Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightNadapuramchevron_rightഓഫീസ് ആക്രമണം; മൂന്ന്​ ...

ഓഫീസ് ആക്രമണം; മൂന്ന്​ സി.പി.എം പ്രവർത്തകർ അറസ്​റ്റിൽ

text_fields
bookmark_border
ഓഫീസ് ആക്രമണം; മൂന്ന്​ സി.പി.എം പ്രവർത്തകർ അറസ്​റ്റിൽ
cancel
camera_alt

അറസ്​റ്റിലായ സി.പി.എം പ്രവർത്തകർ

നാദാപുരം: ലോക് താന്ത്രിക് ജനതാദൾ, ലീഗ് ഓഫിസുകൾക്കും സി.പി.എം ബസ് സ്​റ്റോപ്പിനും നേരെ നടന്ന ആക്രമണ കേസിൽ മൂന്ന്​ സി.പി.എം പ്രവർത്തകർ അറസ്​റ്റിൽ. കഴിഞ്ഞദിവസം രാത്രിയിൽ ഇരിങ്ങണ്ണൂരിലെയും തൂണേരിയിലെയും പാർട്ടി ഓഫിസുകളും ബസ് സ്​റ്റോപ്പുമാണ് ആക്രമിക്കപ്പെട്ടത്.

ആക്രമണത്തിൽ അസ്​ലം വധക്കേസിലെ പ്രതി ഉൾപ്പെടെ മൂന്നു സി.പി.എം പ്രവർത്തകരെയാണ് നാദാപുരം പൊലീസ് അറസ്​റ്റ്​ ചെയ്തത്. തൂണേരി മുടവന്തേരിയിലെ മൂലംതേരി സുഭാഷ് (39), കോടഞ്ചേരി സ്വദേശികളായ ചിക്കിലോട്ട് താഴക്കുനി വിശ്വജിത്ത്(32), തൈക്കിലോട്ട് ഷാജി(32) എന്നിവരാണ് അറസ്​റ്റിലായത്‌. ഷാജി അസ്​ലം വധക്കേസിലെ പതിമൂന്നാം പ്രതിയാണ്.

രണ്ടാം തീയതി പുലർച്ചയാണ് തൂണേരി ടൗണിലെ കോൺഗ്രസ് മണ്ഡലം കമ്മിറ്റി ഓഫിസ്, ഇരിങ്ങണ്ണൂർ ടൗണിലെ ലോക് താന്ത്രിക് ജനതാദൾ എടച്ചേരി പഞ്ചായത്ത് കമ്മിറ്റി ഓഫിസ്, ഇരിങ്ങണ്ണൂർ മേഖല മുസ്​ലിം ലീഗ് കമ്മിറ്റി ഓഫിസ്, എടച്ചേരി ചെക്ക് മുക്കിലെ സി.പി.എം ബസ് സ്​റ്റോപ്പ് എന്നിവക്കു നേരെ ആക്രമണം നടത്തിയത്.

സംഭവദിവസം രാത്രി കോടഞ്ചേരിയിലെ സുഹൃത്തി​െൻറ വീട്ടിലെ ചടങ്ങിൽ പങ്കെടുത്തശേഷം പുലർച്ച സ്കോർപിയോ വാനിൽ എത്തി ഓഫിസുകളും ബസ് സ്​റ്റോപ്പും തകർക്കുകയായിരുന്നു. ഇവർ സഞ്ചരിച്ച സ്കോർപിയോ പൊലീസ് കസ്​റ്റഡിയിലെടുത്തു.

ബിരിയാണി ചാലഞ്ച് പ്രവർത്തനത്തിനായി മറ്റൊരാളിൽനിന്ന് വാടകക്കെടുത്തതായിരുന്നു വാഹനം എന്ന് പൊലീസ് പറഞ്ഞു. നാട്ടിൽ മനഃപൂർവം കലാപം ഉണ്ടാക്കലായിരുന്നു പ്രതികളുടെ ലക്ഷ്യമെന്നും പൊലീസ് പറഞ്ഞു. പ്രതികൾക്ക് സ്​റ്റേഷൻ ജാമ്യം നൽകി വിട്ടയച്ചു. രാത്രികാലങ്ങളിൽ നാദാപുരം മേഖലയിൽ നിരവധി ആക്രമണസംഭവങ്ങൾ ഉണ്ടായിട്ടും പൊലീസിന് പ്രതികളെ കണ്ടെത്താൻ കഴിഞ്ഞിരുന്നില്ല.

രണ്ടുദിവസം കൊണ്ട് പ്രതികളെ കണ്ടുപിടിക്കാൻ കഴിഞ്ഞത് പൊലീസിന് നേട്ടമായെങ്കിലും നിസ്സാര വകുപ്പ് ചേർത്ത് സ്​റ്റേഷൻ ജാമ്യത്തിൽ പ്രതികളെ വിട്ടയച്ചത് വിമർശനത്തിനിടയാക്കിയിട്ടുണ്ട്. കല്ലാച്ചിയിലെയും പുറമേരിയിലെയും കോൺഗ്രസ് ഓഫിസുകൾക്കുനേരെ നടന്ന ആക്രമണത്തിലെ പ്രതികളെ കുറിച്ച് സൂചനയൊന്നും ലഭിച്ചിട്ടില്ല.

Show Full Article
TAGS:Party offices vandalized cpm ljd muslim leagu 
Next Story