ബസുകൾ തമ്മിൽ മത്സര ഓട്ടം, ഡ്രൈവർക്ക് മർദനം; യാത്രക്കാരി രക്ഷപ്പെട്ടത് തലനാരിഴക്ക്

നാ​ദാ​പു​രം: സ്വ​കാ​ര്യ​ബ​സു​ക​ൾ മ​ത്സ​ര ഓ​ട്ട​വും സ​മ​യ​ക്ര​മ​ത്തെ ചൊ​ല്ലി ത​ർ​ക്ക​വും. കൈ​യാ​ങ്ക​ളി​യി​ൽ ഡ്രൈ​വ​ർ​ക്ക് മ​ർ​ദ​ന​മേ​റ്റു. മ​ത്സ​ര​യോ​ട്ട​ത്തി​നി​ടെ യാ​ത്ര​ക്കാ​രി ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്.

കു​റ്റ്യാ​ടി - നാ​ദാ​പു​രം റൂ​ട്ടി​ൽ ചൊ​വ്വാ​ഴ്ച രാ​ത്രി ഏ​ഴോ​ടെ​യാ​ണ് സ്വ​കാ​ര്യ ബ​സു​ക​ൾ ത​മ്മി​ൽ മ​ത്സ​ര ഓ​ട്ട​വും അ​ടി​പി​ടി​യും ഉ​ണ്ടാ​യ​ത്.

ക​ല്ലാ​ച്ചി സ്റ്റോ​പ്പി​ൽ നി​ർ​ത്തി ആ​ളെ ഇ​റ​ക്കു​ന്ന​തി​നി​ട​യി​ൽ പി​ന്നി​ൽ വ​ന്ന ത​ല​ശ്ശേ​രി ബ​സ്, സ്റ്റോ​പ്പി​ൽ നി​ർ​ത്തി​യ ബ​സി​ന്റെ ഇ​ട​തു​ഭാ​ഗ​ത്തു​കൂ​ടെ ഓ​ടി​ച്ച് ക​യ​റ്റു​ക​യാ​യി​രു​ന്നു. ഇ​തി​നി​ടെ നി​ർ​ത്തി​യി​ട്ട ബ​സി​ൽ​നി​ന്ന് ഇ​റ​ങ്ങു​ക​യാ​യി​രു​ന്ന സ്ത്രീ ​അ​ത്ഭു​ത​ക​ര​മാ​യാ​ണ് ര​ക്ഷ​പ്പെ​ട്ട​തെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു.

വ​ട​ക​ര - കു​റ്റ്യാ​ടി റൂ​ട്ടി​ലോ​ടു​ന്ന കി​ഴ​ക്ക​യി​ൽ ബ​സും ത​ല​ശ്ശേ​രി - തൊ​ട്ടി​ൽ​പാ​ലം റൂ​ട്ടി​ൽ സ​ർ​വി​സ് ന​ട​ത്തു​ന്ന ദേ​വി​ക ബ​സും ത​മ്മി​ലാ​ണ് മ​ത്സ​ര ഓ​ട്ട​വും ജീ​വ​ന​ക്കാ​ർ ത​മ്മി​ൽ ബ​സ് സ്റ്റാ​ൻ​ഡി​ൽ കൈ​യാ​ങ്ക​ളി​യും ന​ട​ന്ന​ത്.

കു​റ്റ്യാ​ടി സ്റ്റാ​ൻ​ഡ് മു​ത​ൽ നാ​ദാ​പു​രം ബ​സ് സ്റ്റാ​ൻ​ഡ് വ​രെ ഇ​രു ബ​സു​ക​ളും റോ​ഡി​ലൂ​ടെ യാ​ത്ര​ക്കാ​രു​ടെ ജീ​വ​ൻ പ​ണ​യ​പ്പെ​ടു​ത്തി മ​ത്സ​രി​ച്ചോ​ടു​ക​യാ​യി​രു​ന്നു. സ്റ്റാ​ൻ​ഡി​ലെ​ത്തി​യ ഉ​ട​ൻ ത​ല​ശ്ശേ​രി ബ​സി​ലെ ഡ്രൈ​വ​ർ വ​ട​ക​ര - കു​റ്റ്യാ​ടി റൂ​ട്ടി​ലോ​ടു​ന്ന ബ​സ് ഡ്രൈ​വ​റെ യാ​ത്ര​ക്കാ​രു​ടെ മു​ന്നി​ൽ വെ​ച്ച് അ​സ​ഭ്യം​പ​റ​യു​ക​യും മ​ർ​ദി​ക്കു​ക​യും ചെ​യ്ത​താ​യി യാ​ത്ര​ക്കാ​ർ പ​റ​ഞ്ഞു.

ത​ർ​ക്ക​ത്തെ തു​ട​ർ​ന്ന് ഇ​രു ബ​സു​ക​ളി​ലെ​യും സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ പെ​രു​വ​ഴി​യി​ലാ​യി. വ​ട​ക​ര-​തൊ​ട്ടി​ൽ​പാ​ലം, ത​ല​ശ്ശേ​രി-​തൊ​ട്ടി​ൽ​പാ​ലം റൂ​ട്ടു​ക​ളി​ൽ സ​മ​യ​ക്ര​മ​ത്തെ ചൊ​ല്ലി സ്വ​കാ​ര്യ ബ​സു​ക​ളു​ടെ മ​ത്സ​ര ഓ​ട്ടം പ​തി​വാ​ണെ​ന്ന് സ്ഥി​രം യാ​ത്ര​ക്കാ​ർ പ​റ​ഞ്ഞു. ബ​സ് ചാ​ർ​ജ് വ​ർ​ധി​പ്പി​ച്ച​തോ​ടെ സ്റ്റോ​പ്പു​ക​ൾ പി​ടി​ക്കാ​നാ​യി കു​തി​ച്ചോ​ടു​ക​യാ​ണെ​ന്നും അ​ധി​കൃ​ത​രു​ടെ ഇ​ട​പെ​ട​ൽ ഉ​ണ്ടാ​വു​ന്നി​ല്ലെ​ന്നും യാ​ത്ര​ക്കാ​ർ പ​റ​ഞ്ഞു.