ത്തി വീ​ട്ടി​ൽ വെ​ള്ളം ക​യ​റി​യ​താ​യി പ​റ​യു​ന്ന​ത്. നി​മി​ഷ നേ​ര​ങ്ങ​ൾ​ക്കു​ള്ളി​ൽ വീ​ടി​ന്റെ പ​രി​സ​രം ര​ണ്ടാ​യി പി​രി​ഞ്ഞ് ഇ​രു​ഭാ​ഗ​ത്ത് കൂ​ടി​യും വെ​ള്ള​മൊ​ഴു​കി​യെ​ത്തി​യി​രു​ന്നു. അ​ടു​ക്ക​ള ജ​ന​ൽ വ​ഴി വീ​ടി​ന​ക​ത്തേ​ക്ക് വെ​ള്ളം ഇ​ര​ച്ചു​ക​യ​റി​യ​തോ​ടെ ജീ​വ​നും കൊ​ണ്ട് എ​ല്ലാ​വ​രും പു​റ​ത്തേ​ക്ക് ഓ​ടു​ക​യാ​യി​രു​ന്നു. അ​യ​ൽ​വീ​ട്ടി​ലേ​ക്ക് ഓ​ടി​യ എ​ല്ലാ​വ​രും ജീ​വ​ൻ തി​രി​ച്ചു​കി​ട്ടി​ല്ലെ​ന്ന ഉ​റ​പ്പി​ൽ വീ​ട്ടു​പ​റ​മ്പി​ലെ വ​ലി​യ പാ​റ​ക്കു​പി​ന്നി​ൽ പി​ടി​ച്ചി​രു​ന്നു.

ഭൂ​മി​കു​ലു​ക്കു​ന്ന ശ​ബ്ദ​ത്തോ​ടെ ഒ​ഴു​കി വ​രു​ന്ന കൂ​റ്റ​ൻ ക​ല്ലു​ക​ളും മാ​റി മാ​റി​യു​ള്ള ഉ​രു​ൾ​പൊ​ട്ട​ലി​ന്റെ പ്ര​ക​മ്പ​ന​വും ന​ട​ക്കു​ന്ന​തി​നി​ടെ എ​ങ്ങ​നെ ര​ക്ഷ​പ്പെ​ട്ടു എ​ന്ന് ദൈ​വ​ത്തി​നേ അ​റി​യൂ​വെ​ന്ന് ത്രേ​സ്യാ​മ്മ​യും ഷീ​ന​യും ഓ​ർ​ക്കു​ന്നു. എ​ല്ലാ​വ​രും മ​ഞ്ഞ കു​ന്ന​ത്ത് പ​ള്ളി​യി​ലെ ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്നു.