കാലവർഷക്കെടുതിയിൽ തളരാ​തെ അഗ്നിരക്ഷാസേന

നാ​ദാ​പു​രം: കാ​ല​വ​ർ​ഷം വീ​ണ്ടും ശ​ക്ത​മാ​യ​തോ​ടെ നാ​ദാ​പു​രം മേ​ഖ​ല​യി​ൽ പ​ര​ക്കെ മ​ര​ങ്ങ​ൾ ക​ട​പു​ഴ​കി. ഇ​വ​യി​ൽ പ​ല​തും വീ​ണ​ത് വൈ​ദ്യു​തി തൂ​ണി​ലാ​യ​തി​നാ​ൽ സു​ര​ക്ഷ ഭീ​ഷ​ണി​ക്കൊ​പ്പം റോ​ഡ് ഗ​താ​ഗ​ത​ത്തി​നും ത​ട​സ്സ​മാ​യി. വി​ശ്ര​മ​മി​ല്ലാ​തെ അ​ഗ്നി​ര​ക്ഷാ​സേ​ന ര​ക്ഷാ​ദൗ​ത്യ​ത്തി​നി​റ​ങ്ങി​യ​ത് നാ​ടി​ന് ഏ​റെ ആ​ശ്വാ​സ​മാ​യി.

രാ​വി​ലെ പു​റ​മേ​രി പു​തി​യ പെ​ട്രോ​ൾ പ​മ്പി​ന് സ​മീ​പ​ത്താ​ണ് അ​പ​ക​ട ഭീ​ഷ​ണി​യു​യ​ർ​ത്തി​യ മ​രം ക​ട​പു​ഴ​കി​യ​ത്. പി​ന്നീ​ട് നാ​ദാ​പു​രം ക​ല്ലാ​ച്ചി റോ​ഡി​ലും മ​രം വീ​ണു. ഇ​വ മു​റി​ച്ചു​മാ​റ്റി ആ​രം​ഭി​ച്ച സേ​വ​നം രാ​ത്രി​യും പൂ​ർ​ത്തി​യാ​യി​ല്ല. ഉ​ച്ച​യോ​ടെ ക​ല്ലാ​ച്ചി-​തെ​രു​വം​പ​റ​മ്പ് റോ​ഡി​ലും തെ​രു​വം​പ​റ​മ്പ് മു​ത്ത​പ്പ​ൻ മ​ഠം ബ​സ് സ്റ്റോ​പ്പി​ലും വ​ട്ടോ​ളി ടൗ​ണി​ലും വ​ട്ടോ​ളി പാ​തി​രി​പ്പ​റ്റ റോ​ഡി​ലും മ​ര​ങ്ങ​ൾ വീ​ണു.

ചി​യ്യൂ​ർ റോ​ഡി​ൽ മ​രം വീ​ണ് അ​പ​ക​ടാ​വ​സ്ഥ​യി​ലാ​യ ട്രാ​ൻ​സ്ഫോ​ർ​മ​ർ സു​ര​ക്ഷി​ത​മാ​ക്കി. ഇ​വി​ടെ ഏ​റെ അ​പ​ക​ടം പി​ടി​ച്ച ദൗ​ത്യം പൂ​ർ​ത്തി​യാ​ക്കാ​ൻ നാ​ട്ടു​കാ​ർ​ക്കൊ​പ്പം നാ​ദാ​പു​രം ജ​ന​കീ​യ ദു​ര​ന്ത​നി​വാ​ര​ണ സേ​ന​യി​ലെ അം​ഗ​ങ്ങ​ളും പ​ങ്കാ​ളി​ക​ളാ​യി. അ​സി​സ്റ്റ​ൻ​റ് സ്റ്റേ​ഷ​ൻ ഓ​ഫി​സ​ർ ബി​ജ​യ​പ്ര​കാ​ശി​ന്റെ നേ​തൃ​ത്വ​ത്തി​ൽ സീ​നി​യ​ർ അ​ഗ്നി​ര​ക്ഷാ​സേ​ന ഓ​ഫി​സ​ർ​മാ​രാ​യ ഷ​മേ​ജ് കു​മാ​ർ, എ​ൻ. മു​ര​ളി, അ​ഗ്നി​ര​ക്ഷാ​സേ​ന ഓ​ഫി​സ​ർ​മാ​രാ​യ സി.​കെ. ഷൈ​ജേ​ഷ്, ഇ.​കെ. നി​കേ​ഷ്, എ. ​സ​തീ​ഷ്, എ​സ്. വി​നീ​ത്, എം. ​ലി​നീ​ഷ്, അ​രു​ൺ പ്ര​സാ​ദ്, ഡ്രൈ​വ​ർ​മാ​രാ​യ ലി​നീ​ഷ് കു​മാ​ർ, പി. ​പ്ര​ജീ​ഷ് എ​ന്നി​വ​ർ പ​ങ്കെ​ടു​ത്തു.