മുത്തലാഖ്​; പൊലീസ് കേസെടുത്തു

നാ​ദാ​പു​രം: സ്ത്രീ​ധ​ന പീ​ഡ​ന​ത്തി​നും ഗാ​ർ​ഹി​ക പീ​ഡ​ന​ത്തി​നും കോ​ട​തി​യി​ൽ കേ​സ് ന​ട​ക്കു​ന്ന​തി​നി​ടെ മു​ത്ത​ലാ​ഖ് ചൊ​ല്ലി​യ​തി​നെ​തി​രെ കേ​സെ​ടു​ത്തു. എ​ള​യ​ട​ത്തെ ച​തി​രോ​ളി​ക്ക​ണ്ടി ജാ​സി​മി​നെ​തി​രെ​യാ​ണ് കോ​ട​തി നി​ർ​ദേ​ശ പ്ര​കാ​രം നാ​ദാ​പു​രം പൊ​ലീ​സ് കേ​സെ​ടു​ത്ത​ത്. 2015 ഒ​ക്ടോ​ബ​ർ മാ​സം 25നാ​ണ് വി​വാ​ഹം ന​ട​ന്ന​ത്.

വി​വാ​ഹം ക​ഴി​ഞ്ഞ് ഏ​താ​നും മാ​സ​ങ്ങ​ൾ​ക്ക് ശേ​ഷം ജാ​സി​മും ഭ​ർ​തൃ​ബ​ന്ധു​ക്ക​ളും ചേ​ർ​ന്ന് കൂ​ടു​ത​ൽ സ്വ​ർ​ണ​വും പ​ണ​വും സ്ത്രീ​ധ​ന​മാ​യി ആ​വ​ശ്യ​പ്പെ​ട്ട് നി​ര​ന്ത​രം ശാ​രീ​രി​ക​മാ​യും മാ​ന​സി​ക​മാ​യും പീ​ഡി​പ്പി​ച്ച​താ​യി ആ​ദ്യ ഭാ​ര്യ​യു​ടെ പ​രാ​തി​യി​ൽ പ​റ​യു​ന്നു. ഇ​തേ തു​ട​ർ​ന്ന് യു​വ​തി സ്വ​ന്തം വീ​ട്ടി​ലേ​ക്ക് താ​മ​സം മാ​റ്റി. പി​ന്നീ​ട് ഭ​ർ​തൃ വീ​ട്ടി​ലേ​ക്ക് പ്ര​വേ​ശ​നം അ​നു​വ​ദി​ച്ചി​ല്ല. ഇ​തേ തു​ട​ർ​ന്ന് ബ​ന്ധു​ക്ക​ൾ​ക്കെ​തി​രെ പൊ​ലീ​സി​ൽ പ​രാ​തി ന​ൽ​കി.

635/21 ന​മ്പ​റി​ൽ കേ​സ് എ​ടു​ത്ത് നാ​ദാ​പു​രം ജു​ഡി​ഷ്യ​ൽ ഫ​സ്​​റ്റ്​ ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച് വി​ചാ​ര​ണ ന​ട​ന്നു​വ​രു​ക​യാ​ണ്. വ​ട​ക​ര കു​ടും​ബ​കോ​ട​തി​യി​ൽ സ്വ​ർ​ണാ​ഭ​ര​ണ​ങ്ങ​ൾ തി​രി​ച്ചു കി​ട്ടാ​നും ചെ​ല​വി​നു​മാ​യി മ​റ്റൊ​രു കേ​സു​മു​ണ്ട്. എ​ന്നാ​ൽ, ഈ ​മാ​സം നാ​ലി​ന് ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ ത്വ​ലാ​ഖ് ചൊ​ല്ലി​യ​താ​യി യു​വ​തി​യെ വി​വ​രം അ​റി​യി​ക്കു​ക​യാ​യി​രു​ന്നു. മാ​ത്ര​മ​ല്ല ഈ ​മാ​സം അ​ഞ്ചി​ന് വ​ട​ക​ര കു​ടും​ബ കോ​ട​തി പ​രി​സ​ര​ത്തു​വെ​ച്ച് മു​ത്ത​ലാ​ഖ് ചൊ​ല്ലി​യ​താ​യും അ​റി​യി​ച്ചു. യു​വ​തി​യു​ടെ പ​രാ​തി​യി​ൽ കോ​ട​തി​യു​ത്ത​ര​വ് പ്ര​കാ​ര​മാ​ണ് നാ​ദാ​പു​രം പൊ​ലീ​സ് കേ​സ് എ​ടു​ത്ത​ത്.