തെര​ഞ്ഞെടുപ്പ്: വിജയാഹ്ലാദത്തിന് നാദാപുരത്ത് കർശന നിയന്ത്രണം

നാ​ദാ​പു​രം: തെ​ര​ഞ്ഞെ​ടു​പ്പ് വി​ജ​യാ​ഹ്ലാ​ദം അ​തി​രു ക​ട​ക്കാ​തി​രി​ക്കാ​ൻ നാ​ദാ​പു​ര​ത്ത് നി​യ​ന്ത്ര​ണ​മേ​ർ​പ്പെ​ടു​ത്തി. നാ​ദാ​പു​പ​രം ഡി​വൈ.​എ​സ്.​പി​യു​ടെ ഓ​ഫി​സി​ൽ ​ചേ​ർ​ന്ന രാ​ഷ്ട്രീ​യ​പാ​ർ​ട്ടി നേ​താ​ക്ക​ളു​ടെ യോ​ഗ​ത്തി​ലാ​ണ് തീ​രു​മാ​നം. മ​ണ്ഡ​ല​ത്തി​ൽ വി​ജ​യി​ക്കു​ന്ന ക​ക്ഷി​യു​ടെ ആ​ഹ്ലാ​ദ​പ്ര​ക​ട​നം വോ​ട്ടെ​ണ്ണ​ൽ ദി​വ​സ​മാ​യ ജൂ​ൺ നാ​ലി​ന് വൈ​കീ​ട്ട് ആ​റു​മ​ണി​ക്ക് മു​മ്പ് അ​വ​സാ​നി​പ്പി​ക്ക​ണം. ദേ​ശീ​യ ത​ല​ത്തി​ൽ വി​ജ​യി​ക്കു​ന്ന ക​ക്ഷി​യു​ടെ ആ​ഹ്ലാ​ദ​പ്ര​ക​ട​നം ഫ​ല​പ്ര​ഖ്യാ​പ​ന​ത്തി​ന്റെ പി​റ്റേ ദി​വ​സം ന​ട​ത്തി വൈ​കീ​ട്ട് ആ​റു​മ​ണി​ക്കു​മു​മ്പ് അ​വ​സാ​നി​പ്പി​ക്ക​ണം. എ​ല്ലാ ആ​ഹ്ലാ​ദ പ്ര​ക​ട​ന​ങ്ങ​ളി​ലും മു​തി​ർ​ന്ന പാ​ർ​ട്ടി നേ​താ​ക്ക​ളു​ടെ സാ​ന്നി​ധ്യം ഉ​ണ്ടാ​യി​രി​ക്ക​ണം. ആ​ഹ്ലാ​ദ പ്ര​ക​ട​ന​ങ്ങ​ളി​ൽ പൊ​ലീ​സി​ന്റെ മു​ൻ​കൂ​ർ അ​നു​മ​തി​യി​ല്ലാ​തെ ഉ​ച്ച​ഭാ​ഷി​ണി ഉ​പ​യോ​ഗി​ച്ചാ​ൽ ക​ർ​ശ​ന​ന​ട​പ​ടി സ്വീ​ക​രി​ക്കും.

ആ​ഹ്ലാ​ദ പ്ര​ക​ട​ന​ങ്ങ​ളി​ൽ ഡി.​ജെ മ്യൂ​സി​ക്, തു​റ​ന്ന വാ​ഹ​ന​ങ്ങ​ൾ, മോ​ട്ടോ​ർ സൈ​ക്കി​ളു​ക​ൾ എ​ന്നി​വ ഉ​പ​യോ​ഗി​ക്കാ​ൻ പാ​ടി​ല്ല. ആ​ഹ്ലാ​ദ​പ്ര​ക​ട​ന​ങ്ങ​ൾ ന​ട​ത്തു​ന്ന സ​മ​യം, സ്ഥ​ലം, പ്ര​ക​ട​ന​ത്തി​ൽ സാ​ന്നി​ധ്യ​മു​ള്ള നേ​താ​ക്ക​ൾ എ​ന്നി​വ​രു​ടെ വി​വ​ര​ങ്ങ​ൾ സ്ഥ​ല​ത്തെ പൊ​ലീ​സ് സ്റ്റേ​ഷ​നി​ൽ മു​ൻ​കൂ​ട്ടി അ​റി​യി​ക്ക​ണം. പ്ര​കോ​പ​ന​പ​ര​മാ​യ​തോ വ്യ​ക്തി​ക​ളെ അ​ധി​ക്ഷേ​പി​ക്കു​ന്ന ത​ര​ത്തി​ലു ള്ള​തോ ആ​യ പോ​സ്റ്റു​ക​ൾ സോ​ഷ്യ​ൽ മീ​ഡി​യ വ​ഴി പ്ര​ച​രി​പ്പി​ച്ചാ​ൽ നി​യ​മ​ന​ട​പ​ടി സ്വീ​ക​രി​ക്കാ​നും ആ​ഹ്ലാ​ദ പ്ര​ക​ട​ന​ങ്ങ​ൾ​ക്കി​ടെ പാ​ർ​ട്ടി ഓ​ഫി​സു​ക​ൾ, വീ​ടു​ക​ൾ, മ​റ്റു വ്യ​ക്തി​ക​ൾ എ​ന്നി​വ​ർ​ക്ക് പ്ര​യാ​സം ഉ​ണ്ടാ​ക്കു​ന്ന വി​ധ​ത്തി​ൽ പ​ട​ക്കം പൊ​ട്ടി​ക്ക​രു​തെ​ന്നും യോ​ഗം തീ​രു​മാ​നി​ച്ചു.