ആഷിന്റെ നേട്ടത്തിന് അതിജീവനത്തിളക്കം

നാ​ദാ​പു​രം: തീ​വ്ര​ശ്ര​വ​ണ പ​രി​മി​തി​യോ​ട് പൊ​രു​തി വെ​ള്ളി​യോ​ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ വി​ദ്യാ​ർ​ഥി ആ​ഷി​ൻ എ​സ്. സു​രേ​ഷ് എ​സ്.​എ​സ്.​എ​ൽ.​സി പ​രീ​ക്ഷ​യി​ൽ ഫു​ൾ എ ​പ്ല​സ് നേ​ടി. 85 ശ​ത​മാ​നം ശ്ര​വ​ണ​വൈ​ക​ല്യ​വു​മാ​യി പി​റ​ന്ന ആ​ഷി​ൻ പ്രീ​പ്രൈ​മ​റി മു​ത​ൽ സാ​ധാ​ര​ണ കു​ട്ടി​ക​ൾ​ക്കൊ​പ്പ​മാ​ണ് പ​ഠി​ച്ച​ത്.

കോ​ഴി​ക്കോ​ട് കാ​വ് സ്റ്റോ​പ്പി​ലെ വെ​ൽ​കെ​യ​ർ ഇ​ന്‍സ്‌​റ്റി​റ്റ്യൂ​ട്ട്, പ​റ​യ​ഞ്ചേ​രി ജി.​എ​ൽ.​പി സ്കൂ​ൾ എ​ന്നി​വി​ട​ങ്ങ​ളി​ലാ​യി​രു​ന്നു പ്രാ​ഥ​മി​ക പ​ഠ​നം. പ​തി​നൊ​ന്നാം വ​യ​സ്സി​ൽ കോ​ക്ലി​യ​ർ ഇം​പ്ലാ​ന്റ് ചെ​യ്തു. ആം​ഗ്യ​ഭാ​ഷ ആ​ശ്ര​യി​ക്കാ​തെ ഓ​ർ​ഡി​ന​റി വെ​ർ​ബ​ൽ ട്രെ​യി​നി​ങ് സ​ങ്കേ​ത​മാ​ണ് ആ​ശ​യ​വി​നി​മ​യ അ​വ​ലം​ബം. കു​മ്പ​ള​ച്ചോ​ല ഗ​വ. എ​ൽ.​പി സ്കൂ​ൾ പ്ര​ധാ​നാ​ധ്യാ​പ​ക​നാ​യ പി​താ​വ് എ​സ്. സു​രേ​ഷി​ന്റെ​യും ബി.​എ​ഡ് ബി​രു​ദ​ധാ​രി​യാ​യ മാ​താ​വ് ഷീ​ജ​യു​ടെ​യും പി​ന്തു​ണ ആ​ഷി​ന് അ​തി​ജീ​വ​ന​ക്ക​രു​ത്ത് പ​ക​ർ​ന്നു.

കൈ​റ്റ് വി​ക്ടേ​ഴ്സി​ന്റെ ഡി​ജി​റ്റ​ൽ ക്ലാ​സു​ക​ൾ വ​ലി​യ അ​നു​ഗ്ര​ഹ​മാ​യി. കോ​വി​ഡ് കാ​ലം മാ​സ്കു​ക​ൾ മൂ​ലം അ​ധ്യാ​പ​ക​രു​ടെ ചു​ണ്ടു​ക​ളു​ടെ ച​ല​ന​ങ്ങ​ൾ മ​റ​ഞ്ഞ​തി​ലൂ​ടെ​യു​ണ്ടാ​യ പ്ര​തി​സ​ന്ധി ഡി​ജി​റ്റ​ൽ ക്ലാ​സു​ക​ളി​ലൂ​ടെ​യാ​ണ് മ​റി​ക​ട​ന്ന​ത്. ജ്യേ​ഷ്ഠ​സ​ഹോ​ദ​ര​ൻ ആ​ൽ​ബി​ൻ എ​സ്. സു​രേ​ഷ് ഗ​വ. പോ​ളി​ടെ​ക്നി​ക്കി​ൽ​നി​ന്ന് ത്രി​വ​ത്സ​ര സി​വി​ൽ എ​ൻ​ജി​നീ​യ​റി​ങ് പൂ​ർ​ത്തി​യാ​ക്കി. ആ​ഷി​നെ​യും ഇ​തേ കോ​ഴ്സി​ൽ ചേ​ർ​ക്കാ​നാ​ണ് ഉ​ദ്ദേ​ശ്യ​മെ​ന്ന് പി​താ​വ് സു​രേ​ഷ് പ​റ​ഞ്ഞു.