വിദേശത്തു നിന്നെത്തിയ യുവാവിനെ ഒ​രു കോ​ടിയുടെ സ്വർണവുമായി കാണാതായി; സ്വൈരം കെടുത്തി ക്വ​ട്ടേഷൻ സംഘങ്ങൾ

നാ​ദാ​പു​രം: ഒ​ന്ന​ര കി​ലോ സ്വ​ർ​ണ​വു​മാ​യി വി​ദേ​ശ​ത്തു​നി​ന്നെ​ത്തി​യ യു​വാ​വ് അ​പ്ര​ത്യ​ക്ഷ​നാ​യി. യു​വാ​വി​നെ ക​ണ്ടെ​ത്താ​ൻ ക്വ​ട്ടേ​ഷ​ൻ സം​ഘ​ങ്ങ​ൾ നാ​ദാ​പു​രം മേ​ഖ​ല​യി​ൽ ക​റ​ങ്ങി നാ​ട്ടു​കാ​രു​ടെ സ്വൈ​രം കെ​ടു​ത്തു​ന്നു. ബ​ഹ്റൈ​നി​ൽ ജോ​ലി​ചെ​യ്യു​ന്ന നാ​ദാ​പു​രം ഇ​യ്യ​ങ്കോ​ട് സ്വ​ദേ​ശി​യാ​യ യു​വാ​വി​നെ തി​ര​ഞ്ഞാ​ണ്​ ക്വ​​ട്ടേ​ഷ​ൻ സം​ഘം ക​റ​ങ്ങു​ന്ന​ത്. ക​ഴി​ഞ്ഞ​ദി​വ​സം ഒ​രു കോ​ടി​യി​ൽ​പ​രം രൂ​പ വി​ല​വ​രു​ന്ന ഒ​ന്ന​ര കി​ലോ സ്വ​ർ​ണ​വു​മാ​യി യു​വാ​വ്​ ക​ണ്ണൂ​ർ വി​മാ​ന​ത്താ​വ​ള​ത്തി​ൽ ഇ​റ​ങ്ങി​യെ​ന്നാ​ണ്​ വി​വ​രം. വി​മാ​ന​ത്താ​വ​ള​ത്തി​ൽ കാ​ത്തു​നി​ന്ന സം​ഘ​ത്തെ വെ​ട്ടി​ച്ച് യു​വാ​വ് മു​ങ്ങു​ക​യാ​യി​രു​ന്നു​വ​ത്രെ. ഇ​തേ​ത്തു​ട​ർ​ന്ന് ചൊ​വ്വാ​ഴ്ച രാ​വി​ലെ 11 മ​ണി​യോ​ടെ ര​ണ്ട് വാ​ഹ​ന​ങ്ങ​ളി​ലാ​യി എ​ത്തി​യ അ​ജ്ഞാ​ത​സം​ഘം യു​വാ​വി​‍െൻറ വീ​ട്ടി​ലെ​ത്തി​യെ​ങ്കി​ലും ഇ​യാ​ളെ ക​ണ്ടെ​ത്താ​നാ​യി​ല്ല. തു​ട​ർ​ന്ന് ഇ​യാ​ളു​ടെ വീ​ടി​ന് സ​മീ​പ​ത്തെ ക​ട​യി​ലും മ​റ്റും യു​വാ​വി​നെ​ക്കു​റി​ച്ച്​ സം​ഘം അ​ന്വേ​ഷ​ണം ന​ട​ത്തി.

സ്വ​ർ​ണം തി​രി​ച്ചേ​ൽ​പി​ച്ചാ​ൽ വെ​റു​തെ വി​ടാ​മെ​ന്നും അ​ല്ലെ​ങ്കി​ൽ ശ​വം കാ​ണേ​ണ്ടി​വ​രു​മെ​ന്നും യു​വാ​വി​നെ അ​റി​യി​ക്കാ​ൻ നാ​ട്ടു​കാ​രോ​ട് പ​റ​യു​ക​യും ചെ​യ്തു. യു​വാ​വി​നെ ക​ണ്ടെ​ത്താ​ൻ സ​ഹാ​യി​ക്കു​ന്ന​വ​ർ​ക്ക് 15 ല​ക്ഷം രൂ​പ വാ​ഗ്ദാ​നം ചെ​യ്താ​ണ് സം​ഘം മ​ട​ങ്ങി​യ​ത്. ഇ​തി​നി​ടെ സ്വ​ർ​ണ​വു​മാ​യി നാ​ട്ടി​ലെ​ത്തി​യ യു​വാ​വി​നൊ​പ്പം ഇ​യാ​ളു​ടെ ത​ല​ശ്ശേ​രി സ്വ​ദേ​ശി​നി​യാ​യ ഭാ​ര്യ​യെ കു​റി​ച്ചും വി​വ​ര​മി​ല്ല. വി​ദേ​ശ​ത്ത​ു​നി​ന്ന് സ്വ​ർ​ണം ഏ​ൽ​പി​ച്ച കൊ​ടു​വ​ള്ളി കേ​ന്ദ്രീ​ക​രി​ച്ച സം​ഘ​മാ​ണ് യു​വാ​വി​നെ തേ​ടി എ​ത്തി​യ​തെ​ന്നാ​ണ് സൂ​ച​ന. ഇ​തി​നി​ടെ, ഗ​ൾ​ഫി​ൽ നി​ന്നെ​ത്തി​ച്ച സ്വ​ർ​ണം ക​ണ്ണൂ​രി​ലെ പൊ​ട്ടി​ക്ക​ൽ സം​ഘ​ത്തി​ന് കൈ​മാ​റി​യ​താ​യും ഇ​വ​രു​ടെ സം​ര​ക്ഷ​ണ​ത്തി​ലാ​ണ് യു​വാ​വു​ള്ള​തെ​ന്നും പ​റ​യ​പ്പെ​ടു​ന്നു. അ​തി​നി​ടെ ര​ണ്ടു​പേ​രെ കാ​ണാ​താ​യി​ട്ടും ത​ങ്ങ​ൾ​ക്ക്​ ഇ​തു​വ​രെ പ​രാ​തി​യൊ​ന്നും ല​ഭി​ച്ചി​ട്ടി​ല്ലെ​ന്ന് നാ​ദാ​പു​രം പൊ​ലീ​സ് പ​റ​ഞ്ഞു.